Galetiya 2:9 - Buki Kimaasabaina

⁹ Tuwo kidi Yemesa, , tauyadi siduuduwedi tovakumgo toolagaidi, Yaubada ina kanuwóiya paisewa manuna sikinane bogina ivinigu. Tuwo ima paisewa sikamoitamoe, e mama nuwovavasa Banabasi be yau siseikaniyema bego kai kana Totuyoyowo yaidi Vala Dedevina katalavaite go, kidi itoboine sina tauyadi sakavaidi kuuponidi yaidi sitalavaite.

Galetiya 2:9 ပူးပေါင်းရင်းမြစ်များ

Madiu 16:18

E ame yau alatuuwokoim kunōve: Kom Pita o kada, “Lasáuna.” Go moe lasaunayana yatana goi bei yau guna totugugunayao alamgogoidi ayatoidi nakae lasáuna neta yatana vada tayowo ikasa. Ago ámasa geya itoboineyeta guna totugugunayaoyadi itogagasavedi.

Luke 22:8

Tuwo Yeisu ina tovatotowanayao adi taiyuwo ilatuwokoidi idigo kana, ‘Ami taiyuwo kōna go, ida Basitáwana Aikanina kokatubayāsi bego takáika.’

Iyoni 1:42

Tuwo siyanayana ikabi ime Yeisu yaina goi. Yeisu ikandobala Saimoniyana ipotekavate go, idigo kana, ‘Kom Saimoni, Iyoni natuna. Ago kom youyuwoim avayoum moe .’ Kepasiyana ana kaigavila moe Pita.

Guinuwa 12:17

E tauyana nimana ikatulagasi, tomota isanabodedi situgau. E situgau go, ilatuwokoidi Yauwe manakaena deri goi ivakede isowóduwo. Aiyuwoina idigo kana, ‘Kōna ame dogoiyadi kotalavaitēdi Yemesa be sedao nuumisaidi yaidi.’ Ibóbwara ikavava, itaoya ikalavedi go, ina ituli ta kasa.

Guinuwa 15:13

E tutayana sibóbwara ikavava, Yemesa itaoya, idigo kana, ‘Segowo, konovēgu!

Guinuwa 15:7

E nuwonuwanayana pasina sikaumakimaki gagaina. Ikavava, itaoya, idigo kana, ‘Segowo, komi bogina koyagoi bego kita yaida goi Yaubada bogina ikinavegu bei sopagu goi Totuyoyowo yaidi sinove, e sinumise.

Guinuwa 4:36

E Livai tubuna tayamo guma Saipiro yoina Iyosepa go, vamoleyanayao siduduwe Banabasi. Moe ana kaigavila kada, ‘Tokipáiwala.’

Roma 1:5

Yeisuyana goi anuwóiya kababane o tadigo kada, ‘Ikawoima, e kai ina vamoleyanayao’ bego Tauyana yoina manuna kana liliudi yaidi Vala Dedevina katalavaite, e madi numisa sikabikaone.

Roma 12:3

Guna nuwonúwana ataligei. Yaubada ina kanuwóiya boi iivinigu, tauna liliumi alatuwokoimi taabu toinimi kokilaagasīmi imi kaiguyau manudi, go sem ma nuukotomi konuwonuwana dōkana manudi ame nakae: Aiguyauyadi Yaubada ivinimi nakae imi numisa ana kakainaki goi.

Roma 15:15

E ami leta ame goi magu katepatu livala kasakasaidi maniyedi bogina aginidi go, livalayadi goi dogoi maniyedi manudi yaimi avilivili. Itoboinegu livala kasakasaidiyadi aginidi unana Yaubada ina kanuwóiya, moe guna kawoi, boi ivinigu.

1 Korinta 15:10

Ego Yaubada ina kanuwóiya goi yau Yeisu ina vamoléyana tayamo. Go ina kanuwoiyayana yaigu goi ma basabasaina. Apoisógana gagaina go, guna poisoganayana goi Yeisu ina vamoleyanayao liliudi akalisavedi. Ago yau geya, go sem Yaubada ina kanuwóiya yaigu goi ipaaisewa.

2 Korinta 11:5

Go itoboine yau guna bóbwara goi komesayágana. Moitamo. Amo korotoyadi bego Guyau ina toosakidi go, yau guna nuwonúwana geya sikalisaveguta geya.

2 Korinta 12:11

Guna gagasayana goi bogina ayaluwo! Go moe komi koloetuetunema kaguinuwe. U, moe moitamo. Boi itoboine yau kokamoitamoegu, go geya koguinuweyeta! Bogina koyagoi. Nakona yau toosobugu go, tuwo amo tauyadi bego toogagaidi geya tayaamo kaga goi sitaoyakukuigu geya!

2 Korinta 8:4

Ego sikawanoi makimaki yaima kadi, ‘Kokanuwoiyema be vininabesoyana ana lamgógana manuna kasiukoimi, e Yaubada ina kimasabayao Yerusalema goi kavaitedi.’

Galetiya 1:16

bei Natuna ikaiwoduwe yau yaigu bego Tauyana Valena atalavaite yaidi, e mainao geya anoita tomota goi bego alumadadedi idi nuwonúwana Valayana manuna.

Galetiya 1:18

Niga tala aito mlidi atuko ana Yerusalema goi avadade. Akaaiyaka tauyana taiyao maliyalina ana badabada yawou ainima.

Galetiya 2:1

Niga tala yawou aivasi sikavava, yau be Banabasi aiyuwoina katukomna kana Yerusalema goi go, Taito nakae akabi taiyao kana.

Galetiya 2:2

E tomota geya silatuwokoiguta ana, go sem atuko ana Yerusalema Yaubada ina kaiwóduwo yaigu pasina. Maeko goi koroto gagaidi madi wowoina aditava yau taiyao katugúguna go, nakonakae yaidi, e alumavivisi korotoyadi yaidi. Latuwogu bego guna paisewa sikamoitamoe, govila bei guna paisewayana boi be nakae tuta simamaima geya keuwoinamo.

Galetiya 6:3

Moitamo. Avatau neta geya latuwona bego tomota ivaitedi, go sem ina nuwonúwana goi kana, ‘Yau toolagaigu’ go, geya, e tauyana toinina ikaatubau.

Epeso 2:20

Unana komi vada nakae, e kai Yeisu ina Yeisu.

Epeso 3:8

Yau toosobugu kidi Yaubada ina kimasabayao liliudi yaidi goi go, tuwo ame anuwoiyayana iivinigu bei ana kidi Totuyoyowo yaidi goi Guyau ina esaesa nikuunikuna atalavaite

Kolose 1:29

Moe manuna nakae apoisógana ame nakae: Tauyana ina togaga sinaegu goi ipaisewa makimaki, e moe togagayana goi aakokoila.

1 Timoti 3:15

go, neta akaaimúmuna, latuwogu bego kuuyagoi ava sinapuva itoboine Yaubada ina vada sinaena goi. Ina vadayana moe kita Yaubada maa yawoina ana totugugunayao. Tauyada Yaubada ana ana lasáuna be nakae ana tovabodaboda.

1 Iyoni 1:3

Kaga bogina kagite be kanove yaimi kataalavaite bego komi nakae kokabivekoveko kai taiyao. Go kai ima kabivekovekoyana moe Tamada be Natuna taiyao.

Nuwogau 3:12

Avatauwa komi neta kootogaga, bei alovina komalakówala nakae guna Yaubada ina Vada Kimaasabaina manuna be Tauyana matana goi kokaiyako vata. Yaimi goi Yaubada yoina be nakae ina kasa yoina aginidi; asayana moe Yerusalema vau, nava bei guna Yaubada yábana goi ietune isou ima. Nakae yoigu vau yaimi goi bei agini.