Galetiya 1:7 - Buki Kimaasabaina

⁷ Go moe valayana geya kada mooitamoina geya! Go tomota maniyedi nukotomi sikiwoowonidi be nakae sipooikíkina Guyau Valena Dedevina sisobale.

Galetiya 1:7 ပူးပေါင်းရင်းမြစ်များ

Madiu 24:24

Moitamo. Guyau polapola be nakae tokabivalavala polapola bei sisowóduwo, aba kinana kainaaopaidi gagaidi siguuinuwedi bei tomota sivasulaaigidi. Go bei sipoikíkina bego Yaubada ina kinavayao nakae sivasulaigidi.

Guinuwa 13:10

idigo kana, ‘Kom topola moitamo. Kom ina kenao mooitamoidi kubuugoyaidi!

Guinuwa 15:24

Livala bogina kanove bego Diyuu nuumisaidi maniyedi yaima goi bogina siwo sivatulukoimi go, idi vatulukwanayana pasina atemi siyova be nakae nuwomi sitúkala. Go geya kaetunedita siwo, go sem moe toinidi idi nuwonúwana goi siwo.

Guinuwa 20:30

Aiyuwoina ayagoi koroto maniyedi yaimi bei sitaoya idi vatulukwana polapola goi Yeisu ina tovatotowanayao sisobaledi bei sivasulaigidi.

2 Korinta 11:13

Moitamo. Tomota amo tauyadi nakae moe geya Yeisu ina vamoleyanayao moitamo geya. Kidi toguinuwa polapola. Kai ina vamoleyanayao sitapatema bego tomota sikatubaudi.

2 Korinta 2:17

Moitamo. Maniyedi totalavaita polapola madi váobuna Yaubada ina livala sitaalavaite. Go kai amo tauyadi nakae geya, go sem kai geya ima polamo kataalavaita. Kai ima spwagógana Guyau taiyao pasina katalavaita go, moe paisewayana Yaubada ikawoima bei matana goi katalavaita.

2 Korinta 4:2

Go sem guinuwagau be guinuwa aba omayamaya kakataedi. Nakae pola o Yaubada ina livala ana sobala geya, go sem tomota matadi goi kabóbwara moitamo, e bei tomota liliumi matami goi kakamoitamoema bei koyagoima Yaubada matana goi ima guinuwa dedevina.

Galetiya 1:6

Iyaa! Nuwogu iwówana gagaina imi guinuwa pasina. Boi ina kanuwóiya goi Yaubada iduduwemi bego komi ina bodao go, geya kovamumugoneta, e Tauyana kokalave go, ituli ta vala kosabokuliye!

Galetiya 2:4

E moe isowóduwo unana tonumisa polapola maniyedi ima tugúguna goi sisiugau; latuwodi Taito sakavaina ikupo. Idi nuwonúwana bego kidi Totuyoyowo neta sinumisa, e itoboinedi Yaubada ina Katukeda ana lovina sisabokuliyedi. Ago Atukeda ana lovinayadi goi .

Galetiya 4:17

Amo topolayadi madi salau sikatuuvekoimi go, geya kada ami dedevina manuna geya, go sem madi salau silivisida bego komi kovekoidi.

Galetiya 5:10

Guna ida Tomoya yaina pasina alotowoimi ituli ta nuwonúwana bei geya koyoisikavateyeta. Tauyana ina tamyábina goi nukotomi ikiwoowonidi, Yaubada ina liuna bei ibabane.

Galetiya 5:12

Latuwogu tauyadi nukotomi sikiwoowonidi sakavaidi kaka geya, go sem madabokiina sikupoidimo sikalavedi!

Galetiya 6:17

Ame tuta be nakae tuta simamaima taabu tomota mou siivinīgu. Moitamo. Yau sakavaigu goi labítuma sikaaiyaka guna numisa pasina. Labitumayadi moe aba kinana yau Yeisu ina tayamo.

2 Timoti 2:18

Tauyadi tonumisa maniyedi idi numisa sikaigoyaidi unana Yaubada ana Nanamsa Mooitamoina goi bogina sisuláiga go, idi sulaigayana goi kadi, ‘Tokámasa idi taoyamna ana tuta bogina isowóduwo.’

1 Iyoni 2:26

Ame livalayadi bogina aginidi siwo yaimi bei akatumatalimi ami topolayao manudi.

1 Iyoni 4:1

Guna kaloyao, ame tutayana polapola badabadaidi bogina siisowóduwo poyapoya ame goi. Tauna taabu tomota tamo tamo idi vatulúkwana kouyaaonēdi tutayana kadi, ‘Kai ima livala Yaubada Balomaina goi ima.’ Go sem kodovaatusīdi be koogitēdi neta Yaubada Balomaina goi sima o geya.

2 Iyoni 1:10

Avatauwa neta siwo yaimi go, moe vatulukwanayana geya sivatulukoneta, e tauyadi imi vada goi taabu kouyaaonēdi be nakae taabu kokaauyāgu yaidi.

2 Iyoni 1:7

Moitamo. Topola badabadaidi bogina sina asa liliudi poyapoya ana madabokina goi silawooiwoi bego Yeisu imalasakava. Avatau neta amo nakae siibobore, iya moe topolayana, Guyau ana kaleyayana.

Yuda 1:4

Ame moitamo. Maniyena tokapipilova bogina sisiugau imi bodao yaimi goi. Moe tauyadi manudi boi nimatu Yaubada ina sitalavaita bego tomota amo nakae Yaubada ina lovina moumouna bei sibabane. Tauyadi Yaubada ana tokaoliliwoyao. Ida Yaubada ina vatulúkwana anuwóiya manuna sikaatusavi be nakae sikaiigavile ame nakae: Sidigo kadi, ‘Yaubada ina kanuwóiya goi ida goyo inuwotaoidi, tauna itoboineda sakavaida adi vikaiya owáowana taguuinuwe.’ Aiyuwoina Yeisu be ida Tomoya go, tuwo amo silawoiiwoiye!

Nuwogau 12:9

Yaviya ikavava, kidi Maikoro gigimetayana mana aneroseyao siyoisidi, silavedi sisou sina poyapoya. Gigimetayana gagaina moe moteta boi nimatu ikaaiyaka. Youyuwoina moe be nakae Kaleya. Tauyana da poyapoya adi topola.

Nuwogau 13:14

Tauyana mana tagona aba kinana imadagidi woiwoi vakuumgoina ina lovina goi go, aba kinanayadi goi tomota da poyapoya ikatubaudi bego woiwoi vakuumgoina yaina sisakululu. Tuwo da poyapoya ilatuwokoidi tokwalu woiwoi vakuumgoina maisiyana siwodugu. Tauyana boi sisi goi ivailai go, idedevinamna.

Nuwogau 19:20

Go Tauyana osi poowouna goi iitulaga itaoya, woiwoiyana be nakae polapolayana iyoisidi. Tokabivalavalayana boi aba kinana imadagidi, e aba kinanayadi goi tomota ikatubaudi. Amo tauyadi woiwoi ina katukatu nimadi o dabadi goi sikaupakiyedi nakae tokwalu woiwoi maisiyana yaina sisaakululu. Tuwo adi taiyuwokova iyoisidi ilavedi ma yawoidi sisou sina yeu sabeninimina poiseni mokauna taiyao sinaedi goi.

Nuwogau 2:2

Imi sinapu bogina ayaagoidi. Sinapuyadi moe imi poisógana be nakae imi mesayágana. Nakae aayagoi bego toogoyoidi kokataedi be nakae vamoleyana polapola kovakakonedi, tauna koyagoi tauyadi topola.

Nuwogau 2:20

Go geya kada imi sinapu madabokina dedevina geya, go sem imi sinapu tayamo akatae. Sinapuyana moe vavina tayamo Yesibeli nakae kotagone yaimi ikaaiyaka. Tauyana toinina ivayoko bego Yaubada ina ivatulukoidi go, ina vatulukwanayana goi ivasulaigidi; latuwona bego kidi simasisi goyogoyo be nakae awoinu kaasalaidi yaubada polapola yaidi sikáika.

Nuwogau 2:6

Go geya kada komi imi sinapu madabokina igoyo geya, go sem imi guinuwa ame dedevina: Kidi Nikalete ina bodao idi sinapu kokaoliilivedi. Sinapuyadi yau nakae akaoliilivedi.

Nuwogau 20:3

Iyowo ikavava, ilave isou ina masi sinaena. Ilave ikavava, masi tobuna ikatunibode, iroke go, Yaubada ina lovina goi ina maka ikaupakiye. Tonoko goi ikaaiyaka bego geya tuwaina itoboine tomota ikatubaudi ana kadókana tala ana badabada tayamo tausani (1,000) sikavava. Amo talayadi sikavava, bei sitaligei tuta kaakupina manuna.