Galetiya 1:23 - Buki Kimaasabaina

²³ go, valegu kaka tauna sinooveyamo, kadi, ‘Tauyana boi iyogedegededa go, bogina ame tuta Vala Dedevina itaalavaite. Kita ame Valayana ana tonumisayao boi ipoikikida bego imtulida.’

Galetiya 1:23 ပူးပေါင်းရင်းမြစ်များ

Guinuwa 19:13

E Diyuu maniyedi nakae sikaaiyaka, tauyadi dimoni ana tovatapiyayao go, sivanibiníbita asa tamo tamo goi sipooikíkina bego Tomoya Yeisu yoina goi dimoni sivatapiye sidigo kadi, ‘Tauyana Yeisu, kina Paulo itaalavaite, yoina goi kalovinaem kusowōduwo!’

Guinuwa 6:7

Tuwo Yaubada ina livala tuwaina inunúnuwo, e Yeisu ina tovatotowanayao Yerusalema goi tuwaina sibaadabada gagaina. nakae; badabadaaidi Yeisu valena sinovenove, siinumise.

Guinuwa 9:13

Go kina Ananiyasiyana idigo kana, ‘Tomoya, amo korotoyana valena tomota badabadaidi sivaateteli bogina anove. Boi Yerusalema goi goyo gagaina iguinuwe im kimasabayao yaidi.

Guinuwa 9:20

Ina kaiyakayana goi mainao ikabitaotaoya iseivata ina Diyuu idi kaba tugúguna tamo tamo goi Yeisu valena itaalavaite idigo kana, ‘Moitamo, Yeisu Yaubada Natuna.’

Guinuwa 9:21

E tomota aba tugugunayadi sinaedi goi Saulo sinove sikainaopa, sidigo kadi, ‘Iyaa! Ame tauyana boi ipooikíkina bego Yeisu ana tosabokuliyao Yerusalema goi imtulidi ae? Nakona ima ameko nakae bego Yeisu ina tonumisayao iyoisidi inavedi Tonúwala Gagaidi nimadi goi iyatoidi!’

Guinuwa 9:26

E tutayana ima Yerusalema goi ipoikíkina bego Yeisu ina tovatotowanayao isiukoidi go, kidi liliudi simatoite kadi, ‘Masa bego tauyana Yeisu ina tovatotówana tayamo.’

Galetiya 6:10

E tauna neta ava tuta itoboineda, e guinuwa dedevidi taguinuwēdi tomota liliudi yaidi goi go, gagaina taguinūwe kidi ina bodayauwo yaidi goi.