Epeso 6:18 - Buki Kimaasabaina

¹⁸ Ago imi kawanoi liliudi tuta tamo tamo Baloma Kimaasabaina ina togaga goi kokaawanōi go, moe pasina nukotomi goi koyauyāusa go, mami poisógana kokaawanōi kidi Yaubada ina kimasabayao liliudi manudi.

Epeso 6:18 ပူးပေါင်းရင်းမြစ်များ

Madiu 17:21

Ego dimoni amo nakae bóbwara kaka goi geya isiyeta, go sem awanoi goi be goi bei isowóduwo.]’

Madiu 26:41

Ago adi taito ilatuwokoidi idigo kana, ‘Koyauyāusa nakae kokaawanōi bego aba vakakona goi geya kokapusita. Balomaimi latuwodi toina go, wowomi sineneta.’

Maki 13:33

Matami silala koyauyāusa. Moitamo. Komi geya koyagoiyeta ava tuta Tomalatomota bei ima.

Maki 14:38

Ago adi taito ilatuwokoidi kana, ‘Koyauyāusa nakae kokaawanōi bego aba vakakona goi geya kokapusita. Balomaimi latuwodi toina go, wowomi sineneta.’

Luke 21:36

E tuta liliuna matami silala koyauyāusa. Imi yausayana goi kokawanōi Yaubada yaina bego kotogaga bei itoboinemi amo mouyadi giyakainava siisowóduwo kosiyaedi be nakae itoboinemi Tomalatomota matana goi kotaoya.’

Luke 22:46

Tuwo, iwoinidi idigo kana, ‘Manakae kokanaamatáiya? Kotāoya be kokawanōi Yaubada yaina bei ivaitemi aba vakakona goi geya kokapusita.’

Luke 3:26

Nagai tamana moe Makata. Makata tamana moe Matatiyasi. Matatiyasi tamana moe Semeini. Semeini tamana moe Yoseka. Yoseka tamana moe Yoda.

Luke 3:37

Lemeki tamana moe Metúsela. Metúsela tamana moe Enoki. Enoki tamana moe Yaredi. Yaredi tamana moe Malaleli. Malaleli tamana moe Kenani.

Guinuwa 1:14

Moe tauyadi, maniyedi vevina, Yeisu senao be nakae sinana Meri taiyao sikaaiyaka go, madabokidi nuwodi tayamo goi tuta liliuna toinidi sikaasaledi idi kawanoi Yaubada yaina goi.

Guinuwa 10:2

Tauyana koroto kaasalaina Yaubada yaina nakae mana bodayauwo . Tookaidi ivaaitedi gagaina be nakae tuta liliuna ikawanoi Yaubada yaina.

Guinuwa 12:5

E Pita deri goi siyoisiikavate go, kidi ana totugugunayaoyadi Yerusalema goi sikaawanoi makimaki Yaubada yaina Pita ana yóita manuna.

Guinuwa 6:4

E kai go bei kakasalema awanoi be Yeisu Valena Dedevina ana vatulúkwana yaidi goi.’

Roma 12:12

Imi lotuta ami yava pasina kouyaōne. Imi mou goi koaaramāitana. Kokasalēmi awanoi goi.

Roma 8:15

Yaubada Balomaina ivinida go, geya bego bei ikaluvilemneida ina liuna ana matoita goi geya. Go sem Balomainayana bogina ivinida bei ivanatuneda go, ame Balomayana goi kita taaduduwo Yaubada yaina kada, ‘, Tamagu!’

Galetiya 4:6

E komi be yau Yaubada natunao, tauna Balomaina bogina ietune ima isiu nuwoda goi ikaaiyaka, e mada uyáwana takawanoi makimaki Yaubada yaina kada, ‘, Tamagu!’

Epeso 1:16

tuta liliuna guna kawanoi Yaubada yaina goi anuwaisimi be manumi akaauyagu.

Epeso 2:22

Aiyuwoina imi spwagógana Guyau taiyao pasina komi vada ana gurewa nakae Yaubada ivaapopoimi kikina kikina ana kadókana komi be kai Yaubada ina kaba kaiyaka. Moeko goi Tauyana Balomaina bei ikaaiyaka.

Epeso 3:18

Tauna aiyuwoina guna kawanoi Yaubada yaina bego itoboinemi Tauyana ina kimasabayao liliudi taiyao ina togaga ana kakainaki koyagoi. Nakae ana papaeva, ana mamanao, ana tukotuko be ana sousou geya ana kaba lukavavamo.

Epeso 3:8

Yau toosobugu kidi Yaubada ina kimasabayao liliudi yaidi goi go, tuwo ame anuwoiyayana iivinigu bei ana kidi Totuyoyowo yaidi goi Guyau ina esaesa nikuunikuna atalavaite

Epeso 6:19

Kokawanōi yau nakae manugu bego Yaubada guna bóbwara iivinigu bei tuta tamo tamo magu katepatu kaga boi vamoounina Vala Dedevina manuna akaiwoduwe tomota yaidi.

Pilipai 4:6

Geya tayaamo kaga manuna konuuwotūkala, go sem tutayana kokawanoi Yaubada yaina, mami kauyagu Tauyana kolatuwōko kaga liliuna sisowóduwo yaimi.

Kolose 1:3

Tuta liliuna Yaubada, Tauyana ida Tomoya Yeisu Tamana, yaina kakaauyagu tutayana komi manumi kakaawanoi.

Kolose 1:4

Kakaauyagu nakae boi tutayana vala kagiminove imi numisa imi kidi Yaubada ina kimasabayao liliudi yaidi manuna go, ima ame tuta.

Kolose 4:2

Kokaasalēmi awanoi goi go, imi kawanoiyana goi mami kauyagu nukotomi goi koyauyāusa.

1 Tesalonáika 5:17

Imi kawanoi Yaubada yaina taabu koosayāta.

1 Timoti 2:1

E tuwo dogoi tayamo gagaina akatusinapumi ame nakae: Tugúguna goi imi kawanoi liliudi tomota liliudi idi vaita manudi kotalavaaitēdi Yaubada yaina be nakae manudi kokaauyāgu Tauyana yaina.

2 Timoti 1:3

Nuwogu geya isabutukoeta tutayana ataaimámina Yaubada yaina nakae boi nimatu tubugowo sitaaimámina. Ame Yaubadayana yaina akaauyagu tutayana sabamgo be maliyalina guna kawanoi goi anuwokaavatem.

Iberiu 5:7

Guyauyana, tutayana poyapoya ame goi ikaaiyaka, mana duduwo gagaina be mana táiya ikawanoi Yaubada yaina unana iyagoi Tauyana itoboine ámasa goi iyave. Ikawanoi, e ina wowoina pasina Yaubada inove.

1 Pita 4:7

E dogoi liliudi idi tuta ana kaba lukavava bogina ikaponapona. Tauna imi sinapu be imi nuwonúwana kokabikuunuīdi, e bei itoboinemi kokawanoi dókana Yaubada yaina.

Yuda 1:20

E komi go guna kaloyao, semiyao kokitoogagēdi, bei vatulúkwana kimaasabaina toina koonumise goi sitogaga. Go Baloma Kimaasabaina kootagōne ivaakedemi imi kawanoi goi.