Epeso 5:8 - Buki Kimaasabaina

⁸ Boi mainao komi mamaníwana nakae go, ame tuta imi ida Tomoya taiyao pasina komi mavada nakae. Komi mavada natunao nakae kooketōiya.

Epeso 5:8 ပူးပေါင်းရင်းမြစ်များ

Madiu 3:8

Tauna neta sayóyova vavagimi koma bego Yaubada ina egamogamoguyana yaina kosiya, e mainao imi tugavilayana goi keuwoimi dedevidi koguinuwēdi.

Madiu 4:16

Tomotayadi kokonótuya goi sikaaiyaka moe nakae amasa vata kikina goi go, mavada gagaaina bogina sigite. Mavadayana moe Yaubada ina yava ikaiwoduwe yaidi.’ Aiseya 9:1-2

Luke 1:79

e bei tauyadi kokonótuya goi be nakae ámasa kikina goi itapasigidi. Aiyuwoina tuboina ana kenao goi bei ivakededa.’

Luke 16:8

Tuwo tomoyayana ina torugwáuta polapolaina ina guinuwa valena inove, ina kabitam manuna iyapaliye. Unana da poyapoya idi guinuwa goi madi kabitam gagaina toinidi idi bodao yaidi namlieta kidi mavada goi sikaaiyaka idi kabitam. Tauna torugwautayana iyapaliye.

Iyoni 1:9

Tauyana Mavada mooitamoina imamaima poyapoya ame goi tomota liliuda nukotoda itapasigidi.

Iyoni 12:35

Tuwo Yeisu idigo kana, ‘Tuta giyaina mavada bei yaimi goi ikaaiyaka. Go ame tuta nava ikaaiyaka; mavadayana goi koketoiyāmo, govila bei mamaníwana ikalisavemi. Go avatauwa neta mamaníwana goi siiketoiya, geya siyagoiyeta nako sinonoina.

Iyoni 12:46

Yau mavada nakae ama poyapoya ame goi bego avatauwa neta sinuumisegu, kokonótuya goi geya sikaiyaketa.

Iyoni 8:12

E niga aiyuwoina Yeisu Vada Kimaasabaina ina kali goi tomota ilatuwokoidi idigo kana, ‘ adi mavada. Avatauwa komi neta kosabokuuliyegu, mamaníwana goi geya koketoiyeta, go sem komi manumi mavadayana yawana vau ana kenao bei itapasigi.’

Guinuwa 17:30

E tuwo boi mainao Yaubadayana kotamogemogeye, tuwo imi goyo geya ikatumapudita, go sem ina upa bogina iyato bego da poyapoya mana kivavasa itakinodokoidi. Ago koroto tayamo boi bogina ivayoko ina totakínona. Manakaeda tayagoi bego ame moitamo? Aba kamoitamo iguinuwe tomota liliuda yaida moe korotoyana tokámasa yaidi goi ikaitáoe. Korotoyana ikinave bego tomota liliudi itakinoidi. Tauna ame tuta Yaubada ilovina bego tomota madabokida asa liliudi goi tatugavīla go, Tauyana anetava tanumīse.’

Guinuwa 26:18

Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Roma 1:21

Unana siyagoi Yaubada ikaaiyaka go, tuwo ina togaga ana geya sikamoitamoeyeta nakae itoboinedi. Nakae yaina geya sikauyaguta, go sem idi nuwogau goi tauyadi geya basabasaidimo be nuwodi yaaluwoidi bogina sikamamaníwana. Tauna geya itoboinedita sivakibala idi kapipilova manudi.

Roma 13:12

Goyo sabamgo nakae giyakainava bogina ikavava go, maliyalina matagougouna, e giyakainava bei isowóduwo. Tauna mamaníwana ana guinuwa kwama nakae tavalilivīdi go, tovayaviya nakae mavada ana kaipíyama talosīdi.

Roma 2:19

Nakona koyagoidoko komi bego Totuyoyowo matadi kebokeboidi adi tovakeda, nakae komi tauyadi mamaníwana goi adi mavada.

1 Korinta 1:30

E Yaubada ina guinuwa pasina kita Yeisu taiyao taspwagógana. Guyauyana ada nanamsa Yaubada goi ima. Tauna kita nuwona ana tokibobwatayao, ina kimasabayao be nakae taatetaida.

2 Korinta 3:18

E kita madabokida maisida geya ana tabodamo, e maisidayadi saribu nakae goi Yauwe ana káeyana kanukanununa tagite go, Tauyana giyaina giyaina ikaigaavileda toinina ana tapata nakae tutayana ana káeyana tagite tonumisa tamo tamo goi. Moe Yauwe ina guinuwa; Tauyana moe Baloma Kimaasabaina.

2 Korinta 4:6

unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu maisina goi itapasígina.

2 Korinta 6:14

Taabu tauyadi geya sinuumiseta taiyao koospwagōgana. Moe moitamo. Manakae? Kibóbwata be apipilova itoboinedi sispwagógana? Geya. Manakae? Mavada itoboine mamaníwana taiyao sikabivekoveko? Geya.

Galetiya 5:25

Yawoida vau Balomaina Kimaasabaina goi taababane, tauna Baloma Kimasabainayana ina vakeda kiyaena tavaekūli.

Epeso 2:2

Dogoiyadi goi boi kooketoiya. Nakae poyapoya ame sinapuna adi lovina sinaena goi be aba lovina yábana osasaina ana tolovina ina lovina sinaena goi kokaaiyaka. Aiyuwoina tolovinayana ina ame tuta tokapipilova yaidi goi mana togaga ipooisógana.

Epeso 4:18

Idi nuwonuwanayadi bogina sikamamaníwana be nakae yawana vau Yaubada goi imamaima yaidi goi bogina ituyoyowo unana idi dabakasa pasina Yaubada sitamogemogeye.

Epeso 5:2

Ame nakae: Mami imatakoiyeda be toinina yawoina ikasale ámasa goi kita ada katumapu. Moe vininabeso mainina dedevina nakae Yaubada inove ivauyaone.

Epeso 6:12

Unana ida yaviya geya kada sakava o ikaika yaidi goi geya, go sem ida yaviyayana moe sinitu yaidi, yaidi, mamaníwana ame ana tokalikayao yaidi be nakae totogaga goyogoyoidi yábana goi sikaaiyaka yaidi.

Kolose 1:12

kokaauyagu Tamada yaina. Tauyana itagoneda bei itoboineda ina kaiguyau boi ikaatotule ina kimasabayao liliudi bei ivinidi, e mavada ana dadava goi tababane.

Kolose 1:13

Kita mamaníwana ina kaba lovina goi iyaveda namlieta ikaidamaneda Natuna, moe ina kakaya, ina kalibúbuna sinaena goi.

Taito 3:3

Im kavilavilayana itoboine. Kita tonumisa boi nimatu tauyadi geya sinumiseta nakae, Yaubada tatamogemogeye. Nakae kita kapipiilovaida be nakae sulaaigida, ida vikaiya liliudi be uyawana owáowana liliudi , ida kaiyaka madabokina goi kita goyo ana toguinuwa be vakipiikipida, tomota sikaoliliveda go, kita nakae sedao takaolilivedi.

1 Iyoni 1:7

Neta kita mavada goi taaketoiya nakae Yaubada mavada goi ikaaiyaka, e kita taiyao takabivekoveko be nakae Natuna Yeisu ikaikaina goi ida goyoinao madabokidi bolotodi yaidi isayoyoida.