Epeso 5:25 - Buki Kimaasabaina

²⁵ Komi koroto, monemiyao komatakooiyēdi nakae nakae kita ana totugugunayao imatakooiyeda be nakae manuda toinina ikasale ámasa goi.

Epeso 5:25 ပူးပေါင်းရင်းမြစ်များ

Aba Vatowo 2:24

E tauna moe pasina koroto tamana be sinana yaidi itumasaba go, monena taiyao situyuwo, tauna adi taiyuwokova wowodi tayamo.

Aba Vatowo 24:67

E Aisake ina Ribeka ikabi, inave sinana vada lulubena yoyou parai sinaena goi. Moeko goi Ribeka bogina inai monena, e imatakoiye. Tuwo boi Aisake nuwona imou sinana ina kámasa pasina go, ame tutayana bogina iuyáwana.

Madiu 20:28

Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’

Iyoni 6:51

Yau Tauyagu awoinu maa yawoina, yábana goi asou ama. Avatauwa neta ame awoinuyana sikani, yawoidi vata bei sibabane. Aiyuwoina ame awoinuyana yau aakasale moe iwoigu komi da poyapoya yawoimi vata manuna.’

Guinuwa 20:28

Boi Yaubada bogina toinina ikaikaina goi tomota ikabidi ana totugugunayao. Ago Baloma Kimaasabaina bogina ivayokoimi tomatakavatayao Yaubada ana totugugunayaoyadi yaidi, e bei komatakavatedi. Tauna komi toinimi komatakavatēmi be nakae tonumisayadi nakae komatakavatēdi.

Galetiya 1:4

Yeisuyana toinina ikasale ámasa goi kita ida goyo pasidi bei goyo ana tuta ame goi italigeida. Moe ida Yaubada Tamada ina nuwonúwana nakae.

Galetiya 2:20

E geya tuwaina yau yawoigu aloovinae go, Guyau yaigu goi ikaaiyaka yawoiguyana iloovinae. E yawoigu ame tuta sakavaigu goi akaaiyaka moe guna numisa Yaubada Natuna yaina goi akaaiyaka unana Tauyana imatakoiyegu, tuwo toinina ikasale ámasa goi, yau guna katumapu.

Epeso 5:2

Ame nakae: Mami imatakoiyeda be toinina yawoina ikasale ámasa goi kita ada katumapu. Moe vininabeso mainina dedevina nakae Yaubada inove ivauyaone.

Epeso 5:24

Nakona komi vevina konuwonúwana neta Guyau ada toyava, bego monemiyao yaidi goi geya kokatetagonemita go, moe nakae geya, go sem nakonakae Guyau ana totugugunayao sikatetaagonedi Tauyana yaina goi, e komi vevina nakae monemiyao yaidi goi kaga liliuna manudi kokatetaagonēmi.

Epeso 5:28

Nakonakae Guyauyana imatakooiyeda, e komi koroto itoboinemi nakae toinimi monemiyao komatakooiyedi nakae toinimi wowomi komatakooiyedi. Ava koroto neta toinina monena imataakoiye, e toinina nakae imataakoiye.

Epeso 5:33

Go tuwo, komi koroto nakae, tamo tamo toinimi monemiyao komatakoiyēdi nakae toinimi komatakoiyemi. E komi vevina go monemiyao kowowoinēdi.

Kolose 3:19

Komi koroto, monemiyao komatakooiyēdi go, taabu kokubuukasēdi.

1 Timoti 2:6

Toinina ámasa goi ikasale, liliuda ada katumapu. Moe nakae itateteda be italigeida. Mae kiyakiyaya tayamo Yaubada ina tuta ana toboine goi ivinida bego latuwona liliuda iyaveda.

1 Pita 3:7

Komi koroto nakae alatuwokoimi. Mami nanamsa monemiyao taiyao kootuyūwo go, konuuwāisi tauyadi neenetaidi. Tauyadi kowowooinēdi. Neta konuwaisi Yaubada ina kanuwóiya, moe yawoidi vau, bei sibabane kita koroto nakae. Nakae koguuinūwe, bei geya kada tayaamo kaga itoboine imi kawanoi isanabodedi geya.

Nuwogau 1:5

Iya Yeisu .’ Yeisu imatakooiyeda, tuwo ikaikaina pasina ida goyo ana togaga goi italigeida.

Nuwogau 5:9

Sisaakululu go, vesi vau sivesiye kadi, ‘Boi kom bogina sikaumatem be nakae ikaikaim goi tomota kutakonedi Yaubada manuna. Tomotayadi moe dala liliudi, aníyana liliudi, boda liliudi be nakae kantri liliudi yaidi goi kulamgogoidi sieboda tayamo. Nakae kuguinuwe bei kidi Yaubada ina bodayauwo goi sikaaiyaka be nakae kidi Yaubada ina togudalayao. Tuwo poyapoya goi bei sikalibúbuna. Tauna kom mam lovina itoboinem bukiyana kwabi be ana kaba kaipaki kukitakidi.’