Epeso 5:14 - Buki Kimaasabaina

¹⁴ Moe moitamo. Mavada kaga liliuna ikaiwoduwedi. Tauna tonumisa sidigo kadi, ‘Tomasisi e! Im masisi goi kutāoya! Nakae tokámasa yaidi goi kutaoyāmna go, itapasigim.’

Epeso 5:14 ပူးပေါင်းရင်းမြစ်များ

Luke 1:78

ina nuwokapisi gagaina yaida pasidi. Ina kanuwoiyayadi pasidi mavada olagaema goi bei ima ivadadeda,

Luke 15:24

unana ame natugu boi ikámasa go, ame maa yawoina! Boi itagau go, bogina ababane. Tauna tauyāwana.” Tuwo moitamo sivatowo siuyáwana.

Iyoni 8:12

E niga aiyuwoina Yeisu Vada Kimaasabaina ina kali goi tomota ilatuwokoidi idigo kana, ‘ adi mavada. Avatauwa komi neta kosabokuuliyegu, mamaníwana goi geya koketoiyeta, go sem komi manumi mavadayana yawana vau ana kenao bei itapasigi.’

Iyoni 9:5

Tutayana nava poyapoya goi akaaiyaka, e yau adi mavada.’

Guinuwa 13:47

Moitamo, itoboinema kana kidi Totuyoyowo yaidi. Tomoya nakae bogina ilovinaema idigo kana, “Avayokoim kidi Totuyoyowo adi mavada, bei yava valena kunave da poyapoya liliudi kuvatulukoidi.”’ Aiseya 49:6

Roma 6:13

Taabu talaimi kokaasalēdi goyo yaina bei talaimiyadi ietakoidi guinuwa goyogoyoidi manudi. Go sem komi boi kaamasimi nakae go, ame maa yawoimi, e Yaubada yaina kokaasalēmi be talaimiyadi nakae kokaasalēdi Tauyana yaina bei ietakoidi kibóbwata manuna.

1 Korinta 15:34

Matami ilāla be konuwonuwana dōkana, e imi goyo goi tuwo, kosayāta. Maniyedi yaimi goi kotaiyaakekedi go, tauyadi Yaubada sitamogemogeye. Moe alatuwokoimi bego agieomaemaemi.

2 Korinta 4:6

unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu maisina goi itapasígina.

Epeso 2:1

Komi go boi mainao kaamasimi nakae imi kapipilova be imi goyo pasidi.

Epeso 2:5

Tauna ida kapipilovayadi goi kita kaamasida nakae go, tuwo ina nuwokapisiyana pasina taiyao yawoida vau ivinida. Ina kanuwóiya goi bogina iyaveda.

Kolose 3:1

E ámasa goi Yaubada bogina ikaitaoeda taiyao ae? O tadigo kada, ‘Bogina iyolimeda.’ Moitamo. Tauna yábana sinapuna mami salau kosokiikinēdi unana maeko goi Guyauyana ikaaiyaka, wowoina basekoina Yaubada kakataina goi iitusobu.

1 Tesalonáika 5:6

E tauna taabu taamasīsi tomota geya idi numisamo nakae, go sem tayauyāusa be nakae toinida takabikuunuīda.

2 Timoti 1:10

E ame tuta bogina ivagitakoe kita yaida ada Toyava Guyau Yeisu ina sowóduwo goi. Guyauyana ámasa ana togaga itauwe go, Vala Dedevina ana talavaita goi yawana vata toina ikaiwoduwe yaida.

2 Timoti 2:26

be nakae ma nukotodi itoboinedi ina síkwana goi sisiya. Tauyadi boi bogina iyowóidi bego ina nuwonúwana siguuinuwe.