Epeso 4:27 - Buki Kimaasabaina

²⁷ govila bei ina tuta ana toboine kovini.

Epeso 4:27 ပူးပေါင်းရင်းမြစ်များ

Guinuwa 5:3

E ime ivinidi go, kina idigo kana, ‘Ananiyasi, kaga unana kutagona Kaleya ikalimonem, e yaina kupola go, poyapoya maisana maniyena kuyoisi?

Roma 12:19

Guna kaloyao, taabu tomota idi goyo yaimi goi kokatuumapūdi, go sem Yaubada kotagōne ina egamogamogu goi ikatumapudi nakae ina nuwonúwana. Moe nakae Yaubada ina livala goi Mosese igini, kana, ‘“Goyo ana katumapu moe yau guna kaba lovina. Bei tomota idi goyo yau akatumapudi”, kaena.’ Atukeda 32:35

Epeso 6:11

Ame nakae: Yaubada konana yaviya konanidi madabokidi kolosīdi, e bei itoboinemi kovakavata dókana ina sinapu itulutulu yaidi goi.

Epeso 6:16

Aitonina sowomi moe imi numisa lowo nakae kokābi kotabodebodēmi; lowoyana goi itoboinemi Toogoyoina ina gita sabeninimidi madabokidi kosapimatedi.

Yemesa 4:7

Tauna Yaubada yaina kokatetaagonēmi go, yaina koovadōkana, e yaimi goi bei isiya.

1 Pita 5:8

Toinimi kokabikuunuīmi be nakae koyauyāusa. Ada tovakaleya sasasaina nakae mana gou ivanibiníbita ana tomota ilusala bei ikanisave.