Epeso 3:20 - Buki Kimaasabaina

²⁰ E kaga neta takawanoiye Yaubada yaina o kaga neta manuna tanuwonúwana, Tauyana mana togaga gagaina toina itoboine mana vaituwo iguinuwe ina togaga ipaaisewa sinaeda pasina.

Epeso 3:20 ပူးပေါင်းရင်းမြစ်များ

Aba Vatowo 17:1

Tuwo Eberam ikaiyaka aaa, ana tala naintinain (99) ibabane, e isowóduwo yaina, idigo kana, ‘Yau Yaubada . Im ketoiya madabokina goi kwabikaonēgu go, tuta liliuna im guinuwa goi geya am pikwanāmo.

Aba Vatowo 18:4

Kutagōna bego guna pákwana ina bwae itege ime aemi adi níkina manuna. Ikavava, ameko alova unana goi kowaiwasi

Tateta 34:6

E Yauwe ivatabale matagu goi italavaita idigo kana, ‘Yauwe, Yau Yauwe. Yau Yaubada nuwokaapisigu be kanuuwoiigu. Mainao geya aegamogamoguta. Guna ivakaigaga be nakae yau toigu.

Madiu 3:9

Ago taabu taumiva kodigoopopōita kami, “Kai tuwo unana kai Eberamo tubunao, tauna liuna bei geya kababaneyeta.” Nakae geya go, ame alatuuwokoimi konōve: Eberamo tubunaoyadi kaga? Yaubada itoboine gurewa ame ikabidi, e Eberamo tubunao imadagidi. Tauna neta komi Eberamo tubunao, moe geya ivaitemita.

Iyoni 10:10

Iya go tovaináwana ina guinuwa tauna ame nakae: Ima bego ivaináwana be ikaumata be ibugoyo. Yau ama bego tomota yawoidi vau sibabane go, yawoidiyadi kayaaodaidi.

Roma 16:25

E Yaubada tayapalīye! Tauyana itoboine ikitogageda nakae valena ataalavaite. Valayana unana moe Yaubada ina nuwogau boi nimatu go, ima ame vamoounina.

Roma 4:21

be nakae iyagoi bego kaga Yaubada bogina ikaatotule, nakae itoboine iguinuwe.

1 Korinta 2:9

go sem geya siyagoiyeta nakae bogina idige kana, ‘Dogoi dedevidi Yaubada ana tomatakoiyao manudi ikatubayasidi. Amo dogoiyadi tomota geya sigitedita, geya sinovedita be nakae geya sinuwedita.’ Aiseya 64:4

2 Korinta 9:8

E Yaubada itoboine anuwóiya liliudi ivaituwedi yaimi bego tuta liliuna kaga liliuna goi komi mami esaesa nakae imi esaesayadi goi itoboinemi kokaiguyauyedi tomota yaidi.

Epeso 1:19

Aitonina bei koyagoi Tauyana ina togaga ana kakainaki moe ivakaigaga toina kita tonumisa yaida. Amo togagayana tagite tutayana ina paisewa myana goi ivagitakoe.

Epeso 3:7

Yaubada ikawoigu yau aetovaita Vala Dedevinayana manuna. Guna kawoiyana moe ina kanuwóiya ivinibesoigu. Moe nakae ina togaga ipaaisewa yau yaigu goi.

Kolose 1:29

Moe manuna nakae apoisógana ame nakae: Tauyana ina togaga sinaegu goi ipaisewa makimaki, e moe togagayana goi aakokoila.

1 Timoti 1:14

E ida Tomoya ina kanuwóiya ilausiwosiwo yau yaigu, e numisa be matakoi ababanedi guna Guyau Yeisu taiyao pasina.

Iberiu 11:19

Ina nuwonúwana bego Yaubada itoboine natuna tokámasa yaidi goi ikaitáoe, tuwo itagona ikasale go, Yaubada isanabode. Tauna itoboineda kada, ‘Eberamo natuna ámasa goi iuyaonemnei.’ Moe kaga nava bei isowóduwo makayauna.

Iberiu 7:25

Moe pasina tauna avatauwa kita neta Yeisu goi Yaubada tanoko, e Yeisuyana itoboine iyavevataeda unana tuta liliuna maa yawoina bei ivapiisiyeda Yaubada yaina goi.

Yemesa 4:12

Go lovina ana Tokaiguyau be nakae ana Totakínona tayamo toito ikaaiyaka. Tauyana itoboine kita tomota iyaveda be ikaumateda. Moe Tauyana Yaubada. Tauna komi avatauwa bego semiyao kotakinoidi? Geya!

2 Pita 1:11

Neta moe nakae, e Yeisu Guyau, Tauyana ida Tomoya nakae ada Toyava, bei itagonedokoimi ina kalibúbuna vaatayaina goi kosiu.

Yuda 1:24

E Yaubada itoboine iyoisikavatemi, e bei goyo goi geya kokapusita. Nakae itoboine geya ami pikwanamo imemi ana tomoeeyalina goi mami uyáwana ivataoemi.