Epeso 3:1 - Buki Kimaasabaina

¹ Moe Yaubada ina guinuwayadi liliudi pasidi akawanoi Tauyana yaina. Yau Paulo, nuumisaimi manumi.

Epeso 3:1 ပူးပေါင်းရင်းမြစ်များ

Luke 21:12

E namlieta moe dogoiyadi sisowóduwo, imi kaleyayao bei siwo maniyemi siyoisimi siyogedegedemi ame nakae: Bei maniyemi sinavemi idi kaba tugúguna goi siekotuyemi go, deri goi sivaisiumi. Go maniyemi bei sinavemi adi tolovinayao be nakae adi gavanayao matadi goi siekotuyemi yau yoigu ikaaiyaka yaimi pasina.

Guinuwa 21:33

Tuta amo goi tokalikumatana ima Paulo iyoisi go, ilovina bego ina tovayaviyayao sima seni aiyuwo sikabidi Paulo siyowo. Siyowo ikavava, tomota ilumadadedi kana, ‘Tauyana avatau? Ava goyo iguinuwe?’

Guinuwa 23:18

Tauna nakae tubuwauyana ikabi inave tokalikumatana yaina goi idigo kana, ‘Deri ana tokaiyaka Paulo iduduwegu ana ikawanoi yaigu kana, “Ame tubuwauyana kunāve tokalikumatana yaina; latuwona bóbwara tayamo ilatuwoko.”’

Guinuwa 26:29

E kina go Pauloyana idigo kana, ‘Yau guna kawanoi Yaubada yaina bego bóbwara kaakupina goi o bóbwara maanawena goi kom kunumisa. Ago kom amta geya, go sem bego komi madabokimi ame tuta kotaiyaakekegu konumisa yau nakae go, latuwogu yówana ame nakae geya kobabanedita.’

Guinuwa 9:15

E kina Tomoyayana ilatuwoko idigo kana, ‘Kutāoya kūna unana ame tauyana bogina akinave yau guna kitom bei aepaisewe. Nava bei ina yaidi goi italavaitegu.

2 Korinta 1:6

E tutayana mou kababanedi, moe komi ami kipáiwala be ami yava manudi. Tutayana Yaubada ikipaiwolema, moe komi ami kipáiwala manuna. Kipaiwalayana ame nakae: Tutayana gedageda kai ima gedageda nakae kobaabanedi goi komeesayágana, e Yaubada ikipaiwolemi.

2 Korinta 10:1

E yau Paulo magu sakululu be magu mesayágana nakae, toinigu akawanoi makimaki yaimi. Ame yau Paulo tomota maniyedi siidigegu bego matooisigu neta taiyao takaiyaka go, magu katepatu leta goi neta atumasaba.

2 Korinta 11:23

Manakae? Kidi bego ina tovaitayao? Yau ina tovaita moitamo toina. (Ame guna bóbwara goi nakona dabagu bogina igoyo!) Go akalisavedi ame nakae: Guna poisógana Guyau manuna atogagasavedi. Deri goi akaaiyaka tuta badabadaina go, kidi geya. Agu láuwo sivavina ababanedi, geya ayagoiyeta. Tuta badabadaina giyakainava bei akámasa go, kidi geya.

Galetiya 5:11

E segowo, maniyedi topola sidigodigo bego yau nava ataalavaita tomota yaidi bego itoboinedi sakavaidi sikupoidi. Neta moe moitamo, kaga unana nava mou siivinigu? Neta moitamo atalavaita bego itoboinedi sakavaidi sikupoidi, e topolayadi gamodi geya sigoyoita, e mou geya siviniguta. Go moe yau nakae geya. Yau atalavaita bego Guyau kerose goi ikámasa, kita ada katumapu. Tauna gamodi asowolidi, e moe pasina mou sivinigu.

Galetiya 5:2

Konovēgu! Yau Paulo alatuwokoimi neta ina guinuwa geya ivaitemita!

Galetiya 5:24

E kita go Yeisu ina bodao, sakava sinapuna be ana vikaiya be nakae ana yalagau bogina takalavedi; moe nakae tatupatukoidi kerose goi takaumatedi.

Epeso 3:11

Moe nakae ina nuwonúwana boi nimatu bogina igimilovina go, nuwonuwanayana ida Tomoya Guyau Yeisu goi iguinuwe.

Epeso 3:13

Tauna akawanoi yaimi guna mou komi manumi goi taabu atemi siitamēya unana guna mouyadi alootowoidi komi ami taimámina manuna.

Epeso 3:8

Yau toosobugu kidi Yaubada ina kimasabayao liliudi yaidi goi go, tuwo ame anuwoiyayana iivinigu bei ana kidi Totuyoyowo yaidi goi Guyau ina esaesa nikuunikuna atalavaite

Epeso 4:1

Tauna, guna ida Tomoya taiyao pasina yau deri ana tokaiyaka, e komi boi Yaubada iduuduwemi toinina ina bodao akatuliwolemi bego kooketōiya nakae ina bodao itoboinedi siiketoiya. Ame nakae:

Epeso 6:20

Valayana manuna yau ana katumapu deri goi akaaiyaka. Aiyuwoina kokaawanōi bego guna kaiwoduwoyana goi magu katepatu abóbwara nakae itoboinegu.

Pilipai 1:7

Moe nakae guna nuwonuwanayana liliumi manumi ana toboine unana komi ategu. Yaubada ina kanuwóiya boi ivinigu bei apaisewa go, guna paisewayana bogina kosiuko tutayana paisewayana pasina deri goi akaaiyaka o guna tuta kotu goi Vala Dedevina ana tagíwaya avaboodebode nakae Valayana akamooitamoe.

Kolose 1:24

Ame tuta guna gedageda komi ami dedevina manuna abaabanedi auyaaonedi unana gedagedayadi goi bei itoboinegu kaga boi bogina igimilovina tonumisayao ida gedageda ana kakainaki manuna yau wowogu goi alukavavedi Tauyana wowona manuna. Wowonayana moe kita Yeisu ana totugugunayao.

Kolose 4:18

Guna yabobona ame toinigu nimagu goi agini. Guna kaiyaka deri goi konuwokavāte. Ida Tomoya Yeisu Guyau bei ikanuwoiyemi! Yau Paulo be Timoti

Kolose 4:3

Kai nakae manuma kokaawanōi bego Yaubada ina livala ana kenao tayamo ikatupáeve manuma, e bei itoboinema valena boi vamoounina katalavaite tomota yaidi. Guyau ana talavaitayana pasina yau deri goi akaaiyaka.

2 Timoti 1:16

Ago Onesiporo geya iomaemaeta yau guna kaiyaka deri goi pasina, go sem tuta liliuna yawoigu ilisilisi. Tauna guna kawanoi ida Tomoya yaina bego Onesiporoyana mana bodayauwo inuwokapisiyedi.

2 Timoti 1:8

E tauna taabu om imaayamāya ida Tomoya Yeisu valena kutaalavaite. Aiyuwoina ida Tomoyayana valena ana talavaita pasina yau deri ana tokaiyaka go, tuwo taabu kuomaeemāegu, go sem Yaubada ina togaga goi guna mou ana talavaita manuna kusīuko.

Pilemoni 1:1

Ima kalo Pilemoni, Yau Paulo deri ana tokaiyako ana talavaita pasina siyada Timoti taiyao leta ame kaetune iwo yaimi; tauyami moe kom Pilemoni be niuda Apiya be Arikipo, tauyana Yeisu ana tovayaviya kai nakae, be nakae komi Tomoya ana totugugunayao kosaakululu Pilemoni ina vada goi.

Pilemoni 1:23

Epapira ina numisa Yeisu yaina pasina deri ana tokaiyako yau taiyao, e tauyana ina yabobona yaim.

Pilemoni 1:9

go, tuwo matakoi pasina akawanoi makimaki yaim dogoiyana kuguinuwe. Yau Paulo Guyau Yeisu ana katumapu be nakae deri ana tokaiyako Guyauyana ana talavaita pasina

Nuwogau 2:10

Gedageda giyakainava bei kobabanedi taabu komatooitēdi. Konōve! giyakainava bei imi kaleyayao iepaaisewedi bei deri goi sivaisiumi bego imi numisa ivakakone. Amoko goi maliyalina yawou sinaedi bei mou kobabane. Go komi imi numisa goi kotaoyakavāta ana kadókana kokámasa, bei ami vaiwówana, moe yawoimi vata, avinimi.