Epeso 1:7 - Buki Kimaasabaina

⁷ Kita ida spwagógana Tauyana taiyao pasina ikaikaina goi ada tateta tababane o tadigo kada, ‘Ina kanuwóiya gagaina toina goi ida kapipilova inuwotaoidi.’

Epeso 1:7 ပူးပေါင်းရင်းမြစ်များ

Tateta 34:7

Guna kubunuwayana tomota yaidi ikaiyako vata. Tomota idi tapepeko, idi kadoinana be nakae idi bágala anuwootaoidi. Go tomota madi tapepeko anuwokavatedi, e bei natudiyao, tubudiyao be natudiyao adi liuna avinidi.’

Iyona 4:2

Tuwo ikawanoi yaina idigo kana, ‘Iyaa! Yauwe, manakae? Boi guna kasa goi nakae adige bei isowóduwo ae? Moe pasina woiligu asiya bego ana Tasisi unana bogina ayaagoim bego kom Yaubada kanuuwoiim be nuwokaapisim. Tomota idi goyo goi kumeesayágana, im ivakaigaga be nakae im vailai goyogoyoina manuna kutavívila. Tauna woiligu asiya.

Madiu 20:28

Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’

Madiu 26:28

Moe ikaikaigu nakae. Ikaikaiguyana bei idaudau komi manumi be nakae tomota liliudi manudi, e bei imi goyo adi nuwotao kobabane. Ikaikaiguyana ina dau goi Yaubada ikanasiukoimi.

Madiu 6:12

Ima goyo neta kunuwotaōidi nakae kai semao idi goyo yaima kanuwotaoidi.

Maki 14:24

go, idigo kana, ‘Moe ikaikaigu nakae. Ikaikaiguyana bei idaudau komi manumi be nakae tomota liliudi manudi. Ikaikaiguyana ina dau goi Yaubada ikanasiukoimi.

Luke 1:77

be nakae ina bodao kuvatulukoidi idi goyo ana nuwotao goi ida Yaubada iyavedi

Luke 24:47

Aiyuwoina sigini bego Guyauyana yoina goi ina tosabokuliyao bei sitalavaita tomota liliudi yaidi goi bego situgavila, e bei Yaubada idi goyo inuwotaoidi. Ago ameko Yerusalema goi bei sivatowo sina asa liliudi goi sitalavaite.

Iyoni 20:23

Neta ava tomotava idi goyo konuwotaoidi, Yaubada nakae bogina inuwotaoidi. Neta ava tomotava idi goyo geya konuwotaoidita, Yaubada nakae geya inuwotaoidita.’

Guinuwa 10:43

Ame Tauyana boi nimatu Yaubada ina liliudi sikamoitamoe bego Tauyana yoina goi avatauwa neta sinumise, e adi goyo adi nuwotao bei sibabane.’

Guinuwa 2:38

E kina go Pitayana idigo kana, ‘Kotugavīla namlieta komi tamo tamo kotagōna bego Yeisu , e bei imi goyo inuwotaoidi be nakae Yaubada Baloma Kimaasabaina ivinibesoimi.

Guinuwa 20:28

Boi Yaubada bogina toinina ikaikaina goi tomota ikabidi ana totugugunayao. Ago Baloma Kimaasabaina bogina ivayokoimi tomatakavatayao Yaubada ana totugugunayaoyadi yaidi, e bei komatakavatedi. Tauna komi toinimi komatakavatēmi be nakae tonumisayadi nakae komatakavatēdi.

Guinuwa 3:19

Tauna kotugavīla go, Yaubada komēko, e bei imi goyo itakukudi.

Roma 2:4

Yaubada ina yabobona be ina mesayágana gagaidi imi goyo yaidi goi go, komi konuwonúwana ina yabobonayana be ina aramaitanayana dogoi besobeso. Seki, nakona geya koyagoiyeta bego ina yabobonayana goi latuwona ivakedemi bei kotugavila ae?

Roma 3:24

Ago mana kanuwóiya ina yabobona goi madabokiida ivayokoida kita kiboobosida. Ame nakae: Guyau Yeisu ina kámasa goi itateteda.

Roma 3:25

Yeisuyana Yaubada ikasale, e ikaikaina goi be nakae ina kabikáwana aba numisa goi kita ada kaba núwala. Nakae Yaubada iguinuwe bego ina kibóbwata ina kanasíuna manuna ikaiwoduwe unana ida goyo boi mainao bogina taguuinuwedi mana mesayágana ituuyouyoidi.

Roma 9:23

Moitamo toina Tauyana itoboine ina togaga ana káeyana ivagitakoe tauyadi inuwokapiisiyedi yaidi bego ana kaeyanayana dedevina toina. Amo tauyadi moitamo igimikatubayasidi bei ana káeyana tomoeeyalina sisiuko.

1 Korinta 1:30

E Yaubada ina guinuwa pasina kita Yeisu taiyao taspwagógana. Guyauyana ada nanamsa Yaubada goi ima. Tauna kita nuwona ana tokibobwatayao, ina kimasabayao be nakae taatetaida.

2 Korinta 8:9

Imi vininabeso itoboine. Ida Tomoya ada kaba gita. Ina kanuwóiya bogina tayagoi bego Tauyana boi mainao toesaesa go, kita manuda ietokai bego kita amo Tauyana ina tokaiyana goi bei taesaesa.

Epeso 1:14

Balomayana aba kinana tayamo yaida goi bego nava ada vaiwówana madabokina Yaubada bei ivinida. Yaida goi ikaaiyaka ana kadókana bei kita ina kaiguyauyada itateteda Tauyana ina togaga ana káeyana ana yapali manuna.

Epeso 1:18

unana nukotomi bogina ikimavadedi. Tauyana bei koyagoidoko, e bei koyagoi kaga kita, Yaubada ina kimasabayao bogina iduuduweda, itoboineda talotutae. Aiyuwoina bei koyagoi ina kaiguyau dedevina toina moe kita ina kimasabayao.

Epeso 1:6

Ivanatuneda bego ina togaga ana káeyana ina kanuwóiya goi tagitegite tayapaliye. Anuwoiyayana ida spwagógana ina kakaya taiyao pasina bogina ivinibesoida.

Epeso 1:8

Amo anuwoiyayana ivaituwe gagaina toina yaida tutayana mana nanamsa be mana yagoina

Epeso 2:4

E kina go Yaubada ina nuwokapisi gagaina toina be nakae ina gagaina toina goi imatakooiyeda.

Epeso 2:7

Moe nakae iguinuwe bego tuta imamaima ina kanuwóiya nikuunikuna ina yabobona goi bei ivagitakoe kita spwagoogonida Guyau Yeisu taiyao yaida.

Epeso 3:16

E Tauyana yaina aegu magu vatugúyala akawanoi bego ina togaga ana dedevina toina goi togaga ivinimi bei Balomaina atemi ikitogagedokoidi.

Epeso 3:8

Yau toosobugu kidi Yaubada ina kimasabayao liliudi yaidi goi go, tuwo ame anuwoiyayana iivinigu bei ana kidi Totuyoyowo yaidi goi Guyau ina esaesa nikuunikuna atalavaite

Pilipai 4:19

E guna Yaubada mana esaesa gagaina toina. Tauna kaga neta kokiseyeseye, madabokina komi imi spwagógana Yeisu taiyao pasina bei ivinibesoimi.

Kolose 1:14

Kita ida spwagógana Natunayana taiyao pasina ada tateta bogina tababane, moe ida goyo adi nuwotao.

Kolose 1:27

Yaubada latuwona bego ina nuwogau ivatulukoida bei tayagoi ame nuwogauyana dedevina toina esaesa nakae go, nuumisaimi yaimi tagite. Nuwogauyana moe Guyau yaimi nakae ikaaiyaka. Tauna koolotuta bego Yaubada ana káeyana tomoeeyalina goi bei kokaaiyaka.

Kolose 2:13

Komi go boi mainao kaamasimi nakae imi kapipilova pasina be nakae sakavaimi geya ana kupwanamo pasina go, Yaubada yawoida vau Guyau taiyao bogina ivinida, e ida kapipilovayadi madabokina inuwotaoidi.

Kolose 2:2

Latuwogu bego kidi be nakae komi atemi sipatu ame nakae: Imi manuna.

1 Timoti 2:6

Toinina ámasa goi ikasale, liliuda ada katumapu. Moe nakae itateteda be italigeida. Mae kiyakiyaya tayamo Yaubada ina tuta ana toboine goi ivinida bego latuwona liliuda iyaveda.

Taito 2:14

Tauyana toinina ikasale ámasa goi, kita ada katumapu, bego ida kapipilova tamo tamo goi itateteda. Aiyuwoina ikimavadeda bei kita Tauyana ina toinina umana, mada salau latuwoda guinuwa dedevidi taguinuwedi.

Taito 3:6

Yaubada Balomaina Kimasabainayana ada Toyava ina kámasa goi isiwoi ilausiwosiwo yaida.

Iberiu 9:22

Itoboineda kada, ‘Yaubada ina kanasiuna bogo ina tuta ikaika goi dogoi liliudi takimavadedi nakae ina Katukeda idige.’ Go neta ikaika geya idauta, geya kada tayaamo enao ikaaiyaka ida goyo adi nuwotao manuna geya.

1 Pita 2:24

Tutayana Yeisuyana kerose goi situpatuko, toinina wowona goi ida goyo ana liuna ilotowoidi bego ida goyoyadi yaidi takámasa go, ma kiboobosida taaketoiya. Tauna Tauyana ana kaipíyama kiyauna pasidi ida goyo goi kita tadedevina.

1 Pita 3:18

Kina nakae bogina sivatayamo iyogedageda ida goyo pasidi. Tauyana Yaubada nuwona ana tokibóbwata ikámasa kita tokapipilova manuda bego itoboine imeda Yaubada yaina. Ame nakae: Sakava ana dadava goi sikaumate go, baloma ana dadava Yaubada ikaitáoe Tauyana maa yawoina.

1 Iyoni 2:12

Komi natugowo, Yaubada imi goyo bogina inuwotaoidi Yeisu ina guinuwa pasina, tauna livala ame agini iwo yaimi.

1 Iyoni 2:2

Tauyana ida kaba núwala ida goyo manudi. Go geya kada adetava geya, go sem tomota madabokidi nakae idi goyo manudi.

1 Iyoni 4:10

Matakoi mooitamoina ame nakae: Geya bego kita Yaubada tamatakoiye, go sem bego Tauyana imatakoiyeda, tuwo Natuna ivamoleye ima, iya ida goyo ana kaba núwala.

Nuwogau 14:4

Amo tauyadi balomaidi maavadaidi nakae tomota neta nai geya go, geya simasisigoyogoyoita. Moitamo. Tauyadi nakae tomota neta geya siroerateta, e geya sisakululuta yaubada polapola yaidi, tauna geya adi bailamo. Moe tauyadi nako goi Lami inonoina, e sisabookuliye. Da poyapoya yaidi goi Yaubada itakonedi, kidi Tauyana be Lami umana. Kidi dibayoya ana keuwokumgo nakae siikasale Yaubada be Lami yaidi.

Nuwogau 5:9

Sisaakululu go, vesi vau sivesiye kadi, ‘Boi kom bogina sikaumatem be nakae ikaikaim goi tomota kutakonedi Yaubada manuna. Tomotayadi moe dala liliudi, aníyana liliudi, boda liliudi be nakae kantri liliudi yaidi goi kulamgogoidi sieboda tayamo. Nakae kuguinuwe bei kidi Yaubada ina bodayauwo goi sikaaiyaka be nakae kidi Yaubada ina togudalayao. Tuwo poyapoya goi bei sikalibúbuna. Tauna kom mam lovina itoboinem bukiyana kwabi be ana kaba kaipaki kukitakidi.’