Epeso 1:3 - Buki Kimaasabaina

³ Yaubada aba yapali! Tauyana ida Tomoya Yeisu ina yabobona liliudi yábana osasaina goi iviniibesoida.

Epeso 1:3 ပူးပေါင်းရင်းမြစ်များ

Aba Vatowo 14:20

Yaubadayana aba yapali! Im kaleyayao goi iyavem be nimam goi iyatoidi.’ E tuwo Eberam ina kaleyayao konadi liliudi bogina ikabidi iwotaidi aiguyau ana badabada yawou go, aiguyau tayamo ikabi Melikisedeki ivini.

Aba Vatowo 22:18

E sopagu bogina kwabikaone, tauna nava boda liliudi poyapoya ame bei siyagoi im bodayana goi akaipakuyedi.”’

Luke 2:28

Simioni ivalobodedi, gomanayana ikabi ikavale go, Yaubada iyapaliye kana,

Iyoni 14:20

Tuta amo goi bei komi koyagoi bego yau Tamagu goi akaaiyaka, komi yau goi kokaaiyaka, e yau komi goi akaaiyaka.

Iyoni 17:21

bego madabokidi sieboda tayamo nakae kom, Tamagu, yau yaigu goi kwaaiyaka, e yau yaim goi akaaiyaka. Aiyuwoina akawanoi yaim bego kidi yaida goi sikaaiyaka bego da poyapoya bei sinumisa kom kuetunegu ama.

Iyoni 20:17

E Yeisu kana, ‘Taabu kuyooisīgu. Nava geya atukoita ana Tamagu goi. E kūna sedao kulatuwokōidi giyakainava bei atuko ana yau Tamagu nakae komi Tamami yaina. Tauyana yau guna Yaubada nakae komi imi Yaubada.’

Roma 12:5

Kita nakae. Nakona kita badabadaida go, ida spwagógana taiyao pasina kita wówana tayamo, e kita tamo tamo taiyao tavaaiteda.

Roma 15:6

Moe bego komi nuwomi tayamo goi Yaubada ina togaga ana kokamoitamoe. Tauyana ida Tomoya Yeisu Guyau ina Yaubada be nakae Tamana.

1 Korinta 1:30

E Yaubada ina guinuwa pasina kita Yeisu taiyao taspwagógana. Guyauyana ada nanamsa Yaubada goi ima. Tauna kita nuwona ana tokibobwatayao, ina kimasabayao be nakae taatetaida.

1 Korinta 12:12

Moitamo. Moe wowoda nakae. Wowodayadi tayamo go, talainao badabadaidi. Ego talainaoyadi liliudi sikaaiyaka go, moe wowoda tayamo toito. nakae. Kita Tauyana wowona tayamo nakae go, talainao badabadaidi.

2 Korinta 1:3

Yaubada aba yapali! Tauyana ida Tomoya Yeisu ina Yaubada be nakae Tamana! Tamanayana nuwokaapisina go, kipáiwala liliudi unadi moe Yaubadayana.

2 Korinta 11:31

Yaubada aba yapali vata! Tauyana ida Tomoya Yeisu ina Yaubada be nakae Tamana. Ame Yaubadayana iyagoigu bego geya apoleta.

2 Korinta 5:17

Aiyuwoina Guyau ikámasa liliuda manuda, tauna avatauwa neta spwagoogonidi Guyauyana taiyao, e simalatomotavau. Sinapu bogo bogina isáwala go, konōve, sinapu vau bogina isowóduwo!

2 Korinta 5:21

Guyauyana goyo geya ilotowoeta go, kita manuda Yaubada ivayoko kina ada kimavada ana vininabeso bego kai ima manuna kakaiwoduwe.

Galetiya 3:9

Tauna avatauwa neta numisa tomotaidi, e aipakuyana boi Eberamo numisa korotoina iibabane kidi nakae sibabane. Tauna guinuwa pasina geya.

Epeso 1:10

Ina nuwonúwana ame nakae: Tutayana ina upa boi iyatoyato bogina isowóduwo, dogoi liliuna yábana goi be poyapoya ame goi ikabidi, yaina goi ilamgogomneidi, e madi spwagógana Guyau taiyao sieboda tayamo go, Tauyana dabadi.

Epeso 1:17

Guna kawanoiyana ida Tomoya Yeisu ina Yaubada yaina; Yaubadayana moe Tamana go, Tamanayana ina togaga ana káeyana ivakaigaga. E ame Yaubadayana yaina akaawanoi bego Balomaina bei nanamsa ivinimi nakae Yaubada ina nuwogau ikaiwoduwe yaimi bego Yaubadayana koyagoidoko

Epeso 1:20

Ame togagayana boi iepaisewe Guyau goi tutayana tokámasa yaidi goi Yaubada Guyauyana ikaitáoe inave yábana goi be nakae tutayana wowoina basekoina kakataina goi ikailagasi itusobu.

Epeso 2:6

Tuwaina Guyau Tauyana taiyao pasina ikabida, e yábana goi Tauyana taiyao ivatusobuyeda.

Epeso 3:10

Guna talavaitayana be guna kimavadayana bego ame tuta kita Yaubada ana totugugunayao ina nanamsa nikuunikuna takaiwoduwe sinitu liliudi be adi tovakumgoyao liliudi yábana osasaina goi yaidi.

Epeso 6:12

Unana ida yaviya geya kada sakava o ikaika yaidi goi geya, go sem ida yaviyayana moe sinitu yaidi, yaidi, mamaníwana ame ana tokalikayao yaidi be nakae totogaga goyogoyoidi yábana goi sikaaiyaka yaidi.

Pilipai 2:11

be nakae Yeisu sikatomoyae bego kina Tomoya. Moe Yaubada ana taimámina manuna.

Iberiu 8:5

Aba Kaiyakoyana poyapoya ame goi sitaaimámina moe Yaubada ina Kaba Kaiyaka yábana goi ana tapata o kada, ‘Makayauna.’ Moe pasina boi tutayana Mosese giyakainava Yaubada ina Kaba Kaiyaka ivatowo imadagi, Yaubada ikatusinapu idigo kana, ‘Mosese, am dodōkana bei kaga liliuna boi mainao koya goi bogina avatulukoim, e nakae kutapatēdi.’ Tateta 25:40

Iberiu 9:23

E tuwo Yaubada ina Kaba Kaiyaka ma konanina yábana goi Mosese boi itapatedi, e poyapoya ame goi imadagidi. Itoboine bei yoguyogu ikaikaidi goi moe tapatayadi ikimavadedi núwala manuna go, dogoiyadi yábana goi adi kaba kimavada idedevinasavedi; aba kimavadayana moe Guyau ikaikaina.

1 Pita 1:3

Yaubada aba yapali! Tauyana ida Tomoya Yeisu ina Yaubada be nakae Tamana. Tauyana mana nuwokapisi gagaina kita bibina vau ivinida Yeisu Guyau ina taoyamna tokámasa yaidi goi pasina, e bei itoboineda talotuta vata.