Epeso 1:20 - Buki Kimaasabaina

²⁰ Ame togagayana boi iepaisewe Guyau goi tutayana tokámasa yaidi goi Yaubada Guyauyana ikaitáoe inave yábana goi be nakae tutayana wowoina basekoina kakataina goi ikailagasi itusobu.

Epeso 1:20 ပူးပေါင်းရင်းမြစ်များ

Madiu 26:64

Kina Yeisuyana idigo kana, ‘Kom bogina kudigoyabe. Go ame alatuuwokoimi konōve: Tuta imamaima Tomalatomota bei kogite mana lovina wowoina basekoina kakataina goi iitusobu be nakae yábana geleoina yatadi goi imamaima.’

Madiu 28:18

Ago Yeisu ibala ima ilatuwokoima idigo kana, ‘Lovina madabokina yábana goi be nakae poyapoya goi Yaubada Tamada bogina ivadamane yau yaigu.

Maki 14:62

E kina go Yeisu idigo kana, ‘ kakataina goi iitusobu be nakae yábana geleoina yatadi goi imamaima.’

Maki 16:19

E tuwo tutayana ida Tomoya Yeisu ilatuwokoidi ikavava, Yaubada ikabi itukoe inave yábana goi, e wowoina basekoina Yaubada kakataina goi itusobu.

Iyoni 10:18

Geya vatau tayaamo itoboine yawoigu ikabi, go sem yau toinigu yawoigu akasale ámasa goi. Magu lovina akasale, magu lovina ababanemnei. Moe lovinayana yau Tamagu ivinigu.’

Iyoni 10:30

Yau ma Tamagu kaspwagógana tayamo.’

Guinuwa 10:40

Ame Tauyana maliyalina aito sikavava, ámasa goi Yaubada ikaitáoe namlieta ikaiwoduwe tomota yaidi.

Guinuwa 26:8

Komi Diyuu manakae imi nuwonúwana bego Yaubada geya itoboineyeta tokámasa ikaitaoedi?

Guinuwa 4:10

Komi be nakae guma Nasareta boi komi kerose goi kotupatuko go, Yaubada tokámasa yaidi goi bogina ikaitáoe. Ame Tauyana yoina goi topem idedevina. Tauna ame korotoyana matami goi iitaoya Yeisu yoina ina togaga pasina.

Guinuwa 5:31

Ame Tauyana kina Yaubada ikilagasi tutayana ikailagasi wowoina basekoina kakataina goi itusobu go, ivayoko Yáwana ana Tokaimatana be nakae Toyava, e bei kita Isileli tubunao itoboineda tatugavila go, Yaubada ida goyoyadi inuwotaoidi.

Roma 1:4

Ina taoyamna tokámasa yaidi pasina Yaubada ivayoko Tauyana Natuna mana togaga. Natunayana moe ida Tomoya Yeisu Guyau. Go ana vayokwanayana moe goi, Tauyana ada kimasaba Yaubada umana unana.

Roma 8:34

Avatau bei itakinoida kita toogoyoida liuna manuna? Geya toina! Kina Yeisu ikámasa go, Yaubada ikaitáoe, e ikaaiyaka Yaubada wowoina basekoina kakataina goi ivapiisiyeda go!

Epeso 1:3

Yaubada aba yapali! Tauyana ida Tomoya Yeisu ina yabobona liliudi yábana osasaina goi iviniibesoida.

Pilipai 3:10

E yau Guyau goi akaaiyaka, e bei Tauyana ayagoidoko ame nakae: Ina togaga yawoigu goi aalotowo; togagayana moe nakae Yaubada ina togaga goi Yeisu ikaitáoe. Aiyuwoina latuwogu ina gedageda asiuko bei ina kámasa goi atapate,

Kolose 1:16

Tauyana goi Yaubada kaga liliuna imadagidi; kaga neta yábana goi be nakae kaga neta poyapoya yatana goi, kaga neta taagitedi be nakae kaga neta geya tagitedita: Yábana osasaina goi tolovina liliudi, aba lovina liliudi, sinitu liliudi be adi tovakumgoyao liliudi. Kaga liliuna Yaubada imaadagidi moe Natunayana nimana goi imadagidi be nakae Tauyana manuna imadagidi.

Kolose 3:1

E ámasa goi Yaubada bogina ikaitaoeda taiyao ae? O tadigo kada, ‘Bogina iyolimeda.’ Moitamo. Tauna yábana sinapuna mami salau kosokiikinēdi unana maeko goi Guyauyana ikaaiyaka, wowoina basekoina Yaubada kakataina goi iitusobu.

Iberiu 1:3

Tauyana Yaubada ana kanukanununa be nakae Tauyana goi Yaubada aderina toina imalatomota. Kaga liliuna ina livala toogagaina goi iyooisidi. Ida goyo goi ikimavadeda ikavava, wowoina basekoina Yaubada Tokanayatanatoina kakataina goi itusobu.

Iberiu 10:12

E kina go ida Tonúwala Tolagainayana sivatayamo vininabeso tayamo ikasale goyo manudi go, ina kasalayana moe tuta madabokina itoboine. Ikasale ikavava, wowoina basekoina Yaubada kakataina goi itusobu.

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

Iberiu 2:9

E koroto tayamo tagite, Tauyana tuta kaakupina goi Yaubada ina anerose sobuyekoidi goi ikaisobuye. Moe Tauyana . Ina kámasa ana gedageda pasina Yaubada ikilagasi taimámina be wowoina ivini, e bei Yaubada ina kanuwóiya goi kita tomota liliuda manuda ámasa ilotowo.

1 Pita 1:3

Yaubada aba yapali! Tauyana ida Tomoya Yeisu ina Yaubada be nakae Tamana. Tauyana mana nuwokapisi gagaina kita bibina vau ivinida Yeisu Guyau ina taoyamna tokámasa yaidi goi pasina, e bei itoboineda talotuta vata.

Nuwogau 1:17

Tutayana Tauyana agite, aena goi akanakabobo yau kaamasigu nakae. Go nimakakataina goi ibisikonegu idigo kana, ‘Taabu kuumatōita. Yau Totukumgo be Totumliya.