Epeso 1:10 - Buki Kimaasabaina

¹⁰ Ina nuwonúwana ame nakae: Tutayana ina upa boi iyatoyato bogina isowóduwo, dogoi liliuna yábana goi be poyapoya ame goi ikabidi, yaina goi ilamgogomneidi, e madi spwagógana Guyau taiyao sieboda tayamo go, Tauyana dabadi.

Epeso 1:10 ပူးပေါင်းရင်းမြစ်များ

Aba Vatowo 49:10

Kom mam lovina go, lovinayana bei ikaiyako vata am dala yaina. Koroto tayamo am dalayana goi bei ilovina ana kadókana Tokalibubunayana ima ikalibúbuna be nakae tomota liliudi sopana sikabikaone.

Madiu 25:32

Ago boda liliuna bei ilamgogoidi matana goi itakinoidi boda aiyuwo nakae itakinoidi boda aiyuwo.

Maki 1:15

idigo kana, ‘Tuta Yaubada boi iupeupe bogina isowóduwo, e bogina imaiyaba bei itoboinemi kosiu. Kotugavīla be Vala Dedevina konumīse.’

1 Korinta 10:11

E amo dogoiyadi siisowóduwo tubudao yaidi goi moe kita ida kaba gita. E tetalayadi Mosese iginidi bego kita tuta ana kaba lukavava goi takaaiyaka ikatumatalida ida sinapu manuna.

1 Korinta 11:3

E latuwogu koyagoi bego koroto liliuda dabada moe . E vevina dabadi moe koroto. E Guyau dabana moe Yaubada.

Galetiya 4:4

Go tutayana upayana ana toboine isowóduwo, e Yaubada Natuna ietune ima. Tauyana vavina goi ibíbina kita tomota nakae be nakae ina lovina sikaukaboli.

Epeso 1:22

Tauna Guyauyana aena ogalaoina goi Yaubada kaga liliuna bogina iyatoidi ivasobusobuyedi go, Guyauyana ivayoko kaga liliuna dabada kita ana totugugunayao ada dedevina manuna.

Epeso 3:15

Tauyana liliudi yábana goi be poyapoya goi unadi.

Epeso 3:2

Nakona bogina konove Yaubada ina kanuwóiya ana rugwáuta manuna boi ikawoigu aguinuwe komi ami dedevina manuna.

Kolose 1:16

Tauyana goi Yaubada kaga liliuna imadagidi; kaga neta yábana goi be nakae kaga neta poyapoya yatana goi, kaga neta taagitedi be nakae kaga neta geya tagitedita: Yábana osasaina goi tolovina liliudi, aba lovina liliudi, sinitu liliudi be adi tovakumgoyao liliudi. Kaga liliuna Yaubada imaadagidi moe Natunayana nimana goi imadagidi be nakae Tauyana manuna imadagidi.

Kolose 1:20

be nakae Natunayana ina guinuwa goi kaga liliuna poyapoya yatana be yábana sinaena ikabivekovekomneidi ame nakae: Tauyana ikaikaina kerose goi Yaubada inuwolida. Tauna Natunayana toosakina.

Kolose 3:11

Yawoida vauyadi goi geya tayaamo tavilei ikaaiyaka geya. Nakae Giriki o kaga liliuna itobukukuyuidi be nakae liliuda yaida goi ikaaiyaka.

Iberiu 1:2

Ame tuta ana kaba lukavava Natuna goi ivadigoida. Natunayana ikinave bei kaga liliuna moe Tauyana ina kaba lovina. Nimana goi kaga liliuna imadagidi.

Iberiu 11:40

Unana Yaubada inuwonúwana kita manuda, e enao dedevina toina bogina ikatubayasi bego kidi kita taiyao itoboineda Yaubada ina katotulayana keuwoina tababane.

Iberiu 9:10

Amo guinuwayadi moe lovina awoinu be nim be níkina kaka manudi. Go amo guinuwayadi geya nuwoda manudi geya, go sem moe sakava ana lovina Yaubada boi ivinida tasabokuuliyedi ana kadókana enao vau iyato.

1 Pita 1:20

Yeisuyana kina Yaubada igimikinave namlieta poyapoya ame imadagi go, ame tuta, tuta ana kaba lukavava goi, bogina isowóduwo kita ada dedevina manuna.

Nuwogau 5:9

Sisaakululu go, vesi vau sivesiye kadi, ‘Boi kom bogina sikaumatem be nakae ikaikaim goi tomota kutakonedi Yaubada manuna. Tomotayadi moe dala liliudi, aníyana liliudi, boda liliudi be nakae kantri liliudi yaidi goi kulamgogoidi sieboda tayamo. Nakae kuguinuwe bei kidi Yaubada ina bodayauwo goi sikaaiyaka be nakae kidi Yaubada ina togudalayao. Tuwo poyapoya goi bei sikalibúbuna. Tauna kom mam lovina itoboinem bukiyana kwabi be ana kaba kaipaki kukitakidi.’