Aba Vatowo 9:1 - Buki Kimaasabaina

¹ E Yaubada Nowa ma natunao idigo kana, ‘Komi kosusāila gagaina bei tubumiyao taiyao poyapoya kovakayaodei.

Aba Vatowo 9:1 ပူးပေါင်းရင်းမြစ်များ

Aba Vatowo 1:22

E idigo kana, ‘Négwasa iyaiyanimi kosusāila gagaina, e negwasayana kovakayaodēi. Mánuwo nakae, poyapoya goi kosusāila.’

Aba Vatowo 1:28

Iwodugudi ikavava, ikaipakuyedi idigo kana, ‘Kosusāila be poyapoya kovakayaodēi, e poyapoyayana koepaisēwe ami dedevina manuna. Nakae íyana, mánuwo be nakae kaga liliuna maa yawoidi poyapoya goi sidaladala kokaliibubūdi.’

Aba Vatowo 10:32

E moe tauyadi madabokidi Nowa natunao be nakae tubunao adi liliu ituli ituli goi. Boi mluwa mlina sisapa sina poyapoya ana madabokina goi sikaaiyaka.

Aba Vatowo 2:3

Ago maliyalinayana sowona be nakae ikimasabe toinina umana unana ina paisewa madabokina bogina ikavava, e maliyalinayana goi iwaiwasi. Tauna ikaipakuye be ikimasabe.

Aba Vatowo 24:60

E Ribeka sikaipakuye kadi, ‘Niuma, Im kaiyaka bei dedevina be nakae kususāila, e tubumowo badabadaaidi, nakae idi kaleyayao sitogagasavedi.’ Tuwo Ribeka mana pákwana sitaoya idi kameri goi sisowoya. Ikavava, Eberamo ina pákwana sisabokuliye go, ivakededi sina.

Aba Vatowo 35:11

E Yaubada aiyuwoina Yakobo ilatuwoko idigo kana, ‘Yau Yaubada . Kom kususāila, tubumowo badabadaidi, e bei tubumowo boda tayamo gagaina. Tubumowoyadi goi boda badabadaaidi be nakae tokalibúbuna maniyedi bei sisowóduwo.

Aba Vatowo 8:17

E kaga liliuna maa yawoidi kovakedēdi sisou. Moe mánuwo liliudi, yoguyogu liliudi be kaga liliuna sidaladala. Madabokidi sisou sina poyapoya ana madabokina goi sisusáila gagaina.’

Aba Vatowo 9:19

Ame tauyadi adi taito moe Nowa natunaoyadi go, tauyadi yaidi nava tomota liliudi bei sisowóduwo, e poyapoya ana madabokina goi sisapa.

Aba Vatowo 9:2

Kaga liliuna maa yawoidi poyapoya ame goi, mánuwo liliudi, kaga liliuna sidaladala poyapoya goi be iyaíyana liliudi négwasa goi bei simatoitemi gagaina go, nimami goi ayatoidi komi imi kaba lovina.

Aba Vatowo 9:7

E komi sem kosusāila gagaina bei tubumiyao taiyao poyapoya ana madabokina kovakayaodei.’