Aba Vatowo 48:14 - Buki Kimaasabaina

¹⁴ E Isileli nimakakataina iyosale, e Eparaim dabana iyoisi go, Eparaimyana bogomane. E nimana kekelina iyosale Manase dabana iyoisi go, Manaseyana botomoya.

Aba Vatowo 48:14 ပူးပေါင်းရင်းမြစ်များ

Aba Vatowo 41:51

E ina botomoya ivayou Manase kana, ‘Unana Yaubada tauna guna nuwomou anuwoilave be nakae osegowo anuwoilavedi.’

Aba Vatowo 41:52

E natuna aiyuwoina ivayou Eparaim kana, ‘Unana Yaubada tauna guna kaiyakomou goi keuwoigu dedevina ababane.’

Aba Vatowo 46:20

E Itipita goi Iyosepa monena Asenati ivenátuna, natunao koroto adi taiyuwo, Manase be Eparaim. Asenati tamana Potipera, tauyana asa Oni goi.

Aba Vatowo 48:13

Ikanakabobo ikavava, natuna Eparaim ikaibale Isileli kekelina goi itaoya go, Manase ikaibale Isileli kakataina goi itaoya. Moe unana Manase botomoya.

Aba Vatowo 48:17

E Iyosepa ikandobala tamana igite ibágala unana nimakakataina goi Eparaim dabana iyoisi. Tuwo ona ikai, e nimanayana iyoisi, ikigagi bego ikaidamane Manase dabana goi,

Aba Vatowo 48:18

e idigo kana, ‘Tamagu, moe nakae geya. Ame Manase botomoya. Itoboine nimakakataim goi dabana kuyoisi.’

Tateta 15:6

Yauwe, Nimakakataim toogagaina toina. Nimakakataimyana goi im kaleyayao kukauvisivisidi.

Madiu 16:18

E ame yau alatuuwokoim kunōve: Kom Pita o kada, “Lasáuna.” Go moe lasaunayana yatana goi bei yau guna totugugunayao alamgogoidi ayatoidi nakae lasáuna neta yatana vada tayowo ikasa. Ago ámasa geya itoboineyeta guna totugugunayaoyadi itogagasavedi.

Madiu 19:13

E tuwo tomota maniyedi natudiyao giyaidi simedi Yeisu yaina goi bego dabadi iyoisidi be manudi ikawanoi Yaubada yaina. E kai go ina tovatotowanayao kataoya tomotayadi kabowoidi kama, ‘Taabu kononōina Yeisu yaina.’

Madiu 19:15

Tuwo gogomanayadi dabadi iyoisidi ikawanoi Yaubada yaina bego . Ikavava, itaoya ikabima amo dadavayana kakalave kana.

Madiu 6:5

Tutayana kokawanoi, taabu todedevidi polapola kovatotoowonēdi unana kidi nuwodi ikabi aba tugúguna goi be nakae kedalalavi goi siitaoya sikawanoi Yaubada yaina bego tomota sigitedi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Luke 13:13

Tuwo nimana iyatoidi vavinayana goi, e mainao itaoya dókana go, Yaubada ina togaga ana ikamoitamoe.

Luke 4:40

E níyala bogina iisaliu, boda liliudi idi bodao madi vísiya o madi katówana simedi Yeisu yaina. E tamo tamo ibisikonedi, ikidedevinedi.

Guinuwa 13:3

Tuwo . Ikavava, sietunedi sina.

Guinuwa 6:6

Sikinavedi ikavava, simedi vamoleyanayaoyadi matadi goi sivagitakoidi go, vamoleyanayaoyadi madi kawanoi nimadi sikailagasidi korotoyadi ainima aiyuwo dabadi siyoisidi, e mani ana kaiguyau manuna sikawoidi.

1 Timoti 4:14

Boi Baloma Kimaasabaina im kaiguyau ivinim tutayana tomoyamoya nimadi sikailagasidi dabam goi Yaubada ina nuwonúwana kom manum sikabivalevale. E moe aiguyauyana taabu kukaligaagaīye.

1 Timoti 5:22

Neta koroto tayamo bego ietovakumgo, manukaim nimam kwailagasīdi korotoyana dabana goi kukimasābe bego tauyana Yeisu ana totugugunayao adi tovakumgo, govila bei tauyana mana goyo kukimasabe, e ina goyo kom kusiuko. Go toinim kurugwausīm im sinapu geya ana goyomo.