Aba Vatowo 41:8 - Buki Kimaasabaina

⁸ E vanuwo itomo, Peroyana mana kateyova inuwonúwana kana, ‘Guna kanamimi kaga adi yagoina?’ Tuwo tomeméyava liliudi be nakae tonanamsa liliudi Itipita goi iduduwedi sima, e ina kanamimiyadi ilatuwokoidi. Ilatuwokoidi ikavava, idigo kana, ‘Guna kanamimiyadi kaga adi yagoina?’ Go geya kada tayaamo yaidi goi itoboine anamimiyadi italigeidi.

Aba Vatowo 41:8 ပူးပေါင်းရင်းမြစ်များ

Aba Vatowo 40:6

E simasisi vanuwo itomo, Iyosepa ina igitedi tauyadi madi nuwomou sikaaiyaka.

Aba Vatowo 40:8

‘Nuwobuna ama taiyuwo kakanamimi go, geya vatau tayaamo itoboine anamimiyadi italigeidi’, kidi kaedi. E Iyosepayana idigo kana, ‘Anamimi adi yagoina Yaubada anetava itoboine ivaiteda ae? Tauna imi kanamimi kolatuwokoigu go, nakona Yaubada ivatulukoigu adi yagoina.’

Aba Vatowo 41:15

E Peroyana idigo kana, ‘Iyosepa, akanamimi go, geya vatau tayaamo itoboine italigei. Go yau livala anove bego kom anamimi adi talígava kuuyagoi.’

Aba Vatowo 41:24

Kutukutu giyaidiyadi sitaoya, kutukutu dedevidi sitonoidi. Ame tauna guna kanamimi. E tomeméyava alatuwokoidi go, geya kada tayaamo vatau yaidi goi itoboine guna kanamimiyadi italigeidi.’

Aba Vatowo 41:7

Kidi didi goyogoyoidi sitaoya, didi dedevidi sitonoidi. E amoko goi Peroyana ikaliwoisa, itaoya idigo kana, ‘O moitamo akanamimi!’

Tateta 7:11

E kina Pero ina tonanamsayao be ina tomemeyavayao iduduwedi sima. Sima, kidi nakae itoboinedi idi méyava goi nakae siguinuwe.

Tateta 7:22

E da Itipita idi tomemeyavayao idi méyava goi nakae siguinuwe. Tuwo Pero nava idaabakasa, e Eroni be yau geya inovemeta nakae Yauwe boi bogina idige.

Tateta 8:7

E kidi tomeméyava idi méyava goi nakae siguinuwe, e kwekwe sivaituwedi da Itipita idi kasa goi sisinalaga.

Tateta 9:11

E da Itipita idi tomemeyavayadi adi rarawa pasidi geya itoboinedita matagu goi sitaoya. Bogina kuyagoi. Kidi nakae da Itipita madabokidi madi rarawa go, sikawoiva.

Madiu 2:1

E nava iilovina. Yeisu ina bíbina mlina utuna adi tonanamsa ma matabuwodi bomatu goi sima Yerusalema.

Guinuwa 17:18

E maniyedi tonanamsa nakae aba maketiyana goi sikaaiyaka. Tonanamsayadi moe boda aiyuwo, tayamo yoina Epikuriyo, tayamo yoina Sitoiko. E tonanamsayadi sikaumakimaki Paulo taiyao. Ago Paulo ina bóbwara sinovedi, maniyedi sidigo kadi, ‘Iyaa! Ame tauyana tokautaotáwana tayamo. Kaga latuwona nakona bego idigedi?’ Maniyedi sitainasi; sinuwonúwana bego Yeisu be nakae ina taoyamna moe yaubada aiyuwo italavaitedi, tauna sidigo kadi, ‘Ana taiyakeka ituli ta yaubadava adi taiyuwo italavaitedi.’

Guinuwa 7:22

Tuwo Mosese Itipita goi isikuru, e da Itipita idi nanamsa liliuna sivatuluko. Tuwo tauyana ina livala be ina guinuwa goi iitogaga.

1 Korinta 1:19

Guna livalayana ikamoitamoe. Gininayana goi Yaubada ina togaga bogina idige kana, ‘Da poyapoya adi tonanamsayao idi nanamsa bei abugoyaidi. Moe tauyadi dabadi kaakapudi adi kabitam bei akigawuwulidi.’ Aiseya 29:14