Aba Vatowo 4:2 - Buki Kimaasabaina

² Niga aiyuwoina ivenátuna, natuna koroto moe Keni siyana yoina Ebeli. Sikaiyaka, gogómana sibíbina gagaidi. E kina go Ebeliyana yoguyogu sipi ana tomatakavata go, kina Keniyana tobágula.

Aba Vatowo 4:2 ပူးပေါင်းရင်းမြစ်များ

Aba Vatowo 3:23

E tuwo moitamo tánuwo Ideni goi ivalilivedi sina go, Adama poyapoya goi bei ibágula. Ego amo poyapoyayana goi boi Yauwe koroto iwodugu!

Aba Vatowo 37:13

Sikaaiyaka tuta maanawena, tuwo Isileli Iyosepa ilatuwoko idigo kana, ‘Iyosepa, tuwowomowo tuta maanawena bogina sikaaiyaka Sekem goi guna sipiyao simatakaavatedi. Tauna bei aetunem kuna kuvadadedi.’ ‘O dedevina’, Iyosepa kaena.

Aba Vatowo 4:1

E kina go Adama monena Ivi taiyao simasisi, ikéuwama go, niga ivenátuna, natuna koroto. Tuwo idigo kana, ‘ ina vaita goi natugu bogina ababane.’ Tauna natunayana ivayou Keni.

Aba Vatowo 4:3

E niga go dibayoya ana tuta goi Keni ina dibayoya keuwoina maniyedi ikabidi ina vininabeso go, imedi Yauwe yaina ikasaledi.

Aba Vatowo 47:3

Tuwo Peroyana idigo kana, ‘Komi kaga imi paisewa?’ ‘Ima tomoya, kai ima paisewa adi tomatakavatayao nakae tubumao boi nimatu’, kidi kaedi. Kadi,

Aba Vatowo 9:20

E Nowa tobágula tayamo go, buyalina igimibaguli. Niga oine keuwoina sisina ikabi, oine bwaena iwodugu.

Tateta 3:1

E yau go yaogu da Midiyani adi Iyetoro ina yoguyoguyao amatakaavatedi. Amatakaavatedi go, akabidi, yoyowo goi avadamanedi, anavedi koiboga dadavina koya yoina Korevi goi. Koyayana moe Yaubada ina koya.

Luke 11:50

Moe bego tokabivalavala liliudi ikaikaidi adi dau boi nimatu poyapoya ana kaba vatowo goi go, ima ame tuta moe komi be nakae tomota komi nakae imi puwoya.

Luke 11:51

Nakae Ebeli ina kámasa ima Sakaraiya ina kámasa, Sakaraiyayana boi nimatu be Vada Kimaasabaina go, nauyayanaidi goi tubumiyao sikaumate. Ame alatuuwokoimi moitamo konōve: Tomota komi be nakae toogoyoidi komi nakae tokabivalavalayadi idi kámasa moe imi puwoya!

Iyoni 8:44

Komi tamami umana. Imi nuwonúwana moe bego tamami ina yalagau koguuinuwe. Amo tauyana aba vatowo goi ima ame tuta tokaumata. Tamamiyana Nanamsa Mooitamoina goi geya itaoeta, tauna tauyana yaina goi Nanamsa Moitamoinayana geya ikaiyaketa. Tutayana pola iivatoi, toinina aderina goi ivatoi. Tauyana topola be nakae pola tamana.

1 Iyoni 3:10

Ame nakae itoboineda taayagoi bego avatauwa Yaubada natunao go, avatauwa Totagíwaya natunao: Avatauwa neta guinuwa dedevidi geya sikibobosidita be nakae avatauwa neta siyadi geya simatakoiyeyeta, e tauyadi geya Yaubada ina bodao geya.

1 Iyoni 3:12

Go geya kada Keni nakae geya. Tauyana Kaleya ina boda tayamo, e siyana ivakaleye ikaumate. Go kaga unana siyana ikaumate? Unana Keni ina guinuwa igoyo go, siyana ikibóbwata.

1 Iyoni 3:15

Avatauwa neta siyadi sikaaolilive, tauyadi tokaumata. Go bogina kooyagoi bego geya tayaamo tokaumata yaina goi yawana vata ikaaiyaka.