Aba Vatowo 39:3 - Buki Kimaasabaina

³ Ikaaiyaka go, ina tomoyayana bogina igite bego Yauwe ivaakitau, tauna ina vaita goi kaga liliuna Iyosepa nimana goi kina Potipari iyatoyato, madabokina ikibode.

Aba Vatowo 39:3 ပူးပေါင်းရင်းမြစ်များ

Aba Vatowo 21:20

E tuwo gomanayana ibibíbina go, kina Yaubada ivakitau. Parani yoyowoina goi ikaaiyaka, e tauyana sau ana togipalu.

Aba Vatowo 21:22

E amo tutayana da Garara adi tolovina Abimeleka ina tovayaviyayao adi tovakumgo yoina Pikoli taiyao sina Eberamo silatuwoko sidigo kadi, ‘Eberamo, im guinuwa liliudi goi Yaubada ivakitaum bogina kagite.

Aba Vatowo 21:23

Tauna ame tuta Yaubada matana goi kukatōtula yaima bego geya kuguinuwa goyogoyo yaima, yau be nakae natugowo be tubugowo, go sem kom ogaoga ameko goi go, nakonakae bogina akubunuwem, e nakae guna kubunuwayana kulolāse yau yaigu be nakae ida kuyoisikavāte.’

Aba Vatowo 26:24

Amo sabamgo goi Yauwe isowóduwo Aisakeyana yaina idigo kana, ‘Aisake, yau tamam Eberamo ina Yaubada. Taabu kuumatōita. Yau avakiitaum. Bei akaipakuyem be nakae guna pákwana Eberamo pasina im boda akisailidi.’

Aba Vatowo 26:28

Kidi kadi, ‘Kama unana kayagoi Yauwe ivakiitaum. Tauna Yaubada matana goi komi be kai takatōtula nakae takanasīuna.

Aba Vatowo 30:27

Go kina Lebaniyana idigo kana, ‘Doiyagu, neta itoboinegu im kanuwóiya ababane, e kwaiyāka yau taiyao. Bogina kuyagoi, méyava goi ayagoi kom pasim Yauwe .

Aba Vatowo 30:30

Kunuwaisi, boi mainao ama kom im sipi geya sibadebadeta go, ame bogina sisusáila gagaina. E kaga aguinuwe im sipiyadi manudi, e guinuwayadi pasidi Yauwe ikaipakuyem. Go manakae? Ava tuta goi bei kutagonegu bego apaisewa yau guna bodao manudi?’

Aba Vatowo 39:2

Go kina ivaakitau, tauna ina vaita goi Iyosepa ina paisewayana madabokina kikiboda. Tuwo ina tomoya Potipari ina vada goi ikaaiyaka.

Aba Vatowo 39:21

Yauwe ivaakitau be nakae ikuubunuwe. Nakae Yauwe ina guinuwa pasina deri ana tolovina nakae Iyosepa ikanuuwoiye.

Aba Vatowo 39:23

Tuwo kaga liliuna Iyosepa nimana goi sikaaiyaka nakae imatakaavatedi, e manudi tolovinayana geya inuwonuwoneta. Bogina kuyagoi. Yauwe Iyosepa ivaakitau, tauna Yauwe pasina Iyosepayana ina paisewa madabokina kikiboda.

Madiu 5:16

Komi nakae. Imi mavada kokaiwoduwēdi sininínima tomota matadi goi bei imi guinuwa dedevidi sigitedi, e Tamada guma yábana ina togaga ana bei sikamoitamoe.’

1 Korinta 16:2

Nakonakae Yaubada mani goi ivaaitemi, e komi tamo tamo imi mani toinimi imi vada goi koyatōidi. Go wiki tamo tamo ana maliyalina vakuumgoina goi komemēdi kolamgōgo, govila bei ao, matagu goi imi mani kolamgogo.

Nuwogau 3:9

Konōve! Tauyadi Kaleya ana totugugunayao kadi, ‘Kai , Yaubada ina bodao’ go, geya, go sem kidi topola. Tauyadi nava bei alovinaedi bego sima matami goi aedi sivatugúyala go, bei siyagoigu bego komi amatakooiyemi.