Aba Vatowo 32:4 - Buki Kimaasabaina

⁴ Ego mainao tolokoinayadi ilatuwokoidi kana, ‘Kōna tuwowogu Iso kolatuwōko kami, “Guna tomoya, yau Yakobo im boi asuvaadavada Lebani taiyao go, ame bogina akaluvilamna.

Aba Vatowo 32:4 ပူးပေါင်းရင်းမြစ်များ

Aba Vatowo 23:6

‘Tomoya, kunovēma. Kom tomoya toolagaim yaima goi. Ava valiwoga tukubu dedevina toina, e moeko goi im tomata kuvaliwoge. Madabokima bogina katagona. Geya vatau tayaamo bei ivagagalakoim o isanabodem im tomata kuvaliwoge.’

Aba Vatowo 25:30

Siyana Yakobo igite ivaaipolu, tuwo ilatuwoko idigo kana, ‘Loga akámasa! Tauna siyagu, am bini kayakayaidi giyaina kuvinīgu akáika.’ Moe pasina Iso youyuwoina moe Idom.

Aba Vatowo 27:29

Aiyuwoina Yaubada ina nuwonúwana goi boda liliudi kom im bei sivaatugúyala yaim be nakae osemowo liliudi sobuyekoim bei kuloviinaedi. Avatauwa neta sikatubolatem, Yaubada nakae bei ikatubolatedi. Go sem avatauwa neta sikaipakuyem, Yaubada nakae bei ikaipakuyedi.’

Aba Vatowo 27:37

Go kina Aisakeyana idigo kana, ‘Kunōve! Guna kaipaku goi tauyana kom osemowo taiyao bei ilovinaemi nakae komi ina pakonayao. Ina oine nakae ina kawoinu bei siiloboina. Tauna natugu, geya tayaamo aipaku dedevina ikaaiyaka bei kom avinim.’

Aba Vatowo 31:41

Moe nakae akaaiyaka yaim tala ana badabada tuwenti (20). Tala yawou aivasi goi natumowo manudi apaaisewa. Tala ainima tayamo goi im yoguyoguyao manudi apaaisewa go, tuta tuta guna maisa kwaisobuye.

Aba Vatowo 32:18

Tutayana nakae ilumadadem, kom kam, “Ame im pákwana Yakobo ina yoguyoguyao. Ame ietunegu amedi avinim, ame nakae ina yabobona kom guna tomoya yaim. Ago tauyana mligu goi imamaima.”’

Aba Vatowo 32:5

Guna bulumakau, guna ase, guna sipiyao, guna be guna pakonayao vevina be koroto amedi. E tauna tomoya, ame livalayana aetune iwo yaim bego im kanuwóiya bei ababane.”’

Aba Vatowo 33:14

Tuwo guna tomoya, kom kuvakūmgo go, kai im pakonayao manukaima kavámliya kao Seira goi.’

Aba Vatowo 33:8

E Isoyana idigo kana, ‘Go maine boda madi yoguyogu ababanedi. Moe kaga yoguyoguna?’ ‘Guna tomoya, bego itoboinegu bei im kanuwóiya ababane’, Yakobo kaena.

Aba Vatowo 36:8

Tuwo Seirayana koyaina goi kidi Iso silokasa. Isoyana youyuwoina moe Idom.

Aba Vatowo 36:9

E Iso tubunao adi liliu ame nakae: Tubunaoyadi yoidi Idom go, asa Seira koyaina goi sikaaiyaka.

Aba Vatowo 4:7

Neta im guinuwa dedevina, bei mam uyáwana ae? Go neta im guinuwa geya idedevineta, e bágala yoguyogu sasasaina nakae totom goi iyokabúbuna; latuwona kom ilovinaem go, ina togaga kulovināe.’

Tateta 32:22

Eroniyana idigo kana, ‘Guna tomoya, taabu kuegamoogamōgu yau yaigu. Amo tomotayadi kom bogina kuyagoidokoidi; kidi sinapu goyo nukotodi ikabi.

Luke 14:11

Livalakaibala ame ana masi bego avatauwa neta toinidi sikilagalagasidi, e niga Yaubada bei ikisobuyedi. Go avatauwa neta toinidi sikisobusobuyedi, e niga Yaubada bei ikilagasidi.’

1 Pita 3:6

Serai nakae aba gita tayamo. Tauyana monena Eberamo ikabikaone nakae ikatomoyae. Ago neta imi guinuwa dedevidi be nakae geya tayaamo aba matoita komaatoite, e komi Seraiyana natunao nakae.