Aba Vatowo 26:7 - Buki Kimaasabaina

⁷ Amoko goi koroto maniyedi sikandobala Ribeka sigite vavina gumaboina, e Aisake silumadade kadi, ‘Ribeka avakavam?’ Aisakeyana idigo kana, ‘Tauyana niugu.’ Bogina kuyagoi. Tauyana imatoita bego ilatuwokoidi kana, ‘Ribeka monegu’, govila bei Ribekayana pasina sikaumate.

Aba Vatowo 26:7 ပူးပေါင်းရင်းမြစ်များ

Aba Vatowo 12:11

Ego tutayana Itipita goi sivakakana, e monena ilatuwoko idigo kana, ‘Serai, kunōve. Kom vavina gumaboim.

Aba Vatowo 12:13

Tuwo monegu, akawanoi yaim kulatuwokōidi bego yau nium, e bei kom pasim guna dedevina ababane be nakae sitagonegu maa yawoigu akaaiyaka.’

Aba Vatowo 12:15

E ina topaisewayao adi tovakumgoyao maniyedi sikandobala Serai sigite, tuwo sina Pero silatuwoko sidigo kadi, ‘Ima tomoya, vavina tayamo kagite, tauyana gumaboina toina.’ Tuwo Pero ina lovina goi sina Serai sikabi sime Pero ina vada goi. Idi nuwonúwana bego Serai moe Eberam niuna.

Aba Vatowo 20:11

Eberamoyana idigo kana, ‘Unana anuwonúwana bego ameko goi Yaubada geya kowowoineyeta, tauna amatoita koroto tayamo bei ikaumategu bego Serayana ikabi.

Aba Vatowo 20:2

Amoko goi sikaaiyaka go, koroto maniyedi sima Eberamo monena sigite kadi, ‘Eberamo, moe ava vavina?’ Eberamoyana imatoita, tauna ipoledi idigo kana, ‘Tauyana niugu. Yoina Sera.’ E da Garara adi tolovina yoina Abimeleka ikaaiyaka go, inove Sera moe Eberamo niuna; latuwona ikabi bego monena. Tauna ina ilatuwokoidi idigo kana, ‘Kōna Sera kokābi kōme.’

Aba Vatowo 20:5

Boi Eberamo ikatubaugu kana, “Ame niugu.” E vavinayana nakae ipola kana, “Tauyana niugu.” Tauna yau guna guinuwa goi nukotogu geya isabutukoeta nakae geya guna pikwanamo.’

Aba Vatowo 24:16

Ribekayana vavina gumaboina toina. Tauyana geya tayaamo koroto ikanaaotai. E ima isou ina doeluyana goi bwae itega. Itega ikavava, ituko bego ikaluvila go,

Aba Vatowo 26:6

Tuwo moitamo Aisake Garara goi ikaaiyaka.

Aba Vatowo 26:8

E Aisakeyana bogina tuta maanawena amoko goi ikaaiyaka, e tuta tayamo ma monena Ribeka siituyuwo. Siituyuwo go, Aisake ibisibala Ribeka wowona ikatumoyasu. Adi taiyuwokova sinuwonúwana kadi, ‘Nakona adetava.’ Kom go avatau? Abimeleka, tauyana da Palisiti adi tolovina, ina vada goi ikaaiyaka, ikandosobu igitedi.

Aba Vatowo 29:17

Reyayana vavina kubuunuwaina go, ana gómana Reitiyeli vavina gumaboina toina.

Madiu 10:28

Ago imi talavaitayana goi tauyadi itoboinedi wowomi sikauumatedi taabu komatooitēdi. Nakona wowomi sikaumatedi go, geya itoboinedita balomaimi sibisikone. Tauna taabu komatooitēdi. Go sem avatau neta itoboine wowomi be balomaimi taiyao goi imtulidi, e amo Tauyana koomatōite.

Epeso 5:25

Komi koroto, monemiyao komatakooiyēdi nakae nakae kita ana totugugunayao imatakooiyeda be nakae manuda toinina ikasale ámasa goi.

Kolose 3:9

Taabu sedao yaidi goi tapolapōla unana yawoida bogo madi guuinuwa goyogoyoidi kwama bogo nakae bogina tavalilividi takalavedi