Aba Vatowo 2:7 - Buki Kimaasabaina

⁷ E amo tutayana Yauwe Yaubada poyapoya kaukauna ikabi, koroto imolului. Imolului ikavava, kubuna goi yawoina isalauwe, e korotoyana maa yawoina.

Aba Vatowo 2:7 ပူးပေါင်းရင်းမြစ်များ

Aba Vatowo 1:27

Tomota iwodugudi Tauyana toinina ana tapata. Moitamo, ana tapata iwodugudi. Tomotayadi koroto be vavina iwodugudi.

Aba Vatowo 2:6

Kúwana geya go, bwae doelu goi ituko imamaima bei poyapoya ana madabokina ivakaanapoive.

Aba Vatowo 3:19

Mam mosali bei kupaaisewa gagaina bego avam kubabane ana kadókana kukámasa, e kwaluvila kuna poyapoya goi. Bogina kuyagoi. Poyapoya goi aodugum. Moitamo. Kom taum poyapoyayana ana vaituwo, tauna bei kwaluvila kuna poyapoyayana goi. Tutayana kukámasa, bei kumalapoyapoyamna.’

Aba Vatowo 3:23

E tuwo moitamo tánuwo Ideni goi ivalilivedi sina go, Adama poyapoya goi bei ibágula. Ego amo poyapoyayana goi boi Yauwe koroto iwodugu!

Aba Vatowo 7:22

Kaga liliuuna poyapoya goi sikaaiyaka maa yawoidi, e sikámasa.

Iyoni 20:22

Moe ilatuwokoima ikavava, yawoina isalauwe yaima goi kana, ‘ kouyaōne.

Guinuwa 17:25

Yawoida be nakae kaga liliuna Tauyana toinina bogina ivinida, tauna geya tayaamo kaga ikiseyeseye bego kita tomota itoboineda tavini be tavaite.

Roma 9:20

Kom tomota! Moe geya toina, go sem kom vatau itoboinem Yaubada kukaubodebode? Manakae? Vaega itoboine ana tokalitaoya ilatuwoko kana, ‘Kaga unana ame nakae kukalitaoegu?’ Geya ae?

1 Korinta 15:45

Moe nakae Gínina Kimaasabaina idigedige: Koroto vakuumgoina moe Adama. Tutayana korotoyana Yaubada imolului ikavava, e tauyana maa yawoina. Ago koroto aiyuwoina moe Guyau. Tauyana iebaloma, e yawana vau ana tokaiguyau.

1 Korinta 15:47

Koroto vakuumgoina Yaubada poyapoya kaukauna goi imolului, tauna tauyana unana moe poyapoya. Koroto aiyuwoina yábana goi ima.

2 Korinta 4:7

E Vala Dedevinayana ana mavada esaesa nakae kai sakavaima neenetaidi vaega nakae sinaema goi ikaaiyaka. Ikaiyaka bego tomota siyagoi togagayana yaima goi moe Yaubada ina togaga gagaina toina go, geya kai ima togaga geya.

2 Korinta 5:1

Guna nuwonúwana ataligei: Bogina tayagoi wowoda moe poyapoya wowonina yoyou nakae bei tuta kaakupina sikaaiyaka. Go neta sitauwe, wowoda vau Yaubada goi bei tababane. Wowoda vauyadi geya kada vada nakae tomota nimadi goi siiyowóidi geya, go sem ame wowoda vauyadi yábana goi sikaiyako vata.

1 Timoti 2:13

Guna nuwonúwana ame nakae: Moe Adama Yaubada boi igimimodugu namlieta baige Ivi.

Iberiu 12:9

Tuwaina, kita ma tamadao poyapoya ame goi. E tamadaoyadi boi sisapida go, tawowoinedi. Tauna itoboine toina balomaida Tamadi yaina goi tasakululu be yawoida tababane ae?