Aba Vatowo 17:8 - Buki Kimaasabaina

⁸ Kenani goi kom tuta ame kueogaoga go, nava bei poyapoya ana madabokina Kenani goi kom nakae tubumowo avinimi, e bei ikaiyako vata yaimi. Yau bei tubumowo idi Yaubada.’

Aba Vatowo 17:8 ပူးပေါင်းရင်းမြစ်များ

Aba Vatowo 12:7

E amoko goi Yauwe isowóduwo Eberam yaina idigo kana, ‘Eberam, ame asayana bei im boda avinidi.’ Tuwo dídiya ikabidi, ikaudakodako, imadagi Yauwe ana kaba wowoina manuna.

Aba Vatowo 13:15

Guna nuwonúwana bego ava poyapoyava itoboinem kugite, madabokina kom be nakae im boda bei avinimi be ikaiyako vata yaimi.

Aba Vatowo 13:17

Poyapoyayana bei avinim. Tauna kutāoya kūna madabokina goi kuvabebēo.’

Aba Vatowo 23:4

‘Yau ogaoga yaimi goi akaaiyaka go, geya guna poyapoyamo, tauna geya itoboineguta bei guna tomata avaliwoge. Tuwo akawanoi yaimi bego agimone bei tomatayana avaliwoge.’

Aba Vatowo 26:24

Amo sabamgo goi Yauwe isowóduwo Aisakeyana yaina idigo kana, ‘Aisake, yau tamam Eberamo ina Yaubada. Taabu kuumatōita. Yau avakiitaum. Bei akaipakuyem be nakae guna pákwana Eberamo pasina im boda akisailidi.’

Aba Vatowo 28:4

Aiyuwoina ina kaipaku Eberamo yaina bei ivadamane iwo kom ma tubumowo yaimi, e nava ame poyapoyayana goi kueeogaoga bei kokabi imi kaba lovina. Ame poyapoyayana boi Yaubada ikatotule Eberamo yaina bego tubunao ivinidi.’

Aba Vatowo 35:27

E Yakobo ikaluvila ina tamana Aisake ina kasa , moe Asa Ariba kikina. Asayana youyuwoina moe Ebironi. Ego asa Mamre goi Eberamo be Aisake boi sisuvaadavada.

Aba Vatowo 37:1

E ikaaiyaka asayana goi boi tamana ituliye, moe asayana Kenani.

Aba Vatowo 48:4

idigo kana, “Kunōve. Bei akisailim, e bei tubumowo badabadaidi. Tauyadi goi boda ituli ituli bei sisowóduwo. Ame poyapoyayana tubumowo bei avinidi; ikaiyako vata yaidi.”’

Tateta 13:11

E Yauwe bei inaveda Kenani tubunao idi poyapoya goi nakae boi ikatótula kita be nakae tubudao yaida. Tutayana poyapoyayana ivinida,

Tateta 21:6

e imi pakonayao kokabīdi komēdi yau Yaubada guna goi idi nuwonúwana sitalavaitedi. Ikavava, komēdi totom goi go, gita goi taiyadi kokariporēdi. Ikavava, ina gipolu kuyāto. Moe aba kinana bego manumi sipaisewa vata.

Tateta 29:45

Bei akaaiyaka Isileli tubunao yaimi. Yau bei imi Yaubada.

Tateta 32:13

Neta im kunuwokavatēdi. Boi toinim yoim goi kukatótula yaidi kulatuwokoidi kam, “Tubumiyao bei akisailidi adi badabada nakae utuna yábana goi go, poyapoya ame ana madabokina boi adigedige tubumiyao bei avinidi, e kidi sikabi idi kaba lovina.”’

Tateta 40:15

Ikavava, pútuma aba kaipaku kokābi, tauyadi koputumīdi tamadi nakae, e bei tauyadi Tonúwala nakae sipaaisewa yau manugu. Go moe nakae Eroni ma natunao be nakae tubunao liliudi kokimasabēdi yau umagu, e bei kidi nakae Tonúwala nakae sipaaisewa yau manugu ame tuta be nakae tuta simamaima yaidi.’

Tateta 6:4

Nakae boi akanasiukoidi go, akatótula bego da Kenani idi poyapoya bei avinidi. Boi poyapoyayana goi situliya nakae sieogaoga.

Tateta 6:7

Bei akinavemi komi guna bodao go, yau imi Yaubada. Bei koyagoigu Yau Yauwe imi Yaubada, da Itipita idi kogúyala moumoudi goi bei ayavemi

Guinuwa 7:5

Go ame asayana goi Eberamo ikaaiyaka go, Yaubada geya tayaamo poyapoya giyaina ivini bego ina kaba lovina, go sem ikatotulamo bego poyapoya ame kina be nakae tubunao ivinidi idi kaba lovina. Go amo tutayana Eberamo nava geya natunamo.

Iberiu 9:15

Moe pasina tauna Yeisu moe Yaubada ina ina kanasiuna vau manuna, e bei kita, Yaubada bogina iduuduweda bego ina bodao, itoboineda bei ada vaiwowana vata ikaatotule tababane. Go Guyauyana Yaubada ina togúdala ina kanasiuna vau manuna ame nakae: Tauyana ikámasa bei ida goyo boi taguuinuwedi tutayana Yaubada ina kanasíuna vakuumgoina goi takaaiyaka yaidi goi itateteda.

Nuwogau 21:7

Avatauwa neta sitogaga, moe dogoiyadi bei sibabanedi be nakae yau bei tauyadi idi Yaubada go, tauyadi bei avanatunedi.