Aba Vatowo 1:1 - Buki Kimaasabaina

¹ Aba vatowo goi Yaubada kaga liliuuna iwodugudi, nakae yábana be poyapoya.

Aba Vatowo 1:1 ပူးပေါင်းရင်းမြစ်များ

Tateta 20:11

Maliyalina ainima tayamo goi Yau Yauwe yábana be poyapoya be négwasa be nakae kaga liliuna sinaedi amadagidi go, maliyalina ainima aiyuwoina goi awaiwasi. Tauna maliyalina ainima aiyuwoina aba waiwasi Yau Yauwe bogina be nakae akimasabe umagu.

Tateta 31:18

E Sainai Koyaina yatana goi Yauwe ibóbwara ikavava, e gurewa aiyuwo paaevaidi ivinigu. Gurewayadi yatadi Yaubada toinina nimana goi ina kanasíuna ana bogina iginidi.

Madiu 11:25

Tuta amo goi Yeisu ikawanoi idigo kana, ‘Tamagu, kom yábana be poyapoya idi Tomoya. Guna guinuwayadi adi yagoina bogina kuvamoudi kidi madi nanamsa be madi yagoina yaidi goi go, kidi gogómana nakae yaidi goi guna guinuwa adi yagoina bogina kukaiwoduwedi. Tauna ayapaliyem.

Maki 13:19

Moitamo. Amo tutayana goi mou bei isowóduwo. Nakae Yaubada ina madagina kunu goi go, ima ame tuta geya tayaamo mou nakae. Aiyuwoina mou amo nakae geya tuwaina bei iisowóduwo.

Guinuwa 14:15

sidigo kadi, ‘Tawou, ame kaga koguuinuweko? Kai koroto; tomota komi nakae. Kita tavavasa! Kai Vala Dedevina kataalavaite yaimi. Komi imi yaubada polapolayao geya basabasaidimo kotugavilēdi go, Yaubada maa yawoina komēko. Unana Tauyana yábana, poyapoya, négwasa be nakae kaga liliuna sinaedi goi imadagidi.

Guinuwa 17:24

Yaubadayana boi nimatu poyapoya be kaga liliuna poyapoyayana sinaena be nakae yatana goi imadagidi. Tauyana yábana be poyapoya adi Tomoya. Tauna geya ikaiyaketa vada kimaasabaina tomota nimadi goi siiyowóidi geya.

Guinuwa 4:24

E sediyaoyadi sinove, nuwodi tayamo goi sikawanoi Yaubada yaina sidigo kadi, ‘Toolagaim, yábana, poyapoya, négwasa be nakae kaga liliuna sinaedi sikaaiyaka kom adi tomadágina.

Roma 11:36

Moe moitamo. Kaga liliuna Tauyana nimana goi sima, ina togaga goi sikaaiyaka be nakae dogoiyadi moe toinina manuna. Tauyana aba taimámina ame tuta nakae tuta simamaima! E nakae!

1 Korinta 8:6

go sem kita taayagoi Yaubada tayamo toito ikaaiyaka; Tauyana moe Tamada. Tauyana goi kaga liliuna sikaaiyaka nakae kita Tauyana manuna. Tayagoi Tomoya tayamo toito ikaaiyaka moe Yeisu . Tauyana nimana goi kaga liliuna sikaaiyaka nakae kita nimana goi takaaiyaka.

Epeso 3:9

be nakae nukotodi akimavadedi bei siyagoi Yaubada, Tauyana kaga liliuna ana tomadágina, manakaena ina nuwogau boi iivamou go, ame bogina ikaiwoduwe.

Iberiu 1:10

Aiyuwoina Natuna ilatuwoko idigo kana, ‘Tomoya, Kom aba vatowo goi poyapoya ame kumadagi; nakae yábana moe nimam ina madágina.

Iberiu 1:2

Ame tuta ana kaba lukavava Natuna goi ivadigoida. Natunayana ikinave bei kaga liliuna moe Tauyana ina kaba lovina. Nimana goi kaga liliuna imadagidi.

Iberiu 11:3

Ida numisa goi tayagoi Yaubada ina bóbwara goi kaga liliuna yábana be poyapoya imadagidi, tauna tagite geya tayaamo kaga ikabi bei dogoiyadi imadagidi, go sem ina bóbwara kaka goi dogoi taagitedi imadagidi.

Iberiu 3:4

Bogina koyagoi. Vada liliudi sikaaiyaka tomota siyowóidi go, Yaubada kaga liliuna adi toyówana.

2 Pita 3:5

Amo sibágala. Tauyadi sikadoinana ame manuna: Boi nimatu yábana bogina ikaaiyaka go, Yaubada ina livala goi bwae silamgógana, e poyapoya bwae goi ipóiya.

1 Iyoni 1:1

Tauyana aba vatowo goi go, ima ame tuta ikaaiyaka bogina kanove be kagite. Toinima matama toina goi kagite be nakae nimama goi kabisikone. Tauyana moe , Yaubada ina Livala yawoida vata manuna.

Nuwogau 10:6

ikanatamada Yaubada yoina goi; Tauyana Tokaiyako vata. Yábana, poyapoya, négwasa be nakae kaga liliuna sinaedi imadagidi. Ina kanatamadayana goi idigo kana, ‘Yaubada geya tuwaina iupavilavila,

Nuwogau 14:7

Livalayana niyana gagaina goi itaalavaite idigo kana, ‘Mami matoita Yaubada ina togaga ana kokamoitamōe! Takínona ana tuta bogina ima be tomota liliudi da poyapoya itakinoidi. Tauna kotugavīla go, Tauyana ina togaga ana káeyana kokamoitamōe! Tauyana yábana, poyapoya, négwasa be nakae bwae liliudi imadagidi, tuwo yaina kosakulūlu!’

Nuwogau 21:6

Tuwaina kana, ‘Amo bogina ikavava! Yau Totukumgo be Totumliya, Aba Vatowo be Aba Lukavava. Avatauwa neta dava sikámasa, bwae ma yawoina bei avinibesoidi.

Nuwogau 22:13

Yau Alipa be Omega, Totukumgo be Totumliya, Aba vatowo be Aba lukavava.

Nuwogau 3:14

Tuwaina Tauyana idigo kana, ‘Anerose ainima aiyuwoina Yaubada ana totugugunayao Laodiseya goi imatakaavatedi ana leta totugugunayadi manudi kugīni kam, “Yau Yeisu Aba Kamoitamo o kada, ‘Yau Totalavaita dókana be Mooitamoina, nakae Yaubada ina madaginao unadi.’ Ame nakae alatuwokoimi:

Nuwogau 4:11

‘Ima Tomoya Yaubada, Kaga liliuna kom kumadagidi be nakae im nuwonúwana pasina sikaaiyaka. Tauna itoboinem bei taimámina, wowoina be nakae togaga kubabanedi.’