2 Timoti 4:18 - Buki Kimaasabaina

¹⁸ Ida Tomoyayana guinuwa goyogoyoidi tamo tamo yaidi goi bei italigeigu be iyavegu imegu yábana goi iyatoigu. Tauyana aba taimámina ame tuta be nakae tuta simamaima! E nakae!

2 Timoti 4:18 ပူးပေါင်းရင်းမြစ်များ

Aba Vatowo 48:16

Boi Tauyana nakae vailai goi iyavegu. E guna kawanoi amo Yaubadayana yaina goi bego natumowo ikaipakuyedi, e bei tomota yau yoigu siyagoi be nakae tamagu Aisake be tubugu Eberamo yoidi siyagoidi gogomanayadi pasidi. E tutayana sisusáila, tubudiyao badabadaidi poyapoya ame goi.’

Madiu 13:43

E tuwo tokibóbwata bei sinínima níyala nakae Tamadi ina kalibúbuna sinaena. Avatauwa komi neta ma taaiyami, guna livala konoovedōko.’

Madiu 25:34

E tuwo tauyadi Tokalibúbuna kakataina goi bei ilatuwokoidi kana, “Komi Tamagu bogina ikaipaakuyemi kōma ina kalibúbuna sinaena goi dogoi dedevidi boi ikatootuledi bei ivinimi. Dogoiyadi boi poyapoya ana kaba vatowo goi bogina ikatubayasidi manumi.

Madiu 6:13

Neta taabu kutaagonēma bei vakakona goi kaakapusi, go sem goyo goi neta kuyavēma.”

Luke 11:4

Ima goyo neta kunuwotaōidi. Kai nakae tomota idi goyo liliudi yaima goi kanuwootaoidi. Neta taabu kutaagonēma bei vakakona goi kaakapusi.”’

Luke 12:32

Komi guna nakae. Geya kobadebadeta go, Tamada bogina ikinavemi bei ina kalibúbuna ivinimi. Tauna taabu koomatōita.

Luke 22:29

Tuwo Tamagu bogina ivayokoigu yau , e yau nakae avayokoimi komi tokalibúbuna yau taiyao.

Iyoni 17:15

Geya akawanoita bego guna tovatotowanayao poyapoya ame goi kukabidi, go sem akawanoi yaim bego kuyoisikavatedi bei Togoyoinayana geya itoboineyeta ibisikonedi.

Roma 11:36

Moe moitamo. Kaga liliuna Tauyana nimana goi sima, ina togaga goi sikaaiyaka be nakae dogoiyadi moe toinina manuna. Tauyana aba taimámina ame tuta nakae tuta simamaima! E nakae!

Roma 16:27

Yaubada anetava Tonanamsa aba taimámina Yeisu Guyau ina guinuwa goi ame tuta be nakae tuta simamaima! E nakae! Yau Paulo

1 Korinta 1:21

Ame moitamo. Yaubada mana nanamsa gagaina ina nuwonúwana iguinuwe, e da poyapoya geya itoboinedita toinidi idi nanamsa goi Yaubada siyagoi, tauna yaidi goi kerose valena ana taiyakeka geya ana yagoinamo. Go Yaubada mana uyáwana ilovina bego valayana kataalavaite goi kita ana tonumisayao iyaveda.

1 Korinta 10:13

Vakakona liliudi siimekoida moe tomota liliudi adi vakakona nakae. Go Yaubada . Geya kada tayaamo vakakona itagone bei itogagasaveda geya, go sem tutayana vakakona tababane, Tauyana bei aba siya tayamo ivatulukoida, e bei itoboineda tatogaga.

1 Korinta 15:50

E ame alatuwokoimi, segowo, bego sakava be ikaika geya itoboinedita bei Yaubada ina kalibúbuna goi sisiu. Moe nakae kaga idaudáura geya itoboineyeta bei ikaiyako vata.

2 Korinta 1:10

Tauyana aba vailai gagaidi goi iiyavema go, nava bei nakae iiyavema. Tauyana yaina kalotuta bego tuta liliuna bei iiyavema.

Galetiya 1:5

Tauyana aba taimámina ame tuta nakae tuta simamaima! E nakae!

1 Tesalonáika 5:23

E Yaubada, Tauyana tuboina unana, sinapu liliuna goi bei ikimasabedokoimi ame nakae: Yawoimi madabokina, nakae balomaimi, nuwomi be wowomi, iyoisikavatedi bei geya ami pikwanamo ana kadókana ida Tomoya Yeisu ikaluvilamna.

2 Tesalonáika 3:3

Go ida Tomoya , tauna bei ikitoogagemi be nakae ivabodeebodemi Togoyoinayana yaina goi.

1 Timoti 1:17

E Tokalibubuna vata geya ikamaseta nakae geya tagiteyeta. Tauyana anetava Yaubada. Ame Tauyana aba wowoina be aba taimámina ame tuta be nakae tuta simamaima. E nakae!

1 Timoti 6:16

Tauyana anetava ikaiyako vata be nakae mavada gagaina goi ikaaiyaka go, mavadayana goi kita tomota geya itoboinedeta tanoko. Tauyana boi geya tayaamo tuta tomota sigite go, ame geya itoboinedita sigite. Tauyana aba wowoina vata be nakae Tokalibubuna vata mana togaga. E nakae!

2 Timoti 1:12

Guna paisewayana pasina tauna ame guna mou ababanedi go, mouyadi pasidi ogu geya imaemaeta. Moitamo. Guyau Yeisu aanumise; Tauyana bogina aayagoi. Go ayagoidoko Tauyana itoboine Vala Dedevina boi inuumisegu bego aruugwausi bei iiyause ana kadókana maliyalina gagaina ima.

2 Timoti 4:1

Yaubada matana goi be nakae , Tauyana kidi tokámasa nakae kita maa yawoida ada totakínona, matana goi nakae ina sowóduwo ana tuta pasina be nakae ina kalibúbuna pasina akatuliwolem

Iberiu 11:16

Go nakae geya siguinuweyeta. E kidi latuwodi asa ituli, asayana moe yábana, e toinidi idi kasa idedevinasave. Tauna Yaubada geya iomaemaedita neta siduduwe kadi, ‘Kom ima Yaubada.’ Moe moitamo unana idi kasa bogina ikatubayasi, tauna tayagoi geya iomaemaedita.

Iberiu 12:22

E moe geya komi nakae geya, go sem komi bogina koma Saiyoni Koyaina goi. Moe Yaubada maa yawoina ina kasa o tadigo kada, ‘Yerusalema yabanina.’ Aiyuwoina bogina koma badabadaaidi guugunidi madi uyáwana yaidi goi.

Iberiu 13:21

Amo Yaubadayana yaina goi akawanoi bego kaga liliuna dedevina goi ikatubayasimi, bei itoboinemi ina nuwonúwana Yeisu ina vaita goi koguinuwedoko, e bei imi guinuwayana dedevina Tauyana matana goi. Yaubada aba taimámina ame tuta be nakae tuta simamaima! E nakae!

Yemesa 2:5

Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?

1 Pita 1:5

Yaubada , e ina togaga goi ikaliibodeda ada yava manuna; yavayana bogina ikatubayasi be tuta ana kaba lukavava goi ikaiwoduwe.

1 Pita 5:11

Tauyana ame tuta be nakae tuta simamaima! E nakae!

2 Pita 1:11

Neta moe nakae, e Yeisu Guyau, Tauyana ida Tomoya nakae ada Toyava, bei itagonedokoimi ina kalibúbuna vaatayaina goi kosiu.

2 Pita 3:18

E , Tauyana ida Tomoya be ada Toyava, ina kanuwóiya be ina nanamsa goi kobībina. Tauyana aba taimámina ame tuta be nakae tuta simamaima! E nakae! Yau Pita

Yuda 1:1

Komi Yaubada Tamada ina kinavayao bogina imatakoiyemi be nakae iyoisikavatemi ana kadókana ikaluvilamna ikabimi, Yau Yuda, be nakae Yemesa ana gómana toina, ame ami leta agini iwo yaimi.