2 Timoti 4:10 - Buki Kimaasabaina

¹⁰ Geya guna tovaitamo geya. Demasi kina poyapoya sinapuna nuwona ikobale, tauna ikalavegu ina Tesalonáika. Kina go Keresikesi ina Galetiya. Kina go Taito ina Dalimetiya.

2 Timoti 4:10 ပူးပေါင်းရင်းမြစ်များ

Madiu 12:32

Avatauwa neta Tomalatomota sitagiwoi, e adi nuwotao bei sibabane. Go avatauwa neta Baloma Kimaasabaina sitagiwoi, e adi nuwotao geya sibabaneyeta, ame tuta be nakae tuta imamaima.

Madiu 26:56

Go ame dogoiyadi madabokidi sisowóduwo bego Yaubada ina idi Gínina Kimaasabaidi simalatomotamna.’ E tuwo kai Yeisu ina tovatotowanayao liliuma Tauyana kakalave go, kasiya.

Luke 14:33

E tauna komi nakae. Itoboine sabokuli manuna konuwonúwana. Go neta geya kotagoneta bei konami liliudi kokalavedi, geya itoboinemita komalatovatotówana yau yaigu.

Luke 16:13

Geya tayaamo tomota itoboine bei ina tomoyayao adi taiyuwo manudi ipaisewa yuwoyuwo. Bogina koyagoi. Tayamo bei ikaolilive be nakae ikubuyeve go, tayamo imatakoiye be nakae yaina toinina ikasale. Tauna geya itoboinemita Yaubada be esaesa manudi kopaisewa yuuwoyuwo.’

Luke 17:32

Loti monena konuuwāisi kaga boi isowóduwo tauyana yaina.

Guinuwa 13:13

E Paulo ma senao asa Papo goi sikailova. Sikailova, silokoina sina Pampíliya dadavina goi sivaiu, sisou siyava sina asa Periga goi. E kina go Iyoni ikalavedi go, ikaluvila ina Yerusalema.

Guinuwa 15:38

Go kina Pauloyana ikatae idigo kana, ‘Geya. Tauyana boi Pampíliya goi ikalaveda, e geya ivaitedeta bego ida paisewa talukavave. Tauna tauyana geya takabiyeta, go sem ikaiyaka.’

Guinuwa 16:6

E Paulo ma senao sina Parugiya be Galetiya adi dadava sisiu asaidi goi siváupa. Tutayana sisowóduwo, bego sina Esiya ana dadava go, isanabodedi.

Guinuwa 17:1

E Paulo ma senao asa sikalave, situliya sina asa Ampipolisi be nakae Apoloniya goi siváupa sina Tesalonáika goi. Amoko goi tayamo ikaaiyaka.

Guinuwa 17:11

Ego ame Diyuuyadi Bereya goi taagonaidi; geya kada Diyuu Tesalonáika goi nakae geya. Diyuuyadi Bereya goi madi yala Tomoya Valena siuyaone ame nakae: Maliyalina tamo tamo goi Gínina Kimaasabaidi sikatuyaaividi sinuwonúwana; latuwodi sigitedoko Paulo ina livala moitamo gea geya.

Guinuwa 17:13

E tutayana kidi Diyuu Tesalonáika goi vala sinove bego Paulo ina Bereya goi Yaubada ina livala itaalavaite, sitaoya sina Bereyayana goi tomota sidumwamwainidi bego Paulo be Sailasi sivakaleyedi.

Guinuwa 18:23

Giyaina yawoina itowo Tomoya ana tonumisayao taiyao amoko goi ikaaiyaka. Ikavava, asa ikalave go, ina Galetiya ana dadava be nakae Parugiya ana dadava goi ivanibiníbita Yeisu ina idi numisa ikitogagedi.

2 Korinta 2:13

balomaigu geya itoboineyeta iwaiwasi unana siyagu Taito geya ababaneyeta bego italavaitemi. Tuwo geya akaiyaketa, go sem sedao Tarowasi goi akalavedi go, ama ameko Mesadoniya goi asiu bego Taitoyana nakona ameko goi avalobode.

2 Korinta 7:6

Mouyadi kalotowoidi go, Yaubada kina tonuwomou adi Tokipáiwala ikipaiwolema tutayana Taito isowóduwo yaima goi.

2 Korinta 8:16

Akauyagu Yaubada yaina unana Tauyana bogina Taito nukotona isanayato bei ina poisógana komi ami vaita manuna kai ima poisógana nakae komi yaimi.

2 Korinta 8:23

Taito kina neta tomota silumadade, kolatuwokoidi kami, ‘Tauyana Paulo ina tosavaiyuwo nakae taiyao sipaaisewa kita manuda.’ Go kidi sedao adi taiyuwokova neta tomota latuwodi siyagoidi, kolatuwokoidi kami, ‘Tauyadi Yaubada ana totugugunayao idi ana kaba taimámina.’

2 Korinta 8:6

Tuwo Taito kakatuliwole kadigo kama, ‘Da Korinta idi kanuwóiya, moe idi vininabeso, boi bogina kuvatowo yaidi, e nakae kuvaitēdi idi vininabesoyana ana lamgógana silukavave.’

Pilipai 2:21

Moitamo tauyana anetava. Boda liliuudi toinidi adi dedevina sisokikine go, Yeisu ina nuwonúwana manuna geya, tauna geya itoboineguta aetunedi siwo.

1 Timoti 6:10

Gwa. Esaesa talookonako moe goyo badabadaidi unadi. Tomota maniyedi esaesa manuna sikokoila, tauna vatulúkwana mooitamoina goi sisuláiga go, toinidi idi kokoilayana pasina ategeda gagaina bei sibabane.

1 Timoti 6:17

Kidi go poyapoya ana toesaesa ame tuta kuloviinaēdi taabu sinuuwatūe nakae idi esaesa taabu silotuutaēdi unana esaesayadi nava bei sikavava. Go sem Yaubada silootutāe, unana Tauyana tokaiguyau bei kaga liliuna ivinibesoida moe ida uyáwana manuna.

2 Timoti 1:15

Bogina kuyagoi bego tonumisa badabadaidi Esiya goi situgavilegu nakae sikalavegu. Yaidi goi adi taiyuwo moe Pugelo be Eramogene.

2 Timoti 4:16

Boi guna tasígina vakuumgoina kotu goi geya vatau tayaamo ima ivapisiyegu, go sem madabokidikova sikalavegu. Guna kawanoi Yaubada yaina bego tauyadi idi kalovayana geya inuwokavateyeta.

Taito 1:4

Taito, ida numisa tayamo pasina kom natugu toina nakae, e leta ame agini aetune iwo yaim. Tamada Yaubada be ada Toyava Yeisu idi kanuwóiya be idi tuboina bei sivinim.

Pilemoni 1:24

Maki, Aristako, Demasi be Luke nakae idi yabobona yaim; tauyadi Yeisu ina tosavaiyuwoyao yau taiyao.

2 Pita 2:15

Enao mooitamoina bogina sikalave go, sisuláiga unana Bosori natuna Balam ina kenao sisabookuliye. Tauyana esaesa guinuwa kapipiilovaidi goi nuwona ikabi.