2 Timoti 4:1 - Buki Kimaasabaina

¹ Yaubada matana goi be nakae , Tauyana kidi tokámasa nakae kita maa yawoida ada totakínona, matana goi nakae ina sowóduwo ana tuta pasina be nakae ina kalibúbuna pasina akatuliwolem

2 Timoti 4:1 ပူးပေါင်းရင်းမြစ်များ

Madiu 16:27

Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Luke 19:12

Idi nuwonuwanayana pasina tauna Yeisu idigo kana, ‘Tayamo koroto tomoya go, ina kasa goi ikaaiyaka ikatubayasi bei ina ituli ta dadava tupwana aduwanau goi. Amoko goi tolovina gagaina bei asa ina kalibúbuna iyato tomoyayana nimana goi. Ikavava, bei ikaluvilamna.

Luke 19:15

Ago tauyana alibúbuna ikabi. Ikavava, ikaluvila ima ina lobutu ana tolokoina ilatuwoko ina pakonayaoyadi iduduwedi sima bego iyagoi tauyadi boi mani ivinidi bogina siepaisewedi gea geya?

Luke 23:42

Tuwo togoyoinayana Yeisu ilatuwoko idigo kana, ‘Yeisu, kunuwokavatēgu tutayana im tuta kuetokalibúbuna.’

Guinuwa 10:42

Niga Tauyana ilovinaema bego kana tomota yaidi goi Valena katalavaite be nakae Tauyana kakamoitamoe bego kina Yaubada bogina ivayoko Tauyana tomota liliuda ada totakínona, kita maa yawoida be nakae tokámasa.

Roma 2:16

Nakae siguuinuwe ana kadókana takínona ana maliyalina goi tutayana Yaubada bei aanumise italavaite.

Kolose 3:4

Yawoidayadi moe Guyau. Tutayana isowóduwo, e kita nakae Tauyana taiyao tasowóduwo ana tomoeeyalina goi bei takaaiyaka.

2 Tesalonáika 2:8

Ikabi ikavava, e tuta amo goi kapipilovainayana bei ikaiwoduwe go, ida Tomoya Yeisu bei ibobwaramo, e kapipilovainayana ikaumate. Moeko goi ida Tomoya ina sowóduwo pasina kapipilovainayana ina togaga bei ikavava toina.

1 Timoti 5:21

Yaubada, kusabokuliyeedokōidi.

2 Timoti 1:10

E ame tuta bogina ivagitakoe kita yaida ada Toyava Guyau Yeisu ina sowóduwo goi. Guyauyana ámasa ana togaga itauwe go, Vala Dedevina ana talavaita goi yawana vata toina ikaiwoduwe yaida.

2 Timoti 2:14

Moe dogoiyadi tuta liliuna im tomotao yaidi kukavilevilēdi go, Yaubada matana goi kukatuliiwolēdi taabu sikaumaakimāki livala adi yagoina manudi. Livalayadi geya basabasaidimo be nakae totaiyakeka sigoyainedi.

2 Timoti 4:18

Ida Tomoyayana guinuwa goyogoyoidi tamo tamo yaidi goi bei italigeigu be iyavegu imegu yábana goi iyatoigu. Tauyana aba taimámina ame tuta be nakae tuta simamaima! E nakae!

2 Timoti 4:8

Tuwaina, guna vaiwówana bogina ikaaiyaka, ida Tomoya, Tauyana Totakínona kiboobosina, bei ivinigu. Vaiwowanayana moe yau kiboobosigu Yaubada matana goi. Ago yau aguta geya iviniguta, go sem avatauwa neta ina sowoduwoyana siyaledoko, e adi vaiwówana bei ivinidi.

Taito 2:13

Nakae taketōiya unana mada lotuta taatuyáwata dogoi tayamo ada dedevina manuna. Dogoiyana moe .

1 Pita 1:7

Moe mouyadi itoboinedi bego imi numisa ana kamoitamo bei isowóduwo. tomoeeyalina bei tasiuko be nakae iwowoineda gagaina.

1 Pita 4:5

Nava bei tauyadi kita maa yawoida be tokámasa adi Totakínona matana goi sitaoya idi sinapu sitalaseyanedi.

1 Pita 5:4

Neta nakae, tutayana Tomatakavata Toolagaina isowóduwo ima, bei imapumi be ami vaiwówana vaatayaina ivinimi. Ami vaiwowanayana moe ami dabayogigi esaaesaina aba taimámina nakae tovavalákuna sivinidi.

2 Pita 1:11

Neta moe nakae, e Yeisu Guyau, Tauyana ida Tomoya nakae ada Toyava, bei itagonedokoimi ina kalibúbuna vaatayaina goi kosiu.

2 Pita 1:17

Boi Tamana Yaubada wowoina be taimámina ivini tutayana níyana tayamo Tauyana ana káeyana tomoeeyalina goi kanove idigo kana, ‘Ame Tauyana Natugu, guna kakaya, auyaaonedoko.’

1 Iyoni 2:28

Natugowo, kokaaiyāka Yeisu yaina bego tutayana ikaluvilamna ima, matana goi mada katepatu geya taomaemaeta.

Nuwogau 1:7

Konōve! Tauyana gaota goi isou imamaima. Tomota liliudi, nakae kidi Tauyana ana toginubasinayao, bei sigite. Boda liliudi Tauyana manuna bei sitáiya. Moitamo! E nakae!