2 Timoti 3:16 - Buki Kimaasabaina

¹⁶ liliudi unadi moe Yaubada Balomaina. Tuwo Gininayadi ma basabasaidi. Nakae sivatulukoida, ida goyo sikamamaetalidi, sikitototoida be nakae kibóbwata manuna sikatubayasida

2 Timoti 3:16 ပူးပေါင်းရင်းမြစ်များ

Madiu 13:52

E Yeisu kana, ‘Dedevina. Imi yagoinayana pasina Yaubada ina tamo tamo neta Tokalibúbuna sisabokuliye, e tauyadi toni vada tayamo nakae; ina esaesa bogo be ina esaesa vau ikaiwoduwedi unana itoboinedi vatulukwana bogo be vatulukwana vau sivatulúkwana.’

Madiu 21:42

Kina Yeisu idigo kana, ‘Moe moitamo go, manakae? Ame tomwanayana Gínina Kimaasabaina goi konuuwaisi gea geya? Tomwanayana manuna idigo kana, “Gurewayana kidi toyówana siikatae bogina imalalasáuna. Ame Yauwe ina guinuwa go, guinuwayana moe aba kainaopa kita yaida.” Same 118:22-23

Madiu 22:43

Go kina Yeisu kana, ‘Neta moe moitamo, kaga unana kina Devida Guyau ikatomoyae? Boi nimatu Devida nukotona isanayato, tuwo idigo kana,

Madiu 26:54

Neta nakae aguinuwe, e Gínina Kimaasabaidi adi talavaita manugu manakaedi simalatomota? Geya. Tauna nakae geya aguinuweyeta.’

Madiu 26:56

Go ame dogoiyadi madabokidi sisowóduwo bego Yaubada ina idi Gínina Kimaasabaidi simalatomotamna.’ E tuwo kai Yeisu ina tovatotowanayao liliuma Tauyana kakalave go, kasiya.

Maki 12:24

Go kina Yeisuyana idigo kana, ‘Ame pasina komi kobágala: Gínina Kimaasabaidi geya koyagoidita be nakae Yaubada ina togaga geya koyagoiyeta!

Maki 12:36

Go boi nimatu Devida nukotona isanayato, tuwo idigo kana, “Yauwe ibóbwara guna Tomoya ilatuwoko kana, ‘Kūma wowoina basekoina kakataigu goi kutusōbu ana kadókana im kaleyayao avasobusoobuyedi kulovinaedi.’” Same 110:1

Iyoni 10:35

Bogina tayagoi Gínina Kimaasabaina geya itoboinedeta tatavivili. E tomotayadi boi Yaubada ina livala ivinidi, iduduwedi yaubadao,

Iyoni 3:20

Moitamo. Avatauwa neta goyo siguuinuwe, Mavadayana sikaolilive, tauna bei geya sisiuta, govila bei idi guinuwa itapasigidi.

Guinuwa 1:16

‘Segowo, itoboine imalatomota. Gininayana boi nimatu Baloma Kimaasabaina Devida nukotona isanayato, e Yudasa ina guinuwa igimitalavaitedi. Yudasayana boi Yeisu ana toyoitayao ivaitedi.

Guinuwa 18:25

Ame tauyana Tomoya ina yava ana kenao ina vatulúkwana bogina inove be nakae ikabi. Tauna mana salau kaga iiyagoi Yeisu manuna moe ivatulukwana dókana. Go Yeisu valena madabokina geya iyagoiyeta, go sem ina sayóyova tauna iyagoi.

Guinuwa 20:20

Geya tayaamo vatulúkwana imi numisa ana dedevina manuna avagagalakoimi. Tomota matadi goi be nakae amitava imi vada tamo tamo goi madabokina atalavaitedi yaimi be nakae avatulukoimi.

Guinuwa 20:27

Bogina koyagoi. Yaubada ina nuwonúwana madabokina atalavaite yaimi go, geya tayaamo kaga avagagalakoimi.

Guinuwa 28:25

E Diyuuyadi madi kaumakimaki sisáwala sina. Ego mainao Paulo ina bóbwara tayamo ilatuwokoidi idigo kana, ‘ boi nimatu tokabivalavala Aiseya goi ibóbwara moitamo tubumiyao yaidi go, komi ame tuta nakae.

Roma 15:4

Moe Gínina Kimasabainayana itoboinegu atalavaite. Kaga neta boi nimatu sigini, moe ada vatulúkwana manuna bego Gínina Kimasabainayana goi mada mesayágana be mada kipáiwala bei taalotuta.

Roma 2:20

Nakona konuwonúwana bego komi kidi totamogemoge adi tokitotótona, o komi kidi idi numisa gogómana nakae adi tovatulúkwana. Moe imi nuwonuwanayana unana Yaubada ana Nanamsa Mooitamoina madabokina ina Katukeda goi ikaaiyaka yaimi buki sinaena. Nakae imi nuwonúwana ae?

Roma 3:2

Kita Diyuu moe ada dedevina gagaina toina! Dogoi badabadaidi Yaubada iguinuwedi kita Diyuu yaida goi go, dogoi gagaina moe tubudao ikawoidi bei ina katótula Eberamo yaina sikabikaonedi be sitalavaitedi tomota liliudi yaidi.

Roma 4:23

E amo gininayana kana, ‘Ina numisayana ikamoitamoe’ go, moe geya kada Eberamo anetava manuna geya,

1 Korinta 12:7

E kita go tamo tamo Yaubada Balomaina ina togaga ana kiyakiyaya ivinida kita boda ada dedevina manuna.

Galetiya 3:8

E boi nimatu Yaubada bogina igimilovina bego goi Vala Dedevina igimitalavaite Eberamo yaina idigo kana, ‘Totuyoyowo liliudi poyapoya ame goi bei siyagoi kom goi .’ Aba Vatowo 12:3

2 Timoti 2:25

be nakae manukaida ida kaleyayao takitototoidi. Nakona Yaubada bei ivaitedi situgavila, e Yaubada ana Nanamsa Mooitamoina siyagoi

2 Timoti 4:2

Yaubada ina livala kutaalavāite mam katubayasi tuta ana toboine goi o nakona tuta geya ana toboinemo goi. Aiyuwoina mam mesayágana gagaina be mam vatulúkwana tomota idi goyo kukamamaetalīdi be tomota kubowōidi be kukipaiwolēdi.

Iberiu 11:1

E numisa kaga? Ame nakae: Takaaiyaka nakae neta Yaubada ina katótula talotuutaedi bogina simalatomota. Nakae kaga kaga Yaubada nava bei iguinuwedi ame tuta geya tagitedita go, ida numisayana Yaubada yaina moe guinuwayadi idi sowóduwo adi kiyakiyaya.

Iberiu 3:7

E idigo kana, ‘Ame neta Yaubada niyana konove,

Iberiu 4:12

Yaubada ina vala bogina taanove moe maa yawoina. Nakae maa myana be sisi nakae isosoina toina namlieta sisi liliudi sooinidi matadi aiyuwo nakae. Sisiyana itoboine isiu ina luluda sabalina goi be ada savi goi. E Yaubada ina livala nakae. Itoboine isiu ina nuwoda be balomaida goi. Tuwo itoboine nuwoda ina nuwonúwana be ina nuwogau idovatusidokoidi.