2 Timoti 3:12 - Buki Kimaasabaina

¹² E avatauwa kita neta latuwoda ida taiyao goi taaketoiya nakae Yaubada iuuyaone, e tomota goi mou bei tababane.

2 Timoti 3:12 ပူးပေါင်းရင်းမြစ်များ

Madiu 16:24

Tuwo kai Yeisu ina tovatotowanayao yaima goi idigo kana, ‘Avatauwa komi neta latuwomi bego kosabokuuliyegu, toinimi yawoimi kokaasalēdi be nakae toinimi imi kerose kokaavalēdi namlieta baige kōma kosabokuliyēgu.

Madiu 23:34

Ame pasina tauna tokabivalavala be tonanamsa be nakae Yaubada ina Katukeda ana tovatulukwanayao mooitamoidi bei aetunedi siwo yaimi. Maniyedi bei kokaumatedi, maniyedi bei kerose goi kotupatukoidi go, maniyedi imi kaba tugúguna goi bei kodabidi. Ago maniyedi asa tamo tamo goi sikaaiyako bei koyogedegededi.

Maki 10:30

e ame tuta goi ana katumapu ivakaigaga toina bei ibabane. Nakae vada, senao, niunao, sinanao, natunao be aba lovina go, moe mou taiyao bei ibabanedi. Ago tuta imamaima yawoina vata bei ibabane.

Iyoni 16:2

Imi kaba tugúguna goi bei sivatapiyemi kosiya. Go geya vatapiya kaka geya, go sem tuta tamo imamaima be maniyemi sikaumatemi go, idi nuwonúwana bego idi guinuwayana moe idi vininabeso sikasale Yaubada yaina.

Iyoni 16:33

Ame dogoiyadi bogina alatuwokoimi bego yau goi tuboina kobabane. Poyapoya ame goi mou bei kobabanedi go, kokatepātu! Ame poyapoyayana ana togaga yau bogina atogagasave.’

Iyoni 17:14

Im livala yau bogina avinidi, e sinumise, tauna kidi da poyapoya sikaolilivedi unana tauyadi geya siebodeta tayamo da poyapoya yaidi goi nakae yau geya aebodeta tayamo yaidi goi. Tauna da poyapoyayadi sikaolilivedi.

Guinuwa 14:22

Ame asayadi tamo tamo goi Yeisu ina tovatotowanayao sikitogagedi. Nakae atedi sivapatupatudi Yaubada ina yava ana kenao goi sitaoyakavata. Silatuwokoidi sidigo kadi, ‘Mou badabadaidi itoboineda tababanedi bei goi tasiu.’

1 Korinta 15:19

Neta ida lotuta Guyau yaina moe tauna ame tuta ma yawoida manuna go, geya tayaamo kaga nava bei tababane, e itoboine bei tomota liliudi sigiteda kita aba nuwokapisi gagaina.

2 Korinta 1:12

Moitamo itoboinema kakawanoi yaimi bego kokawanoi manuma. Ima uyawana gagágasa goi nukotoma geya isabutukoidita go, ima uyawana gagagasayana moe ame: Bego Yaubada pasina ima sinapu da poyapoya yaidi moe mooitamoina be maavadaina go, moe gagaina toina komi yaimi goi. Go ima sinapuyadi geya kada poyapoya ana nanamsa goi geya, go sem Yaubada ina kanuwóiya yaima goi.

2 Korinta 4:9

Tomota siyogedegedema go, Yaubada geya ikalavemeta. Madi láuwo sivatupuwema go, geya sikaumatemeta.

1 Timoti 2:2

Aiyuwoina tolovina be tomota madi lovina manudi kokaawanōi bego yawoida goi mada tuboina be mada sakululu takaaiyaka ame nakae: Ida sinapu nakae yábana sinapuna be nakae aba wowoina.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

1 Timoti 6:3

Avatauwa neta ituli ta vatulúkwana sivaatulúkwana be nakae ida Tomoya Yeisu valena moitamo be nakae yábana sinapuna geya sisabokuliyedita,

Taito 1:1

Taito, Yau Paulo, Yaubada ina siyagoidoko. Nanamsayana goi tayagoi manakaeda bei yábana sinapuna goi taketoiya.

Taito 2:12

Anuwoiyayana ivatulukoida bego ida kaoliliwo Yaubada yaina be nakae poyapoya sinapuna ana yalagau takalavedi go, tuta ame taketoiya ame nakae: Ida sinapu takabikuunuidi, taakibóbwata go, taaketoiya nakae Yaubada iuyaone.

1 Pita 3:14

Go sem neta moitamo yogedegedemi unana komi nuwona ana tokibobwatayao, e tuwo ami dedevina bogina kobabane. Aiseya ina bóbwara koguinūwe; tauyana idigo kana, ‘E kaga simaatoite, taabu komatooitēdi; nakae taabu kokaateyōva.’ Aiseya 8:12

2 Pita 3:11

Amo dogoiyadi madabokidi Yaubada bei imtulidi amo nakae, tauna kita ava sinapu itoboineda? Ame nakae: Itoboineda ida sinapu kimaasabaina nakae yábana sinapuna goi taaketoiya

Nuwogau 12:4

Yuyuna ikaulagasi utuna liliudi yábana osasaina dadava tayamo goi igolisidi, ilavedi sisou poyapoya goi sitowo go, utuna dadava aiyuwo goi dedevidi. Vavinayana giyakainava ivenátuna go, matana goi iya gigimetayana itaoya iituyáwata bego tutayana vavinayana natuna iveenatuni, itoboine ikanisave.

Nuwogau 7:14

‘Guna tomoya, kom bogina kuyagoi’, kaegu. Tauyana idigo kana, ‘Amo tauyadi mou gagaina ana tuta goi sitogaga. Adi kwama maanawedi Lamiyana ikaikaina goi bogina sinikidi sipopowou.