2 Timoti 2:6 - Buki Kimaasabaina

⁶ Ava tobágula neta ipoisógana, itoboine keuwokumgo igimikabi. Kom nakae kupoisōgana bei am vaiwówana kubabane.

2 Timoti 2:6 ပူးပေါင်းရင်းမြစ်များ

Madiu 20:1

Tuwaina kana, ‘Moe moitamo. Vaiwówana ana kaiguyau ituli aiyako sinaena goi. Aiyakoyana tétala ame nakae: Koroto tayamo ikaaiyaka, tauyana toni poyapoya. E nobuyana nava matagougouna itaoya ina asa goi topaisewa ilusala bei ina tanuina goi sipaisewa.

Madiu 25:16

Pakoninayana boi mani 5,000 ivinivini ikabidi ina ivaituwedi. Ina vaituwoyana goi mani 5,000 tuwaina ibabanedi.

Luke 10:2

E livalakaibala goi ilatuwokoidi idigo kana, ‘Tánuwo bogina iloboina go, todibayoya geya sibadebadeta. Tauna toni tánuwo yaina goi kokawanōi bego topaisewa ietunedi sima sidibayoya.

1 Korinta 9:23

E kaga liliuna aguuinuwe, moe Vala Dedevina ana sanúnuwo manuna aguinuwe bego agu kawoi goi Vala Dedevina ana talavaita asiuko.

2 Timoti 2:7

Ame guna livalayadi manudi kunuwolelēu. Neta nakae kuguuinuwe, ida Tomoya nanamsa kaga liliuna manuna bei ivinim.

Iberiu 10:36

Neta latuwomi ami vaiwowanayana kobabane, itoboinemi komesayágana bego tutayana Yaubada ina nuwonúwana bogina koguinuwe, kaga ikaatotule bei kobabane.

Iberiu 6:7

Poyapoya neta kúwana isou inim, vévana bei sitabo namlieta dibayoya basabasaina isowóduwo tobágula manudi, e moeko goi poyapoyayana Yaubada bogina .