2 Timoti 1:8 - Buki Kimaasabaina

⁸ E tauna taabu om imaayamāya ida Tomoya Yeisu valena kutaalavaite. Aiyuwoina ida Tomoyayana valena ana talavaita pasina yau deri ana tokaiyaka go, tuwo taabu kuomaeemāegu, go sem Yaubada ina togaga goi guna mou ana talavaita manuna kusīuko.

2 Timoti 1:8 ပူးပေါင်းရင်းမြစ်များ

Maki 8:38

Moitamo. Ame tuta boda Yaubada situgavile be nakae kidi goyo sinadi go, avatauwa neta omayamaya pasina yau silawoiwoiyegu be nakae guna livala silawoiwoiyedi, nava tutayana Tomalatomota Tamana ana kimaasabaidi taiyao, e nakae bei ilawoiwoiyedi.’

Luke 9:26

Moitamo. Avatauwa neta yau silawoiwoiyegu be nakae guna livala silawoiwoiyedi, nava tutayana Tomalatomota bei ima ana kimaasabaidi adi káeyana tomoeeyalina ivagiitakoedi, e nakae bei ilawoiwoiyedi.

Iyoni 15:27

E yau guna paisewa ana kaba vatowo goi ima ame tuta komi taiyao takaaiyaka, tauna komi nakae bei kotalavaitegu.’

Iyoni 19:35

Yau amo toinigu matapoinigu goi agite, e atalavaite yaimi. Ago guna talavaitayana mooitamoina. Abóbwara moitamo bego komi nakae Yeisu konumise.

Guinuwa 5:41

Tauna kidi vamoleyanayaoyadi kotu goi sisowóduwo go, siuyáwana bego Yeisu yoina pasina itoboinedi omayamaya dábina goi sibabane.

Roma 1:16

Moitamo, guna nuwonúwana bego Vala Dedevinayana atalavaite yaimi. Valayana manuna geya aomaemaeta. Valayana moe Yaubada ina togaga tonumisa liliuda ada yava manuna! Yavayana moe mainao kita manuda namlieta komi Totuyoyowo manumi.

Roma 16:25

E Yaubada tayapalīye! Tauyana itoboine ikitogageda nakae valena ataalavaite. Valayana unana moe Yaubada ina nuwogau boi nimatu go, ima ame vamoounina.

Roma 8:36

Moe nakae Devida Yaubada ilatuwoko goi idigo kana, ‘Kom manum maliyalina tamo tamo ámasa matama goi. Tomota idi sinapu kai yaima goi moe nakae kai nakae bego sikaumatema.’ Same 44:22

Roma 9:33

Moe nakae Gínina Kimaasabaina goi Aiseya Yaubada ina livala italavaite idigo kana, ‘Konovēgu. Saiyoni goi Gurewa tayamo ayato; gurewayana aba sapákwana nakae aba satupe. Go avatauwa neta Tauyana sinumise, Yaubada bei geya igieomaemaedita.’ Aiseya 28:16; 8:14

1 Korinta 1:6

Moe ayagoi unana guna talavaita Guyau manuna Yaubada ikamoitamoe yaimi goi.

2 Korinta 6:7

mama bóbwara mooitamoina be nakae Yaubada ina togaga goi. Tuwaina ima paisewayana kaguinuwe ame nakae: Mama kaipíyama nimakakataima be nimakekelima goi. Ima kaipiyamayadi moe Yaubada ina kibóbwata ina manuna.

Epeso 3:1

Moe Yaubada ina guinuwayadi liliudi pasidi akawanoi Tauyana yaina. Yau Paulo, nuumisaimi manumi.

Epeso 3:13

Tauna akawanoi yaimi guna mou komi manumi goi taabu atemi siitamēya unana guna mouyadi alootowoidi komi ami taimámina manuna.

Epeso 4:1

Tauna, guna ida Tomoya taiyao pasina yau deri ana tokaiyaka, e komi boi Yaubada iduuduwemi toinina ina bodao akatuliwolemi bego kooketōiya nakae ina bodao itoboinedi siiketoiya. Ame nakae:

Epeso 4:17

E ame alatuwokoimi be nakae guna spwagógana ida Tomoya taiyao pasina akatumatalimi: Geya tuwaina kidi geya sinumiseta idi ketoiya nakae kooketoiya. Tauyadi idi nuwonúwana geya basabasainamo.

Pilipai 1:7

Moe nakae guna nuwonuwanayana liliumi manumi ana toboine unana komi ategu. Yaubada ina kanuwóiya boi ivinigu bei apaisewa go, guna paisewayana bogina kosiuko tutayana paisewayana pasina deri goi akaaiyaka o guna tuta kotu goi Vala Dedevina ana tagíwaya avaboodebode nakae Valayana akamooitamoe.

Pilipai 3:10

E yau Guyau goi akaaiyaka, e bei Tauyana ayagoidoko ame nakae: Ina togaga yawoigu goi aalotowo; togagayana moe nakae Yaubada ina togaga goi Yeisu ikaitáoe. Aiyuwoina latuwogu ina gedageda asiuko bei ina kámasa goi atapate,

Pilipai 4:13

Nakae adige unana ame: Ame aiyakoyadi liliudi alootowoidi go, yau guna spwagógana Tauyana ikitoogagegu taiyao pasina itoboinegu amesayágana.

Kolose 1:11

ina togaga madabokina goi ikitogagemi nakae ana tomoeeyalina ana togaga ana kakainaki. Moe nakae bego itoboinemi tuta liliuna imi egamogamogu manukaina, kotaoyaakavata nakae ina togaga ana kakainaki be mami uyáwana

Kolose 1:24

Ame tuta guna gedageda komi ami dedevina manuna abaabanedi auyaaonedi unana gedagedayadi goi bei itoboinegu kaga boi bogina igimilovina tonumisayao ida gedageda ana kakainaki manuna yau wowogu goi alukavavedi Tauyana wowona manuna. Wowonayana moe kita Yeisu ana totugugunayao.

1 Tesalonáika 3:4

Kai nakae. Boi tutayana yaimi goi kakaaiyaka, kagimikatumatalimi bego giyakainava mou ida numisa pasina bei tavalobodedi, e nakae bogina siisowóduwo, nakae bogina kooyagoi.

1 Timoti 2:6

Toinina ámasa goi ikasale, liliuda ada katumapu. Moe nakae itateteda be italigeida. Mae kiyakiyaya tayamo Yaubada ina tuta ana toboine goi ivinida bego latuwona liliuda iyaveda.

2 Timoti 1:10

E ame tuta bogina ivagitakoe kita yaida ada Toyava Guyau Yeisu ina sowóduwo goi. Guyauyana ámasa ana togaga itauwe go, Vala Dedevina ana talavaita goi yawana vata toina ikaiwoduwe yaida.

2 Timoti 1:12

Guna paisewayana pasina tauna ame guna mou ababanedi go, mouyadi pasidi ogu geya imaemaeta. Moitamo. Guyau Yeisu aanumise; Tauyana bogina aayagoi. Go ayagoidoko Tauyana itoboine Vala Dedevina boi inuumisegu bego aruugwausi bei iiyause ana kadókana maliyalina gagaina ima.

2 Timoti 1:16

Ago Onesiporo geya iomaemaeta yau guna kaiyaka deri goi pasina, go sem tuta liliuna yawoigu ilisilisi. Tauna guna kawanoi ida Tomoya yaina bego Onesiporoyana mana bodayauwo inuwokapisiyedi.

2 Timoti 2:3

Guna mou goi kusiukōigu nakae kom Yeisu ina tovayaviya dedevim itoboinem.

2 Timoti 2:8

Devida tubuna Yeisu yau ataalavaite.

2 Timoti 2:9

Valayana pasina guna mou abaabanedi, e seni goi siyowóigu nakae neta yau tokapipilova tayamo go, geya vatau tayaamo itoboine Yaubada ina livala ana talavaita seni goi iyowo.

2 Timoti 4:17

E kina go ida Tomoyayana iitaoya yau taiyao, ikitogagegu bego Vala Dedevina atalavaitesave, e tobuna goi iyavegu.

2 Timoti 4:5

E kom sem kaga liliuna goi toinim kukabikuunuīm. Mou kubaabanedi im paisewa pasina goi kuutogāga. Vala Dedevinayana ana totalavaita ana paisewa kuguuinūwe. Kom Yaubada ina topaisewa, tuwo paisewayana boi bogina ivinim kuguuinūwe.

1 Pita 1:5

Yaubada , e ina togaga goi ikaliibodeda ada yava manuna; yavayana bogina ikatubayasi be tuta ana kaba lukavava goi ikaiwoduwe.

1 Iyoni 4:14

Kai toinima matama goi Yaubada Natuna bogina kagite, e yaimi kataalavaite bego Natunayana ivamoleye ima poyapoya ame goi, Tauyana ada Toyava.

Yuda 1:24

E Yaubada itoboine iyoisikavatemi, e bei goyo goi geya kokapusita. Nakae itoboine geya ami pikwanamo imemi ana tomoeeyalina goi mami uyáwana ivataoemi.

Nuwogau 1:2

Yaubada ina livala, moe Yeisu Guyau ina talavaita, atalavaite, e nakae kaga liliuna aagitedi atalavaitedi.

Nuwogau 1:9

Yau Iyoni, siyami be nakae imi tosavaiyuwo ida Yeisu taiyao pasina ame nakae: Ada gedageda tayamo, ida Tomoya ina kalibúbuna goi taiyao takaaiyaka be nakae ida mesayágana tayamo ida mou pasina. E, boi tomota siyoisigu, sinavegu simla Patimo goi sikaisobuyegu akaaiyaka unana Yaubada ina livala, moe Yeisu ina talavaita, ataalavaite.

Nuwogau 12:11

Towowokanayana kidi bogina sitogagasave ikaikaina pasina be nakae Yaubada ina livala sitaalavaite pasina. Yawoidi manudi nuwodi geya iyoiyeta, go sem sikasaledi ámasa goi.

Nuwogau 19:10

Tuwo aneroseyana aena goi aegu avatugúyala be yaina asakululu go, ilatuwokoigu idigo kana, ‘Moe nakae geya! Yau goi ima go, Balomayana nakae tokabivalavala nukotodi isanayatoidi valayana sitalavaite. Tauna kom be yau vala tayamo ana totalavaitayao tavavasa.’