2 Tesalonáika 3:4 - Buki Kimaasabaina

⁴ Ago ida Tomoya yaina kanumisa komi manumi bego kaga kaloviinaemi ame tuta be nakae tuta simamaima bei koguuinuwedi.

2 Tesalonáika 3:4 ပူးပေါင်းရင်းမြစ်များ

Madiu 28:20

Lovina liliuna bogina avinimi kovatulukōidi sikabikaonedi. Go konōve. Yau komi taiyao tuta liliuna, ame tuta go, nakae tuta ana kaba lukavava.’

Roma 15:14

E segowo, yau toinigu bogina ayagoidokoimi bego komi sinapu dedevina goi kayaaodaimi nakae numisa ana nanamsa goi bogina kokayaoda be nakae itoboinemi toinimi kokatusinapumi.

Roma 15:18

Bogina koyagoi. Kaga boi Guyau iepaaisewegu bego Totuyoyowo Yaubada sikabikaone, e moe magu katepatu atalavaiteyamo. Ina epaisewayana moe guna bóbwara goi be guna guinuwa goi,

Roma 2:7

Avatauwa neta madi mesayágana be madi guinuwa dedevidi Yaubada ina taimámina be ina wowoina be aiyako vata sisokiikinedi, e yawoidi vata bei sibabane.

1 Korinta 14:37

Avatau komi yaimi neta inuwonúwana bego tauyana tokabivalavala o Baloma Kimaasabaina ina tomota, guna livala ikināne bego ame dogoiyadi aaginidi moe ida Tomoya ina lovina.

1 Korinta 7:19

Sakava ana kúpwana moe dogoi besobeso. Sakava geya ana kupwanamo nakae, moe dogoi besobeso, go sem dogoi gagaina moe Yaubada ina lovina takabikaonedi.

2 Korinta 2:3

Nakae alovina, tauna boi nakae ami leta goi agini, govila bei ao kogienuwomouyegu. Ago itoboine komi kovauyaonegu! Bogina boi anumisa madabokimi yaimi bego yau guna uyáwana bei ivauyaonemi.

2 Korinta 2:9

Moitamo nakae itoboinemi. Moe nakae boi letayana agini aetune iwo unana ame: Bego avakakonemi be ayagoi neta kaga liliuna alatuuwokoimi kokabikaonegu o geya.

2 Korinta 8:22

E siyada tayamo tuwaina kidi Taito taiyao bei kaetunedi siwo. Tuta badabadaina tauyana ina sinapu liliuna kadovatusiye, e bogina kayagoi mana poisógana Yaubada ina paisewa iguinuwedi. Ego ame tuta mana poisógana gagaina latuwona iwo unana inumisemi bego vininabesoyana goi kovaita.

Galetiya 5:10

Guna ida Tomoya yaina pasina alotowoimi ituli ta nuwonúwana bei geya koyoisikavateyeta. Tauyana ina tamyábina goi nukotomi ikiwoowonidi, Yaubada ina liuna bei ibabane.

Pilipai 1:6

Aitonina guna kauyaguyana unana ame ayagoidoko: Bego Yaubada ina tokuma dedevina boi nuwomi goi ivatowo, bei iitokume ana kadókana tokumayana ana kalaitúwana isowóduwo yaimi tutayana Yeisu ina tuta ima.

Pilipai 2:12

Tauna guna kaloyao, boi tuta liliuna kokabikaaonegu, e ame tuta nakae go, imi kabikawanayana geya kada guna kaiyako yaimi pasina kokaabikáwana geya, go sem geya akaiyaketa yaimi goi go, imi kabikawanayana kokidedēde. Nakae bogina kokabikáwana mami matoita be mami malitatátava Yaubada matana goi toinimi ami yava keuwoina kovagitakōe.

2 Tesalonáika 3:12

Avatauwa yaimi neta imi sinapu nakae, e ida Tomoya Yeisu yoina goi kalovinaemi be nakae kakatuliwolemi mami tuwowonuwa kopaaisēwa toinimi avami manuna.

2 Tesalonáika 3:6

E ida Tomoya yoina goi kalovinaemi bego avatau neta suumoyaina be nakae vatulúkwana boi kavatuulukoimi geya isabokuliyeyeta, e tauyana kovasiyaasiyāe.

Pilemoni 1:21

Ayagoi sopagu bei kwabikaone. Moe pasina leta ame agini unana ayagoi moitamo guna nuwonúwana bei kuguinuwe go, ayagoi bei kukidedededi!