2 Tesalonáika 3:2 - Buki Kimaasabaina

² Aiyuwoina kokaawanōi bego tomota toogoyoidi goi Yaubada iiyavema. Bogina kooyagoi. Tomota badabadaidi geya idi numisamo, tauna idi sinapu sigoyo yaima.

2 Tesalonáika 3:2 ပူးပေါင်းရင်းမြစ်များ

Madiu 17:17

Go kina Yeisuyana idigo kana, ‘Komi tomota manakae? Manakae? Komi numisa geya be nakae dabami sikasa ae? Tuta maanawena taiyao bogina takaaiyaka go, ava tuta bei konumisedokoigu? Tuta maanawena imi dabakasa bogina aatogage, tauna ava tuta bei konovegu? Tuwo, gomanayana kōme!’

Madiu 23:23

Komi ana tovatulukwanayao be Parisi, Atukedayana bogina komatakavaatedoko. Nakae imi vininabeso pai, minta be dira be nakae kumina bogina Yaubada koviinibeso go, moe guinuwa giyaiina. Go guinuwa gagaidi Yaubada ina Katukedayana goi bogina kokalavedi. Guinuwa gagaidiyadi moe kivavasa, nuwokapisi be aba numisa. E itoboine guinuwayadi gagaidi be giyaidi madabokina koguinuwedi. Tauna komi todedevimi polapola! Oo komi Parisi ami toovalugo ae?

Luke 18:8

go, ame alatuuwokoimi konōve: Bei itakinodokoidi bego kidi mooitamoidi. Ago niga kina ima poyapoya goi tomota madi numisa bei ibabanedi gea geya?’

Guinuwa 13:45

E kidi go Diyuu adi tovakumgoyao sikaaiyaka sigite boda gagaina latuwodi Paulo ina livala sinove, tuwo sivakiipikipi gagaina, e madi tagíwaya Paulo ina livala sikauboodebode.

Guinuwa 13:50

E kidi go Diyuuyadi sitaoya Yaubada ana totaimaminayao moe asayana ana giyovilao be nakae ana tomoyamoyayao sidumwamwainidi, e Paulo be nakae Banabasi sivakaleyedi go, idi dadava goi sivatapiyedi sisiya.

Guinuwa 14:2

E tuwo kidi go Diyuu maniyedi geya sinumiseyeta sitaoya Totuyoyowo maniyedi sidumwamwainidi be nakae nuwodi sikobaledi bego Yeisu ina tonumisayao siyogedegededi.

Guinuwa 17:5

Go kidi Diyuu maniyedi sivakipikipi. Tuwo sina aba maketi goi maniyedi koroto toogoyoidi be nakae suumoyaidi sitaligogoidi sina asa goi tomota sidumwamwainidi, e Paulo be Sailasi pasidi tomota asa simgae. Tuwo sima Yasoni ina vada goi Paulo be Sailasi silusaledi. Vada ana niboda sikauguyali isou, e sisiu bego siyoisidi sikaiwoduwedi sinavedi asa ana tolovinao yaidi kotu manuna

Guinuwa 25:27

Bogina koyagoi. Neta tomota yoowonina aetune ina Sisa goi go, ana wowókana geya aetuneyeta, Sisayana manakaena bei ana wowokanayana iyagoi? Anuwonúwana moe yaluwo.’

Guinuwa 28:24

Go ina bóbwara goi maniyedi itamyabidi sinumisa go, maniyedi geya sinumiseta.

Roma 10:16

Valayana tomota liliudi sinove go, maniyedi geya sikabikaoneyeta. Moe nakae Aiseya ina livala. Tauyana idigo kana, ‘Yauwe, Geya vatau tayaamo talavaita ina pakonayana manuna kanove bei inumise.’ Aiseya 53:1

Roma 15:31

Kokawanōi bego Diyuu geya idi numisamo Yudiya goi yaidi Yaubada bei iyavegu be nakae guna vaita o tadigo kada, ‘Boi Totuyoyowoyadi idi vininabeso’ Yaubada ina kimasabayao Yerusalema goi bei siuyaone.

1 Korinta 15:32

Boi Epeso goi akaaiyaka go, tomota woiwoi nakae avayaviyedi go, kita tomota ida nuwonúwana goi moe kaga kaaigiyana? Geya. Neta kita tonumisa nava bei ámasa goi geya tataoyamneta, ame tuta itoboine ida sinapu nakae tomota maniyedi idi bóbwara kadi, ‘Mada uyáwana takāika be tanīm! Itomo nakona bei takámasa.’ Aiseya 22:13

1 Tesalonáika 2:18

unana latuwoma bego kakaluvilamna kao yaimi. Yau Paulo sivavina nakae toinigu apoikíkina bego awokoimi! Latuwoma kao go, Kaleya isanabodema, tuwo geya kawoita. Go moitamo latuwoma bego kagitemi.

2 Timoti 4:17

E kina go ida Tomoyayana iitaoya yau taiyao, ikitogagegu bego Vala Dedevina atalavaitesave, e tobuna goi iyavegu.