2 Tesalonáika 3:1 - Buki Kimaasabaina

¹ Semao, kokaawanōi manuma bego kai itoboinema ida Tomoya Valena katagaegae go, tomota sinove, bei sikilagasi be sinumise nakae komi boi konumise.

2 Tesalonáika 3:1 ပူးပေါင်းရင်းမြစ်များ

Madiu 9:38

Tauna toni tánuwo yaina goi kokawanōi bego topaisewa ietunedi sima sidibayoya.’

Luke 10:2

E livalakaibala goi ilatuwokoidi idigo kana, ‘Tánuwo bogina iloboina go, todibayoya geya sibadebadeta. Tauna toni tánuwo yaina goi kokawanōi bego topaisewa ietunedi sima sidibayoya.

Guinuwa 12:24

Go Yaubada ina livalayana tuwaina itogaga. Yeisu ina tonumisayao sina livalayana tuwaina sisanunui, tauna tauyadi idi boda tuwaina ibadabada.

Guinuwa 19:20

Moe nakae Tomoya valena tuwaina isagayaakodoko go, boda siinumisa valayana myana silotowo.

Guinuwa 6:7

Tuwo Yaubada ina livala tuwaina inunúnuwo, e Yeisu ina tovatotowanayao Yerusalema goi tuwaina sibaadabada gagaina. nakae; badabadaaidi Yeisu valena sinovenove, siinumise.

Roma 15:30

E segowo, ida Tomoya Yeisu goi akawanoi makimaki yaimi mami salau guna mou kosiuko be yau manugu kokawanoi Yaubada yaina.

1 Korinta 16:9

Ameko Yaubada ina kaleyayao badabadaidi sikaaiyaka go, tuwo totom bogina ikatupáeve bei itoboinegu atalavaite, e tomota sinumise.

2 Korinta 1:11

Komi nakae imi kawanoi goi kosiukōima. Latuwoma bego tomota badabadaidi sikauyagu Yaubada yaina ina kaiguyau yaima manuna; aiguyauyana moe tomota badabadaidi idi kawanoi pasina.

2 Korinta 13:11

Segowo, kouyāwana! Semiyao kokabivekovekomnēidi. Semiyao kokipaiwolēdi. Mami nuwovavasa. Kotubōina. Neta moe sinapuyadi koguuinuwedi, Yaubada, Tauyana be tuboina unadi, yaimi goi bei ikaaiyaka.

Kolose 4:3

Kai nakae manuma kokaawanōi bego Yaubada ina livala ana kenao tayamo ikatupáeve manuma, e bei itoboinema valena boi vamoounina katalavaite tomota yaidi. Guyau ana talavaitayana pasina yau deri goi akaaiyaka.

1 Tesalonáika 1:5

Ami kinavayana kaayagoi unana tutayana ikamoitamoedoko yaima goi. Moe bogina kooyagoi unana kai boi kakaaiyaka yaimi goi, e ima guinuwa madabokina bogina kogite moe ami dedevina manuna.

1 Tesalonáika 1:8

Moitamo, komi aba gita tayamo. Komi goi ida Tomoya valena isagayako geya kada Mesadoniya be Akeya kaka goi geya, go sem imi numisayana Yaubada yaina valena bogina isagayako asa liliudi goi! Tauna geya itoboineyeta imi numisa manuna katalavaita.

1 Tesalonáika 2:1

Moe guna livalayadi moitamo, semao. Komi nakae konuwaisi boi ima sowóduwo yaimi goi moe geya kada mama yalagau goyogoyoidi geya,

1 Tesalonáika 2:13

Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.

1 Tesalonáika 4:1

E tuwaina ima nuwonúwana maniyedi sikaaiyaka. Segowo, boi kavatulukoimi manakaemi itoboinemi kooketoiya be nakae Yaubada kovaauyaone, e nakae bogina koguuinuwe. Go ame kakawanoi yaimi be nakae ima taiyao pasina kakatuliwolemi tuwaina nakae koguinuwevilevīle.

1 Tesalonáika 5:17

Imi kawanoi Yaubada yaina taabu koosayāta.

1 Tesalonáika 5:25

Segowo, manuma kokaawanōi.

2 Timoti 2:9

Valayana pasina guna mou abaabanedi, e seni goi siyowóigu nakae neta yau tokapipilova tayamo go, geya vatau tayaamo itoboine Yaubada ina livala ana talavaita seni goi iyowo.