2 Tesalonáika 1:9 - Buki Kimaasabaina

⁹ Tomota amo tauyadi nakae Yaubada ina liuna bei sibabane. Liunayana moe sivailai vata. Nakae ida Tomoya matana goi be ina togaga ana goi itavileiyevataedi.

2 Tesalonáika 1:9 ပူးပေါင်းရင်းမြစ်များ

Aba Vatowo 3:8

Sigíluma ikavava, lavilavi Yauwe Yaubada aena butukáona sinove tánuwo goi ivaabebeo. Tuwo kidi alova nauyayanaidi goi sivatamtamumuye.

Aba Vatowo 4:16

E Keni itaoya Yauwe matana goi isowóduwo ina asa yoina Nodi; moe Ideni bomatu dadavina.

Madiu 16:27

Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Madiu 22:13

E tuwo kina go tokalibubunayana ina tovaitayao ilatuwokoidi idigo kana, “Kōma ame tauyana koyōisi, aena be nimana koyowōidi. Ikavava, kokābi kolāve ina moetala mamaníwana goi ikaaiyaka. Amoko goi tomota bei sitaiya vata be nakae saladi sikakaavatedi simatamaimaita.”

Madiu 24:30

Amo tutayana bei Tomalatomota ina kaluvilamna ana kaba kinana yábana osasaina goi isowóduwo. Go amo tutayana bei boda liliudi poyapoya ame goi madi nuwomou sitáiya. Ago Tomalatomotayana bei sigite yábana geleoina goi imamaima ina togaga be nakae ina tomoéyala gagaina ana bei ivagitaakoedi.

Madiu 25:41

E toogoyoidi kekelina goi iiyatoidi bei ilatuwokoidi kana, “Komi Yaubada bogina itakinoimi toogoyoimi. Tauna kosiyaēgu kōna yeu aiyako vaatayaina! Yeuyana Yaubada bogina ikatubayasi mana aneroseyao manudi.

Madiu 25:46

Tuwo amo tauyadi bei sina aba liuna vaatayaina goi. Ego kidi tokibobwatayao bei sina yawoidi vaatayaina sibabane.’

Madiu 26:24

Tomalatomota bogina inonoina nakae boi bogina igimitalavaite Tauyana manuna. Ego ana tonuwotuluyana ana toovalugo! Neta boi sinana geya ivenatuniyeta!’

Madiu 7:23

Amo tutayana tauyadi bei alatuwokodokoidi kagu, “Yau geya ayagoimita; komi geya yau guna bodao geya. Komi tokapipilova, kosīya!”’

Luke 13:27

Go kina tomoyayana bei idigo kana, “Ame alatuuwokoimi konōve: Komi tauyami geya ayagoiyeta nako goi koma. Komi goyo ana toguinuwa liliumi, kosīya!”

Iyoni 5:14

Moe dogoiyadi sikavava, Yeisu Vada Kimaasabaina goi isiu korotoyana ibabane, tuwo idigo kana, ‘Kunovēgu! Kom bogina kudedevina. Ago taabu goyo tuwaina kuguuinūwe, govila bei dogoi goyogoyoina toina isowóduwo yaim.’

Pilipai 3:19

Tauyadi yawoidi ana kaba lukavava moe bei sivailai vata. Idi yaubada moe toinidi idi vikaiya. Idi guinuwa aba omayamaya moe idi kaba taimámina. Nuwodi goi poyapoya sinapuna siyoisiikavate.

1 Tesalonáika 5:3

Tutayana tomota geya idi numisamo sidigodigo kadi, ‘Kai mama tuboina be dedevima’, e amo tutayana adí mtula bei ima ivatoopa kidi tovenátuna idi gedageda nakae go, geya itoboinedita sisiya, geya toina.

2 Tesalonáika 2:8

Ikabi ikavava, e tuta amo goi kapipilovainayana bei ikaiwoduwe go, ida Tomoya Yeisu bei ibobwaramo, e kapipilovainayana ikaumate. Moeko goi ida Tomoya ina sowóduwo pasina kapipilovainayana ina togaga bei ikavava toina.

Taito 2:13

Nakae taketōiya unana mada lotuta taatuyáwata dogoi tayamo ada dedevina manuna. Dogoiyana moe .

Iberiu 10:29

Neta moe nakae Yaubada itagone ina Katukeda ana tokapipilovayao manudi, manakaemi konuwonúwana tomota adi liuna manuna neta idi goyo ame nakae: Yaubada Natuna sikaolilive? Aiyuwoina Yaubada ina kanasiuna vau ikaikaina sikaogoyoe. Ikaikayana goi Yaubada ikimasabedi toinina umana. Aitonina Baloma Kimaasabaina sikaogoyoe go, Balomayana anuwóiya unana. Manakae? Liuna gagaina bei sibabane gea geya? Bei igoyo toina ae?

2 Pita 2:17

Go kidi tovatulukwana polapolayadi doelu daakakaina nakae; mainao kada, ‘Bwae.’ Go niga tagite, bwae geya. O yégula nakae. Kada, ‘Bei ikúwana.’ Go niga yágira iyawoisave, e kúwana geya. Tauyadi manudi Yaubada asa kokonótuya toina ikatubayasi.

2 Pita 3:7

E Yaubada ina livalayana goi nakae yábana be poyapoya ame tuta iyatoidi yeu manuna go, iyoisikaavatedi ana kadókana takínona ana maliyalina goi bei tauyadi Yaubada sikaaolilive igabusavedi.

Yuda 1:13

Amo tauyadi aivaya gagaidi siitalasa nakae go, mosamosa silaseseli. E kidi nakae, unana idi sinapu goi mosamosa kaka sisowóduwo. Adi kaigigita súluwo nakae. Suluwoyadi silokoina besobeso go, kidi nakae enao totoomoina bogina sivasulaigi, tauna geya itoboinedeta idi vatulúkwana tanumise. Ago idi kasa Yaubada bogina ikatubayasi go, asayana kokonótuya toina. Amoko goi bei sikaiyako vata.

Nuwogau 20:11

Amo ikavava, Tolovinayana kebana esaaesaina gagaina nakae poowouna agite, yatana goi Tauyana itulagalaga. Agitegite, e Tauyana matana goi yábana sekulapeyaina be poyapoya mainao sisáwala nakae neta sisiya, e geya tuwaina agitedi.

Nuwogau 20:14

Amo ikavava, ámasa be nakae tokámasa idi dadavayana Yaubada ilavedi sisou yeu sabeninimina gagaina toina sinaena goi, e sikavava toina. Yeuyana gagaina toina moe ámasa aiyuwoina.

Nuwogau 21:8

E kidi go atedi taameyaidi, kidi idi numisa silawoiwoiye, kidi aba kalagíwala siguuinuwedi, kidi tokaumata, tomasisi goyogoyo, toroerata, tomeméyava, tobowou, yaubada polapola adi tosakululu be nakae topola liliudi. E ame tauyadi bei sina yeu sabeninimina gagaina toina nakae poiseni mokauna dadavina, moe ámasa aiyuwoina.’

Nuwogau 22:15

Go asayana toluyena ana tokaiyakoyao moe toogoyoidi toidi weiniya nakae, tomeméyava, tobowou, tomasisi goyogoyo, tokaumata, yaubada polapola ana tosakululu, tauyadi pola nuwodi ikabi be nakae tuta liliuna sipolapola.’