2 Tesalonáika 1:12 - Buki Kimaasabaina

¹² Ima kawanoiyana nakae bego yawoimi goi ida Tomoya Yeisu ina togaga ana káeyana kovagiitakoe be nakae komi nakae yoimi ikilaagasidi. Moe nakae itoboine unana ida Yaubada be ida Tomoya Yeisu idi kanuwóiya yaida goi ikaaiyaka.

2 Tesalonáika 1:12 ပူးပေါင်းရင်းမြစ်များ

Aba Vatowo 18:18

Tauyana ina boda nava bei boda gagaina be nakae toogagaina. Boda liliudi poyapoya goi bei siyagoi tauyana goi .

Iyoni 17:10

Guna bodayadi liliudi yau yaigu moe kom im kaba lovina. Nakae im bodao liliudi kom yaim goi moe yau guna kaba lovina go, ame tauyadi yaidi goi im togaga ana káeyana yaigu goi ikaaiyaka bogina sivagitakoe.

Roma 1:7

Leta ame moe komi, tauyami Yaubada imatakooiyemi be nakae iduuduwemi, ina kimasabayao goi ami leta. Yaubada Tamada be ida Tomoya Yeisu idi kanuwóiya be idi tuboina bei sivinimi.

1 Korinta 1:4

Komi manumi akaauyagu Yaubada yaina tuta liliuna ina kanuwóiya liliudi Yeisu goi bogina ivinimi pasidi.

2 Korinta 13:4

Moe moitamo. Guyauyana tomota neenetaina nakae situpatuko go, tuwo Yaubada ina togaga goi maa yawoina ikaaiyaka ame tuta. Kai ima Tauyana taiyao goi nakae kaneneta go, ima guinuwa yaimi goi bei ame nakae: Yaubada ina togaga pasina Guyau taiyao bei kakaaiyaka.

2 Korinta 8:9

Imi vininabeso itoboine. Ida Tomoya ada kaba gita. Ina kanuwóiya bogina tayagoi bego Tauyana boi mainao toesaesa go, kita manuda ietokai bego kita amo Tauyana ina tokaiyana goi bei taesaesa.

Pilipai 3:9

o tadigo kada, ‘Yaubada bei idovatusigu, e igitegu yau spwagoogonigu Guyauyana taiyao.’ Ame nakae: Yau kiboobosigu Yaubada nuwona goi geya kada ina Katukeda ana kabikáwana pasina geya, go sem moe Guyau ina guinuwa pasina. Yau kiboobosigu unana Tauyana ivayokoigu nakae guna numisa pasina.

2 Tesalonáika 1:10

Moe bei isowóduwo tutayana Tauyana bei ima bego ina kimasabayao sitaimamine o tadigo kada, ‘Ina tonumisayao liliudi sikainaope.’ Moe komi nakae taiyao unana ima talavaita konumise.

Taito 2:11

Moe moitamo. Yaubada ina kanuwóiya bogina ikaiwoduwe go, anuwoiyayana goi tomota liliuda ada yava tababane.

1 Pita 4:14

Neta tomota sitagiwoimi unana Guyau yoina ikaaiyaka yaimi, e ami dedevina bogina kobabane unana Yaubada Balomaina, Tauyana Yaubada ana káeyana ana tovagitákwana, yaimi goi ikaaiyaka. Tauna ami dedevina bogina kobabane.

Nuwogau 1:4

Yau Iyoni buki ame agini iwo komi Tomoya ana totugugunayao asa ainima aiyuwo Esiya ana dadava goi yaimi. Yaubada, Baloma ainima aiyuwo, be nakae Yeisu Guyau idi kanuwóiya be idi tuboina bei sivinimi. Yaubadayana Tokaiyako vata: Ame ikaaiyaka, boi nimatu ikaaiyaka go, tuta simamaima nakae bei ikaaiyaka. Balomayadi ainima aiyuwo Yaubada kebana esaaesaina matana goi sikaaiyaka.