2 Pita 3:15 - Buki Kimaasabaina

¹⁵ Konuwokavāte ida Tomoya ina mesayágana moe ada yava. Moe nakae ida kalo Paulo mana nanamsa ami leta goi igini. Ina nanamsayana moe Yaubada goi ima.

2 Pita 3:15 ပူးပေါင်းရင်းမြစ်များ

Tateta 31:3

Tauyana bogina avakayaodei yau Yaubada Balomaigu goi, tauna mana nanamsa be mana katanaki be nakae ana kaipata paisewa liliudi dedevidi iguinuwedi.

Tateta 31:6

E kunovēgu. Akisamaki ma Dani natuna yoina Oliyavi bogina akinave bei ipaisewa Besaleli taiyao. Guna katanaki topaisewa liliudi bogina avinidi bei tauyadi adi kaipata kaga liliuna alatuuwokoim simadagidi.

Tateta 35:31

Balomaina goi Besaleliyana bogina ivakayaodei, tauna mana nanamsa be mana katanaki be nakae ana kaipata paisewa liliudi dedevidi iyagoidi be iguinuwedi.

Tateta 35:35

Paisewa liliudi adi katanaki bogina ivinidi, tauna itoboinedi gurewa ana gínina be nuwonúwana paisewa manuna, búyala noyanoyaidi buruu, kalaakovidi toidi be kayakayaidi goi be nakae areko dedevidi adi gíluma be wóina dedevina ana paisewa siguinuwedi. Kidi paisewa liliudi siyagoidi be siguinuwedi.’

Luke 21:15

Ame moitamo. Yau bei imi bóbwara be nanamsa avinimi. Moe imi kaleyayao liliudi geya itoboinedita sivakaleyemi o silawoiwoiyemi.

Guinuwa 15:25

Tauna dogoiyana manuna bogina katugúguna. Kai nuwoma tayamo goi kalovina kama, “Itoboine neta koroto maniyedi takinavedi ida kaloyao Banabasi be Paulo taiyao taetunedi sina yaidi.”

Guinuwa 7:10

Ivaakitau go, Iyosepa ina mou liliudi goi iyave. Ago anuwóiya be nanamsa ivini , tauyana da Itipita adi tolovina, matana goi, tauna Iyosepayana kina Pero ivayoko ina paraiminista, e Itipita madabokina be nakae Pero ina vada ilovinaedi.

Guinuwa 9:17

E tuwo Ananiyasiyana itaoya ina Yudasa ina vadayana goi isiu. Isiu, nimana ikailagasidi Saulo dabana ibisikone idigo kana, ‘Siyagu Saulo, Tomoyayana Yeisu enao goi iisowóduwo yaim ietunegu ama bei matam akidedevinedi be nakae ivakayaodeim.’

Roma 2:4

Yaubada ina yabobona be ina mesayágana gagaidi imi goyo yaidi goi go, komi konuwonúwana ina yabobonayana be ina aramaitanayana dogoi besobeso. Seki, nakona geya koyagoiyeta bego ina yabobonayana goi latuwona ivakedemi bei kotugavila ae?

1 Korinta 12:8

Gwa. Tomota tayamo yaina Yaubada ina nanamsa ikaiguyauye. E tayamo yaina ina vala ana yagoina ikaiguyauye. Aiguyauyadi aiyuwokova unadi moe Baloma Kimaasabaina tayamo goi.

1 Korinta 2:13

Moe yabobonayadi kai nakae katalavaaitedi go, ima talavaitayana tomota idi nanamsa goi geya sivatulukoimeta, go sem Yaubada Balomaina ivatulukoima. Tuwo Baloma Kimaasabaina ina nuwonúwana kidi ina tomotao yaidi goi kataligeidi.

1 Korinta 3:10

Yaubada ina kanuwóiya bogina ivinigu bei itoboinegu Tauyana manuna apaaisewa. Tuwo anuwoiyayana goi yau yówana ana tokatanaki nakae dako tayamo akaudakodako go, yatana, e ituli ta tomotava siyówana. Go komi tamo tamo korugwāusi manakaemi dakoyana yatana goi koyówana.

Epeso 3:3

Rugwautayana ame nakae: Boi ina nuwogau ikaiwoduwe yaigu bei ayagoi. Moe manuna maine giyaina bogina agini.

1 Timoti 1:16

go sem inuwokapisiyegu unana ame: Bego yau toogoyoigu toigu yaigu goi Guyau Yeisu ina aramaitana dókana ivagitakoigu. Ina aramaitanayana yau yaigu aba gita tomota yaidi bego avatauwa Tauyana sinumise, yawoidi vata sibabane.

Yemesa 1:5

E avatauwa komi neta nanamsa kokiseeyeseye, Yaubada yaina kokaawanōi. Tauyana Tokaiguyau tomota liliuda yaida go, geya iibolagu. Tauna neta Tauyana yaina kokaawanoi, bei ivinimi.

Yemesa 3:17

Ago avatau neta ina nanamsa yábana goi ima, e ina sinapu maavadaina, tauyana tuboina nuwonuwona, sakuululuna, taagonaina, nuwokaapisina toina be nakae keuwoina dedevina toina siisowóduwo go, geya kada tomota adi kaigigita goi iwowooinedi geya, e nakae geya ipolapola.

1 Pita 3:20

Dimoniyadi boi sikapipilova Nowa ina tuta goi. Amo tutayana goi dedeoga gagaina iyowoyowo go, Yaubada mana mesayágana goi iituyáwata. Ago adi taiyuwomo, o tadigo kada, ‘Tomota adi tainima adi taito’, Yaubada iyavedi bwae goi.

2 Pita 3:2

Guna vilinayana moe bei Yaubada ina yaidi goi konuwaaisidi.

2 Pita 3:9

Tauyana geya ivamumugoneta bego ina katótula iguinuwe nakae tomota sinuwonúwana vamumúgana manuna, go sem kita yaida goi imeesayágana. Geya latuwona tomota tayamo ivailai, go sem latuwona tomota liliudi situgavila.