2 Pita 1:11 - Buki Kimaasabaina

¹¹ Neta moe nakae, e Yeisu Guyau, Tauyana ida Tomoya nakae ada Toyava, bei itagonedokoimi ina kalibúbuna vaatayaina goi kosiu.

2 Pita 1:11 ပူးပေါင်းရင်းမြစ်များ

Madiu 25:34

E tuwo tauyadi Tokalibúbuna kakataina goi bei ilatuwokoidi kana, “Komi Tamagu bogina ikaipaakuyemi kōma ina kalibúbuna sinaena goi dogoi dedevidi boi ikatootuledi bei ivinimi. Dogoiyadi boi poyapoya ana kaba vatowo goi bogina ikatubayasidi manumi.

Iyoni 10:10

Iya go tovaináwana ina guinuwa tauna ame nakae: Ima bego ivaináwana be ikaumata be ibugoyo. Yau ama bego tomota yawoidi vau sibabane go, yawoidiyadi kayaaodaidi.

Roma 2:4

Yaubada ina yabobona be ina mesayágana gagaidi imi goyo yaidi goi go, komi konuwonúwana ina yabobonayana be ina aramaitanayana dogoi besobeso. Seki, nakona geya koyagoiyeta bego ina yabobonayana goi latuwona ivakedemi bei kotugavila ae?

1 Korinta 15:24

Moe ikavava, tuta ana kaba lukavava bei ima. Amo tutayana goi Guyau tolovina liliudi be aba togaga liliudi itauwedi. Ikavava, ina kalibúbuna Tamada Yaubada nimana goi iyato.

2 Korinta 5:1

Guna nuwonúwana ataligei: Bogina tayagoi wowoda moe poyapoya wowonina yoyou nakae bei tuta kaakupina sikaaiyaka. Go neta sitauwe, wowoda vau Yaubada goi bei tababane. Wowoda vauyadi geya kada vada nakae tomota nimadi goi siiyowóidi geya, go sem ame wowoda vauyadi yábana goi sikaiyako vata.

Epeso 3:20

E kaga neta takawanoiye Yaubada yaina o kaga neta manuna tanuwonúwana, Tauyana mana togaga gagaina toina itoboine mana vaituwo iguinuwe ina togaga ipaaisewa sinaeda pasina.

1 Timoti 6:17

Kidi go poyapoya ana toesaesa ame tuta kuloviinaēdi taabu sinuuwatūe nakae idi esaesa taabu silotuutaēdi unana esaesayadi nava bei sikavava. Go sem Yaubada silootutāe, unana Tauyana tokaiguyau bei kaga liliuna ivinibesoida moe ida uyáwana manuna.

2 Timoti 4:18

Ida Tomoyayana guinuwa goyogoyoidi tamo tamo yaidi goi bei italigeigu be iyavegu imegu yábana goi iyatoigu. Tauyana aba taimámina ame tuta be nakae tuta simamaima! E nakae!

2 Timoti 4:8

Tuwaina, guna vaiwówana bogina ikaaiyaka, ida Tomoya, Tauyana Totakínona kiboobosina, bei ivinigu. Vaiwowanayana moe yau kiboobosigu Yaubada matana goi. Ago yau aguta geya iviniguta, go sem avatauwa neta ina sowoduwoyana siyaledoko, e adi vaiwówana bei ivinidi.

Iberiu 6:17

Yaubada nakae. Latuwona bego tauyadi yaidi boi iikatótula ivatulukodokoidi kaga boi bogina iyupu bei iguinuwe go, ina yupunayana geya ikatuvilevileta. Tauna toinina yoina goi ina katótula ikamoitamoe yaidi.

2 Pita 1:1

Segowo, Yau Saimoni goi. Moe numisayana komi be kai sowoda.

2 Pita 1:5

E moe pasina tauna mami valitulítuwo aderimi dedevina kovaaitūwe imi numisa goi. E aderimiyana goi nanamsa kovaaitūwe.

2 Pita 2:20

Neta poyapoya sinapuna baailidi sisiyaedi tutayana ida Tomoya nakae ada Toyava siyagoi go, niga sikaluvilamna sina sinapuyadi sisiukoidi be dogoiyadi sitogagasavedi, e boi mainao kidi idi kaiyako tupwana igoyo go, ame igoyo toina.

2 Pita 3:18

E , Tauyana ida Tomoya be ada Toyava, ina kanuwóiya be ina nanamsa goi kobībina. Tauyana aba taimámina ame tuta be nakae tuta simamaima! E nakae! Yau Pita

Nuwogau 3:21

Avatauwa komi neta kootogaga, bei atagonemi yau taiyao kebagu esaaesaina goi tatulaga talovina nakae boi yau atogaga, e Tamagu kebana esaaesaina goi yau taiyao katulaga kaalovina.