2 Korinta 8:2 - Buki Kimaasabaina

² Ame nakae: Adi vakakona ana mou gagaina goi kidi siuyáwana gagaina be nakae sitokai gagaina. Ago moe dogoiyadi aiyuwo goi idi vininabeso gagaiina sikasale.

2 Korinta 8:2 ပူးပေါင်းရင်းမြစ်များ

Madiu 20:15

Manakae? Itoboinegu toinigu konagu manuna alovina, gea geya? O nakona yau tokaiguyau, tauna kuvakipikipi unana kom topiki?”

Roma 12:8

Neta ida kaiguyau moe kipáiwala, e takipāiwala. Neta ida kaiguyau moe nimalovalova, tanimalovalōva. Neta kita tovakumgo, mada poisógana taavakūmgo. Neta ida kaiguyau moe nuwokapisi, mada uyáwana tanuwokapīsi.

Roma 2:4

Yaubada ina yabobona be ina mesayágana gagaidi imi goyo yaidi goi go, komi konuwonúwana ina yabobonayana be ina aramaitanayana dogoi besobeso. Seki, nakona geya koyagoiyeta bego ina yabobonayana goi latuwona ivakedemi bei kotugavila ae?

2 Korinta 1:12

Moitamo itoboinema kakawanoi yaimi bego kokawanoi manuma. Ima uyawana gagágasa goi nukotoma geya isabutukoidita go, ima uyawana gagagasayana moe ame: Bego Yaubada pasina ima sinapu da poyapoya yaidi moe mooitamoina be maavadaina go, moe gagaina toina komi yaimi goi. Go ima sinapuyadi geya kada poyapoya ana nanamsa goi geya, go sem Yaubada ina kanuwóiya yaima goi.

2 Korinta 2:9

Moitamo nakae itoboinemi. Moe nakae boi letayana agini aetune iwo unana ame: Bego avakakonemi be ayagoi neta kaga liliuna alatuuwokoimi kokabikaonegu o geya.

2 Korinta 6:10

E nakona mama nuwomou go, tuta liliuna kaauyáwana. E nakona katokai go, esaesa mooitamoina kakaiguyauye tomota badabadaidi yaidi. E nakona poyapoya ame goi kai geya konamamo go, yábana konanina liliudi sikaaiyaka yaima.

2 Korinta 9:11

Yaubada nimana goi esaesa ituli ituli bei kobabanedi be itoboinemi kovininabeso gagaina. Moe vininabesoyana bei kovinima kanave tookaidi Yerusalema goi kavinidi. Moeko goi tokaidiyadi bei sikauyagu Yaubada yaina.

2 Korinta 9:13

Moe imi guinuwayana goi imi numisa ana kamoitamo isowóduwo. Tauna bei Yaubada ina togaga ana Valena Dedevina kokabikaone, kokamoitamoe be nakae komi kaaiguyaumi imi vininabeso da Yerusalema tookaidi kovinidi be nakae ituli ta tonumisava kovinidi.

1 Tesalonáika 1:6

Aiyuwoina komi ami kinavayana kaayagoi unana kai be ida Tomoya kovatotowonema ame nakae: Mou gagaidi kobaabanedi imi numisa pasina go, tuwo Valayana mami uyáwana kouuyaone. Uyawanayana Baloma Kimaasabaina ivinimi.

1 Tesalonáika 2:14

Ame moitamo, segowo. Komi gedageda kobaabanedi nakae boi kidi Yaubada ana totugugunayao, moe siyogedegedemi.

Yemesa 2:5

Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?

Nuwogau 2:9

Imi gedageda be nakae imi tokai bogina ayaagoidi. Go geya kada imi numisa goi komi tokai geya, go sem imi numisayana goi komi kooguyau. E nakae aayagoi ami totagiwayayao toinidi sinuwonúwana kadi, ‘Kai , Yaubada ina bodao’ go, moe geya moitamo geya, go sem kidi Kaleya ana totugugunayao!