2 Korinta 7:12 - Buki Kimaasabaina

¹² Tauna leta kasakasaina moitamo agini aetune iwo go, geya kada tobagalayana pasina o siyana iibagali pasina geya, go sem agini bego Yaubada matana goi itoboinemi koyagoi atemi iyoi kai manuma.

2 Korinta 7:12 ပူးပေါင်းရင်းမြစ်များ

2 Korinta 11:11

Ame guna sinapuyana tabúbula manuna unana kaga? Unana geya amatakoiyemita? Moe nakae geya! Yaubada iyagoidokoigu! Moitamo amatakoiyemi!

2 Korinta 11:28

Ame dogoiyadi sisowóduwo yaigu goi. Ago ame alotowo sinaegu goi: Maliyalina tamo tamo goi mou Yeisu ana totugugunayao liliumi manumi alootowoidi, e manumi anuwonúwana gagaina.

2 Korinta 2:17

Moitamo. Maniyedi totalavaita polapola madi váobuna Yaubada ina livala sitaalavaite. Go kai amo tauyadi nakae geya, go sem kai geya ima polamo kataalavaita. Kai ima spwagógana Guyau taiyao pasina katalavaita go, moe paisewayana Yaubada ikawoima bei matana goi katalavaita.

2 Korinta 2:9

Moitamo nakae itoboinemi. Moe nakae boi letayana agini aetune iwo unana ame: Bego avakakonemi be ayagoi neta kaga liliuna alatuuwokoimi kokabikaonegu o geya.

2 Korinta 7:8

Guna uyawanayana unana ame: Nakona boi guna leta pasina nuwomi imou go, tuwo letayana manuna geya avakuwoneta. Moitamo mainao avakúwana. Boi mainao agite letayana pasina nuwomi imou go, moe tuta kaakupina goi.

1 Timoti 3:5

Ego korotoyana neta geya iyagoiyeta manakaena toinina ina bodayauwo ivakumgoiyedokoidi, e manakaena bei Yaubada ana totugugunayao ivakumgoiyedokoidi? Geya.