2 Korinta 5:1 - Buki Kimaasabaina

¹ Guna nuwonúwana ataligei: Bogina tayagoi wowoda moe poyapoya wowonina yoyou nakae bei tuta kaakupina sikaaiyaka. Go neta sitauwe, wowoda vau Yaubada goi bei tababane. Wowoda vauyadi geya kada vada nakae tomota nimadi goi siiyowóidi geya, go sem ame wowoda vauyadi yábana goi sikaiyako vata.

2 Korinta 5:1 ပူးပေါင်းရင်းမြစ်များ

Aba Vatowo 3:19

Mam mosali bei kupaaisewa gagaina bego avam kubabane ana kadókana kukámasa, e kwaluvila kuna poyapoya goi. Bogina kuyagoi. Poyapoya goi aodugum. Moitamo. Kom taum poyapoyayana ana vaituwo, tauna bei kwaluvila kuna poyapoyayana goi. Tutayana kukámasa, bei kumalapoyapoyamna.’

Maki 14:58

‘Tauyana kanove, idigo kana, “Vada Kimaasabaina ame tomota nimadi goi siyowo, e nava bei atauwe go, maliyalina aito mlidi goi ituli ta Vada Kimaasabaina bei ayowo go, geya tomota nimadi goi geya.”’

Guinuwa 7:48

Go Yaubada Tokanayatanatoina vada tomota nimadi siiyowóidi goi geya ikaiyaketa. Moe nakae Yaubada ina tokabivalavala tayamo igini, Yaubada ina livala italavaite, idigo kana,

1 Korinta 3:9

Moe moitamo. Apolosiyana guna tosavaiyuwo ama taiyuwokova Yaubada ina go, komi ina tánuwo be nakae ina vada.

2 Korinta 4:7

E Vala Dedevinayana ana mavada esaesa nakae kai sakavaima neenetaidi vaega nakae sinaema goi ikaaiyaka. Ikaiyaka bego tomota siyagoi togagayana yaima goi moe Yaubada ina togaga gagaina toina go, geya kai ima togaga geya.

2 Korinta 5:4

U, kita ame tuta wowoda yoyou nakae goi takaaiyaka, tauna ida mou gagaidi pasidi takalayawoi go, geya latuwoda wowodayadi kwama bogo nakae tavalilividi, go sem latuwoda kwama bogo ada kwama vau goi talositaoidi bego kaga kaavavaidi ivalili yawoida vau goi.

Kolose 2:11

Komi nakae imi spwagógana Tauyana taiyao pasina ana kaigigita ina kámasa goi sakava sinapudi yaimi kwama bogo nakae ivalilividi ikalavedi.

2 Timoti 1:12

Guna paisewayana pasina tauna ame guna mou ababanedi go, mouyadi pasidi ogu geya imaemaeta. Moitamo. Guyau Yeisu aanumise; Tauyana bogina aayagoi. Go ayagoidoko Tauyana itoboine Vala Dedevina boi inuumisegu bego aruugwausi bei iiyause ana kadókana maliyalina gagaina ima.

Iberiu 11:10

Eberamo ogaoga nakae asayana goi ikaaiyaka unana asa aiyako vaatayaina tayamo ituuyaosi; asayana ana tokabitam be ana toyówana moe Yaubada. Tauna Eberamo ogaoga nakae ikaaiyaka.

Iberiu 9:11

E kina go ada Tonúwala Toolagaina bogina isowóduwo go, dogoi dedevidi bogina iguinuwedi. Tauyana Bateta Kimaasabaina goi isiu go, ame Batetayana tomota nimadi goi geya siyowoeta nakae geya Yaubada ana madágina poyapoya ame goi geya. Bateta Kimaasabaina poyapoya ame goi ikalisave be nakae idedevinasave.

Iberiu 9:24

Moitamo. ikaikaina itoboine. Tauyana Tukunu Kimaasabaina toina siyowoyowo goi geya isiuta. Moe Tukunuyana Tukunu mooitamoina yábana goi ana tapata, go sem Tauyana yábana toina isiu ina ame tuta Yaubada matana goi ikaaiyaka kita manuda.

1 Pita 1:4

Ida lotutayana moe kaga Yaubada boi bogina ikatootuledi bei ivinida. Dogoiyadi moe geya sidaureta geya, go sem sikaiyako vata. Goyo geya itoboineyeta ikibaibailidi. Nakae geya sisaosáwala geya. Yábana goi Yaubada iyatoidi, imatakaavatedi kita manuda.

2 Pita 3:11

Amo dogoiyadi madabokidi Yaubada bei imtulidi amo nakae, tauna kita ava sinapu itoboineda? Ame nakae: Itoboineda ida sinapu kimaasabaina nakae yábana sinapuna goi taaketoiya

1 Iyoni 3:14

Tayagoi bego kita ámasa ana dadava bogina takalave go, yawoida vata bogina tababane. Moe taayagoi unana sedao tamatakoiyedi. Go avatauwa neta geya simatakoita, nava ámasa ana dadava goi sikaaiyaka.

1 Iyoni 3:19

Ida matakoiyana goi bei tayagoi bego kita Yaubada ana Nanamsa Mooitamoina goi takaaiyaka be nakae Tauyana matana goi nuwoda bei tatamyabidi ame nakae:

1 Iyoni 3:2

Guna kaloyao, ame tutayana kita Yaubada natunao go, Yaubada geya ivatulukoideta kita nava bei nakonakae. Go tayagoi bego ina kaluvilamna goi kita bei Tauyana nakae unana Tauyana bei taulitoinina tagite.