2 Korinta 3:6 - Buki Kimaasabaina

⁶ Tauyana nakae ikitogagema bei kai ina goi. Mosese ina gininayana moe ámasa unana go, Baloma Kimaasabaina moe yawana vau unana.

2 Korinta 3:6 ပူးပေါင်းရင်းမြစ်များ

Madiu 13:52

E Yeisu kana, ‘Dedevina. Imi yagoinayana pasina Yaubada ina tamo tamo neta Tokalibúbuna sisabokuliye, e tauyadi toni vada tayamo nakae; ina esaesa bogo be ina esaesa vau ikaiwoduwedi unana itoboinedi vatulukwana bogo be vatulukwana vau sivatulúkwana.’

Madiu 26:28

Moe ikaikaigu nakae. Ikaikaiguyana bei idaudau komi manumi be nakae tomota liliudi manudi, e bei imi goyo adi nuwotao kobabane. Ikaikaiguyana ina dau goi Yaubada ikanasiukoimi.

Maki 14:24

go, idigo kana, ‘Moe ikaikaigu nakae. Ikaikaiguyana bei idaudau komi manumi be nakae tomota liliudi manudi. Ikaikaiguyana ina dau goi Yaubada ikanasiukoimi.

Luke 22:20

Sikáika ikavava, oine ma keigaina nakae ikabi, manuna ikauyagu Yaubada yaina. Ikavava, keigayana ina tovatotowanayao ivinidi sinim go, idigo kana, ‘Moe oine ma keigainayana konimnim moe ikaikaigu nakae bei idaudau komi manumi. Ikaikayana goi Yaubada ina kanasiuna vau iguinuwe yaimi.

Iyoni 5:21

Kogita. Nakonakae Tamana tokámasa ikaitaoedi o tadigo kada, “Yawoidi ivinidi”, e Natuna nakae iguinuwe. Avatauwa neta Natuna ikinavedi, e yawoidi vau ivinidi.

Iyoni 6:63

moe yawana vau ana tokaiguyau go, tomota toinidi idi togaga geya ivaitedita yawana vau manuna. Yau guna livala bogina alatuwokoimi Baloma Kimaasabaina goi sima nakae livalayadi yawana vau unana.

Roma 1:5

Yeisuyana goi anuwóiya kababane o tadigo kada, ‘Ikawoima, e kai ina vamoleyanayao’ bego Tauyana yoina manuna kana liliudi yaidi Vala Dedevina katalavaite, e madi numisa sikabikaone.

Roma 3:20

Tauna Atukedayana ana guinuwa goi geya vatau tayaamo kina Yaubada bei ivayoko kina kiboobosina. Atukedayana ina paisewa moe bego tayagoi goyo kaga. Ame tauna.

Roma 4:15

Manakaeda tayagoi moe moitamo? Yaubada ina Katukeda ana kapipilova pasina ina egamogamogu isowóduwo. Go neta Atukedayana geya, e apipilova geya.

Roma 4:17

Moe nakae boi Gínina Kimaasabaina idige, kana, ‘Avayokoim kom boda badabadaidi tubudi.’ Aba Vatowo 17:5 E Eberamo inumisa Yaubada yaina, tuwo tauyana moe madabokiida tubuda nakae Yaubada matana goi. Eberamo iyagoi Yaubada ibóbwara moitamo unana itoboine tokámasa ikaitaoedi be nakae kaga neta mainao geya sikaiyaketa, e ibóbwara sisowóduwo.

Roma 7:6

Go ame tuta Atukedayana ana takínona yaina goi Yaubada bogina italigeida unana boi Atukeda ana takinonayana ina kenao vau goi.

Roma 8:2

iepaaisewe, kita Guyau Yeisu goi yawoida vau ivinida. Ago goyo be ámasa idi togaga nakae Atukedayana iepaaisewe go, tutayana Balomayana iepaaisewe, goyo be ámasa idi togaga yaina goi italigeida.

1 Korinta 11:25

Sikáika ikavava, keiga nakae ikabi, ina tovatotowanayao ivinidi bego sinim go, idigo kana, ‘Moe oine ma keigaina moe ikaikaigu nakae komi manumi. Ikaikayana goi Yaubada ina kanasiuna vau iguinuwe yaimi. Oineyana konīm go, tuta tamo tamo konimnīm, konuwokaavatēgu.’

1 Korinta 12:28

Tuwo tauyadi Yaubada ana totugugunayao goi ivayokoidi ame nakae: Mainao Yeisu ina . Aitonina tovatulúkwana. Niga guinuwa toogagaidi adi toguinuwayao, tokidedevina, tovaita, tovakeda, yábana niyanina tamo tamo adi tobóbwara.

1 Korinta 15:45

Moe nakae Gínina Kimaasabaina idigedige: Koroto vakuumgoina moe Adama. Tutayana korotoyana Yaubada imolului ikavava, e tauyana maa yawoina. Ago koroto aiyuwoina moe Guyau. Tauyana iebaloma, e yawana vau ana tokaiguyau.

1 Korinta 3:10

Yaubada ina kanuwóiya bogina ivinigu bei itoboinegu Tauyana manuna apaaisewa. Tuwo anuwoiyayana goi yau yówana ana tokatanaki nakae dako tayamo akaudakodako go, yatana, e ituli ta tomotava siyówana. Go komi tamo tamo korugwāusi manakaemi dakoyana yatana goi koyówana.

1 Korinta 3:5

E imi tavilei pasina kobágala. Moe nakae kobóbwara go, yau kagu, ‘Apolosi be yau kokilaagasima go, Apolosi avatau? Yau avatau?’ Kai tovaita tauna, e ima talavaita goi konumisa. Ama taiyuwokova ida Tomoya ikawoima bei kapaisewa go, ima paisewayadi to kaguinuwedimo.

2 Korinta 11:23

Manakae? Kidi bego ina tovaitayao? Yau ina tovaita moitamo toina. (Ame guna bóbwara goi nakona dabagu bogina igoyo!) Go akalisavedi ame nakae: Guna poisógana Guyau manuna atogagasavedi. Deri goi akaaiyaka tuta badabadaina go, kidi geya. Agu láuwo sivavina ababanedi, geya ayagoiyeta. Tuta badabadaina giyakainava bei akámasa go, kidi geya.

2 Korinta 3:14

go sem dabadi sikasa. Moitamo. Boi nimatu ima ame tuta Yaubada ina kanasiuna bogo sikaatuyaivi go, tayamo taboda Mosese ina tabodayana nakae nava ikaaiyaka yaidi nuwodi itaabodedi. Tabodayana ikaaiyaka unana ida spwagógana taiyao pasina tauna bei itauwe go, kidi geya sinumiseyeta, tauna geya itauweyeta.

2 Korinta 3:3

Bogina imavada bego komi leta tayamo nakae igini kai ima paisewa dedevina yaimi goi manuna go, kai tomota kavinidi. Ago geya kada bairo goi igini geya. Moe bei itagau. Go sem Yaubada maa yawoina Balomaina goi igini. Geya gurewa paaevaidi goi igini nakae Mosese iguinuwe geya, go sem tomota atedi goi igini.

2 Korinta 3:7

E Yaubada ina Katukeda gurewa paaevaidi goi Mosese iginidi namlieta koya goi isou go, maisina goi Yaubada ana geya itoboinedita Mosese maisinayana sipote. Ego amo tomoeyalayana Yaubada iitauwe. Atukedayana moe ámasa ina kenao go, Yaubada ina togaga ana káeyana ana vagitákwana taiyao sisowóduwo.

2 Korinta 3:9

Moe moitamo. Atukedayana Mosese boi ivatuulukoida dedevina, nakae Yaubada ina togaga ana káeyana ana vagitákwana tagite go, Atukedayana goi takínona tababane ida goyo pasidi. Go Yaubada mana nuwotao ikivavaseda kita goi. Moe enaoyana goi ina togaga ana káeyana ana vagitákwana ivakaigaga toina tagite ae?

Galetiya 3:21

Tauna nakona maniyemi konuwonúwana Yaubada ina Katukeda be ina katótula sivakaleya. Geya, geya toina! Ina Katukeda be ina katótula idi paisewa ituli ituli. Neta Yaubada boi lovina tayamo ivinida, e takabikaone bego yawoida vau tababane, e lovinayana ana kabikáwana pasina moitamo woi kita anasíuna ana tokibobwatayao.

Epeso 2:1

Komi go boi mainao kaamasimi nakae imi kapipilova be imi goyo pasidi.

Epeso 2:5

Tauna ida kapipilovayadi goi kita kaamasida nakae go, tuwo ina nuwokapisiyana pasina taiyao yawoida vau ivinida. Ina kanuwóiya goi bogina iyaveda.

Epeso 3:7

Yaubada ikawoigu yau aetovaita Vala Dedevinayana manuna. Guna kawoiyana moe ina kanuwóiya ivinibesoigu. Moe nakae ina togaga ipaaisewa yau yaigu goi.

1 Timoti 4:6

Moe vatulukwanayadi sedao kuvatuulukōidi. Neta nakae, e kom ana tovaita dedevina unana ida numisa ana livala be nakae vatulukwana dókana ana livala bogina kusabokuliyedokoidi. Tauna livalayadi goi balomaim kuuvavani.

2 Timoti 1:11

Valayana manuna Yaubada ikawoigu bego yau valayana ana totalavaita, Yeisu ina vamoléyana be nakae valayana ana tovatulúkwana.

Iberiu 12:24

Ainimaina bogina koma Yeisu yaina goi, Tauyana Yaubada ina kanasiuna vau ana be nakae ikaikaina seeulina yaina goi. Ikaikayana valena Ebeli ikaikaina valena ikalisave.

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

Iberiu 7:22

Moeko goi Yaubada Yeisu ikamoitamoe, tauna tayagoi Tauyana ina kanasiuna vau anasiuna bogo idedevinasave.

Iberiu 8:13

Tutayana Yaubada idigo kana, ‘Anasiuna vau bei aguinuwe’, moeko goi ina kanasiuna bogo bogina ikaibogo nakae geya basabasainamo. E anasiuna bogoyana giyakainava bogina isaosáwala.

1 Pita 3:18

Kina nakae bogina sivatayamo iyogedageda ida goyo pasidi. Tauyana Yaubada nuwona ana tokibóbwata ikámasa kita tokapipilova manuda bego itoboine imeda Yaubada yaina. Ame nakae: Sakava ana dadava goi sikaumate go, baloma ana dadava Yaubada ikaitáoe Tauyana maa yawoina.

1 Iyoni 1:1

Tauyana aba vatowo goi go, ima ame tuta ikaaiyaka bogina kanove be kagite. Toinima matama toina goi kagite be nakae nimama goi kabisikone. Tauyana moe , Yaubada ina Livala yawoida vata manuna.