2 Korinta 3:5 - Buki Kimaasabaina

⁵ Geya itoboinemeta kapásima kama, ‘Ame paisewayana toinima ima togaga goi kaguuinuwe.’ Go sem moe Yaubada ina togaga goi kaguuinuwe.

2 Korinta 3:5 ပူးပေါင်းရင်းမြစ်များ

Aba Vatowo 41:16

E Iyosepayana idigo kana, ‘Guna tomoya, anamimi adi talígava moe yau toinigu geya itoboineguta. Go sem Yaubada itoboine. Moitamo im kanamimi ana talígava bei ilatuwokoigu namlieta baige alatuwokoim go, ana taligavayana bei am dedevina manuna.’

Luke 21:15

Ame moitamo. Yau bei imi bóbwara be nanamsa avinimi. Moe imi kaleyayao liliudi geya itoboinedita sivakaleyemi o silawoiwoiyemi.

Luke 24:49

Konovēgu. Giyakainava kaga Tamagu bogina ikaatotule bei yau aetune iwo yaimi. Go komi asa ame goi kokaiyāka ana kadókana Yaubada olagaema ina togaga goi ikitogagemi.’

Iyoni 15:5

Yau oine buyalina. Komi laonigowo. Avatauwa komi neta yaigu goi kokaaiyaka be yaimi goi akaaiyaka, komi bei kokéuwo gagaina. Neta yau geya, geya tayaamo kaga itoboinemi koguinuwe.

Roma 15:18

Bogina koyagoi. Kaga boi Guyau iepaaisewegu bego Totuyoyowo Yaubada sikabikaone, e moe magu katepatu atalavaiteyamo. Ina epaisewayana moe guna bóbwara goi be guna guinuwa goi,

1 Korinta 15:10

Ego Yaubada ina kanuwóiya goi yau Yeisu ina vamoléyana tayamo. Go ina kanuwoiyayana yaigu goi ma basabasaina. Apoisógana gagaina go, guna poisoganayana goi Yeisu ina vamoleyanayao liliudi akalisavedi. Ago yau geya, go sem Yaubada ina kanuwóiya yaigu goi ipaaisewa.

1 Korinta 3:10

Yaubada ina kanuwóiya bogina ivinigu bei itoboinegu Tauyana manuna apaaisewa. Tuwo anuwoiyayana goi yau yówana ana tokatanaki nakae dako tayamo akaudakodako go, yatana, e ituli ta tomotava siyówana. Go komi tamo tamo korugwāusi manakaemi dakoyana yatana goi koyówana.

1 Korinta 3:6

Nakae yau tobágula, Apolosi bwae ana tosiwo, go sem kina Yaubada tokikakainaki.

2 Korinta 12:9

go, ilatuwokoigu idigo kana, ‘Moe tuwo. Guna kanuwóiya goi bogina yoiyam. Kom im neneta goi guna togaga avagitakoedoko.’ Tauna dogoi liliudi manudi geya agagaseta, go sem guna nenetayadi manudi magu uyáwana bei auyawana gagágasa bego tomota siyagoi ina togaga ikaaiyaka yaigu.

2 Korinta 2:16

Emainayana kidi siivailai sinove, moe ámasa mainina kaka nakae o tadigo kada, ‘Bei sikámasa.’ Ago kita Yaubada iiyaveda tanove, moe yawana vata kaka mainina nakae o tadigo kada, ‘Yawoida vata tababane.’ Go moe paisewayana Guyau Valena manuna avatau itoboine iguinuwe? Kaai go!

2 Korinta 4:7

E Vala Dedevinayana ana mavada esaesa nakae kai sakavaima neenetaidi vaega nakae sinaema goi ikaaiyaka. Ikaiyaka bego tomota siyagoi togagayana yaima goi moe Yaubada ina togaga gagaina toina go, geya kai ima togaga geya.

Pilipai 2:13

Moe itoboinemi. Yaubada mana togaga yaimi ipaaisewa go, ina paisewayana pasina ina nuwonúwana koyale koguinuwe be nakae ami toboine koguuinuwe nakae Tauyana latuwona.

Pilipai 4:13

Nakae adige unana ame: Ame aiyakoyadi liliudi alootowoidi go, yau guna spwagógana Tauyana ikitoogagegu taiyao pasina itoboinegu amesayágana.

2 Timoti 2:2

Boi vatulúkwana tomota badabadaidi matadi goi avatuulukoim, e moe vatulukwanayadi goi tomota kuvatuulukōidi bei itoboinedi ituli ta tomota sivatulukoidi.

Yemesa 1:17

Aiguyau dedevidi liliudi be nakae yabobona mooitamoidi liliudi Tamada diligaema goi sisou simamaima. Tauyana yábana mavadainao adi tomadágina. Núgana iitavívila go, Tauyana ina sinapu geya nuganayana nakae geya, go sem ina sinapu geya iitavívila.