2 Korinta 3:3 - Buki Kimaasabaina

³ Bogina imavada bego komi leta tayamo nakae igini kai ima paisewa dedevina yaimi goi manuna go, kai tomota kavinidi. Ago geya kada bairo goi igini geya. Moe bei itagau. Go sem Yaubada maa yawoina Balomaina goi igini. Geya gurewa paaevaidi goi igini nakae Mosese iguinuwe geya, go sem tomota atedi goi igini.

2 Korinta 3:3 ပူးပေါင်းရင်းမြစ်များ

Tateta 24:12

E Yauwe ilatuwokoigu idigo kana, ‘Kutūko kūma yaigu koya yatana goi kwaiyāka, gurewa paaevaidi bei avinim. Gurewayadi goi guna Katukeda be guna lovina bogina aginidi. Kom kwabīdi tomota kuvatulukōidi.’

Tateta 31:18

E Sainai Koyaina yatana goi Yauwe ibóbwara ikavava, e gurewa aiyuwo paaevaidi ivinigu. Gurewayadi yatadi Yaubada toinina nimana goi ina kanasíuna ana bogina iginidi.

Tateta 32:15

E koyayana goi asou ana guna tovaita Iyosuwa taiyao go, gurewa aiyuwo paaevaidi nimagu goi akaavaledi. Gurewayadi yatadi Yaubada toinina nimana goi ina iginidi. Dadava yuwoyuwo goi iginidi.

Tateta 34:1

E ilatuwokoigu idigo kana, ‘Gurewa aiyuwo kwabīdi, kumadagīdi paaevaidi nakae boi avinim go, kukauvisivisidi, e bei yatadi goi guna livalayadi aginidi.

Madiu 16:16

E Saimoni idigo kana, ‘Kom , Yaubada maa yawoina Natuna!’

1 Korinta 3:5

E imi tavilei pasina kobágala. Moe nakae kobóbwara go, yau kagu, ‘Apolosi be yau kokilaagasima go, Apolosi avatau? Yau avatau?’ Kai tovaita tauna, e ima talavaita goi konumisa. Ama taiyuwokova ida Tomoya ikawoima bei kapaisewa go, ima paisewayadi to kaguinuwedimo.

2 Korinta 3:6

Tauyana nakae ikitogagema bei kai ina goi. Mosese ina gininayana moe ámasa unana go, Baloma Kimaasabaina moe yawana vau unana.

2 Korinta 3:7

E Yaubada ina Katukeda gurewa paaevaidi goi Mosese iginidi namlieta koya goi isou go, maisina goi Yaubada ana geya itoboinedita Mosese maisinayana sipote. Ego amo tomoeyalayana Yaubada iitauwe. Atukedayana moe ámasa ina kenao go, Yaubada ina togaga ana káeyana ana vagitákwana taiyao sisowóduwo.

2 Korinta 6:16

E manakae? Yaubada polapola itoboinedi Yaubada mooitamoina ina Vada Kimaasabaina goi sikaaiyaka? Geya ae? Moe moitamo. Kita Yaubada maa yawoina ina Vada Kimaasabaina, yaida goi ikaaiyaka, tauna taabu yaubada polapola taiyao taaebōda tayamo. Moe nakae Tauyana idige kana, ‘Yaidi goi bei akaaiyaka be nakae yaidi goi aaketoiya. Yau bei idi Yaubada go, kidi yau guna bodao.’ Vininabeso 26:11-12

1 Tesalonáika 1:9

Bogina koyagoi. Ava kasa goi kana, e toni kasa toinidi sitalavaitema manakaema boi mama nuwotokai kasowóduwo yaimi be nakae sitalavaitemi komi manakaemi yaubada polapola bogina kotugaviledi go, Yaubada maa yawoina be mooitamoina konoko bego komi Tauyana ina , e kokasalemi Tauyana yaina.

Iberiu 10:16

‘ idigo kana, “Amo tutayana bei akanasíuna yaidi goi ame nakae: Nuwodi goi guna Katukeda bei ayatoidi nakae kidi atedi goi aginidi.”’ Yeremaya 31:33

Iberiu 8:10

Yauwe tuwaina kana, “Bego amo tutayana akanasíuna Isileli tubunao yaidi goi ame nakae: Bei nuwodi goi guna lovina ayatoidi nakae kidi atedi goi aginidi, tuwo bei yau kidi idi Yaubada go, kidi yau guna bodao.

Iberiu 9:14

Amo yoguyoguyadi ikaikaidi tomota toluyedi kaka sikimavadedi go, Guyau kina ikaikaina ikalisavedi. Tauyana geya ana pikwanamo Baloma aiyako vaatayaina ina togaga goi toinina ikasale Yaubada yaina. E ida guinuwa aba kámasa bolotodi goi nuwoda ina sabutuko ikimavadedi, e bei Yaubada maa yawoina yaina tataaimámina. Tauna amo yoguyoguyadi ikaikaidi kina ikaikaina ikalisavedi, e nuwoda ikimavadedi.

Nuwogau 2:1

Tauyana idigo kana, ‘ Tomoya ana totugugunayao Epeso goi imatakaavatedi ana leta totugugunayadi manudi kugīni kam, “Yau ana kaba yata ainima aiyuwo nauyayanaidi goi aaketoiya, ame nakae alatuwokoimi:

Nuwogau 2:12

Tuwaina Tauyana idigo kana, ‘Anerose aitonina Tomoya ana totugugunayao Pegamasi goi imatakaavatedi ana leta totugugunayadi manudi kugīni kam, “Yau Yeisu magu sisi matana aiyuwo go, sooinina. Ame nakae alatuwokoimi:

Nuwogau 2:18

Tuwaina Tauyana idigo kana, ‘Anerose aivasina Tomoya ana totugugunayao Tuwatira goi imatakaavatedi ana leta totugugunayadi manudi kugīni kam, “Yau Yeisu Yaubada Natuna matagu yeu sabeninimina nakae. Aegu barasa aiigabuna be yaayaina ina námala nakae. Ame nakae alatuwokoimi:

Nuwogau 2:8

Tuwaina Tauyana idigo kana, ‘Anerose aiyuwoina Tomoya ana totugugunayao Simona goi imatakaavatedi ana leta totugugunayadi manudi kugīni kam, “Yau Yeisu Totukumgo be Totumliya, boi akámasa go, ame tuta maa yawoigu. Ame nakae alatuwokoimi:

Nuwogau 3:1

Tuwaina Tauyana idigo kana, ‘ ainimaina Tomoya ana totugugunayao Sadesi goi imatakaavatedi ana leta totugugunayadi manudi kugīni kam, “Yau yaigu goi Yaubada Balomaina ainima aiyuwo be nakae utuna ainima aiyuwo sikaaiyaka. Ame nakae alatuwokoimi: Imi sinapu bogina ayaagoidi. Komi valemi bego balomaimi maa yawoidi go, komi woi balomaimi kaamasidi!

Nuwogau 3:14

Tuwaina Tauyana idigo kana, ‘Anerose ainima aiyuwoina Yaubada ana totugugunayao Laodiseya goi imatakaavatedi ana leta totugugunayadi manudi kugīni kam, “Yau Yeisu Aba Kamoitamo o kada, ‘Yau Totalavaita dókana be Mooitamoina, nakae Yaubada ina madaginao unadi.’ Ame nakae alatuwokoimi:

Nuwogau 3:22

Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokōidi!”’

Nuwogau 3:7

Tuwaina Tauyana idigo kana, ‘Anerose ainima tayamo Tomoya ana totugugunayao Piladelipiya goi imatakaavatedi ana leta totugugunayadi manudi kugīni kam, “Yau Yeisu . Yau tubugu Devida ina ki nimagu goi ayoyoisi. Neta totom akatupáeve, geya vatau tayaamo itoboine bei ikatunibode, e nakae neta akatunibode, geya vatau tayaamo ikatupáeve. E ame nakae alatuwokoimi: