2 Korinta 10:4 - Buki Kimaasabaina

⁴ Moe moitamo. Ima yaviya ana kaipíyama geya sakava aipiyamina geya, go sem ima kaipiyamayadi moe toogagaidi unana Yaubada goi sima. Ima kaipiyamayadi goi ima kaleyayao idi kaba togaga katusaolidi. Nakae itoboinema tomota idi kaumakimaki kakausagugudi.

2 Korinta 10:4 ပူးပေါင်းရင်းမြစ်များ

Guinuwa 7:22

Tuwo Mosese Itipita goi isikuru, e da Itipita idi nanamsa liliuna sivatuluko. Tuwo tauyana ina livala be ina guinuwa goi iitogaga.

Roma 13:12

Goyo sabamgo nakae giyakainava bogina ikavava go, maliyalina matagougouna, e giyakainava bei isowóduwo. Tauna mamaníwana ana guinuwa kwama nakae tavalilivīdi go, tovayaviya nakae mavada ana kaipíyama talosīdi.

Roma 6:13

Taabu talaimi kokaasalēdi goyo yaina bei talaimiyadi ietakoidi guinuwa goyogoyoidi manudi. Go sem komi boi kaamasimi nakae go, ame maa yawoimi, e Yaubada yaina kokaasalēmi be talaimiyadi nakae kokaasalēdi Tauyana yaina bei ietakoidi kibóbwata manuna.

1 Korinta 2:5

bego imi numisa unana moe geya kada tomota idi nanamsa goi geya, go sem Yaubada ina togaga goi.

1 Korinta 9:7

Manakae? Ava tovayaviya bei ivayaviya go, toinina iemaisi ina paisewa manuna? Geya! O ava tobágula imatakaavatedi go, sipiyadi nunudi geya inimnim? Geya!

2 Korinta 10:8

Moe moitamo. Ida Tomoya lovina bogina ivinima geya bego imi numisa kakaigoyai geya, go sem bego kakitogagemi. Tuwo neta lovinayana manuna tuwaina auyawana gagágasa, geya aomaemaeta.

2 Korinta 13:10

Moe pasina nakona yau moeko yaimi goi geya go, liwola leta ame goi aginidi: Bego tutayana yaimi goi akaaiyaka lovina kasakasaina bei geya avinimita nakae itoboinegu. Go itoboinegu unana ida Tomoya goi yau magu lovina. Lovinayana moe bego imi numisa akitogage go, geya bego akaigoyai.

2 Korinta 3:5

Geya itoboinemeta kapásima kama, ‘Ame paisewayana toinima ima togaga goi kaguuinuwe.’ Go sem moe Yaubada ina togaga goi kaguuinuwe.

2 Korinta 4:7

E Vala Dedevinayana ana mavada esaesa nakae kai sakavaima neenetaidi vaega nakae sinaema goi ikaaiyaka. Ikaiyaka bego tomota siyagoi togagayana yaima goi moe Yaubada ina togaga gagaina toina go, geya kai ima togaga geya.

2 Korinta 6:7

mama bóbwara mooitamoina be nakae Yaubada ina togaga goi. Tuwaina ima paisewayana kaguinuwe ame nakae: Mama kaipíyama nimakakataima be nimakekelima goi. Ima kaipiyamayadi moe Yaubada ina kibóbwata ina manuna.

1 Tesalonáika 5:8

E kita sem maliyalina natunao go, numisa be kasikasida ana taboda nakae talosīdi be nakae ada yava ana lotuta dabada ana taboda nakae talōsi namlieta baige toinida takabikuunuīda.

1 Timoti 1:18

Natugu Timoti, moe lovinayana bogina nimam goi ayato moe nakae Yaubada ina nuwonúwana kom manum boi ina bogina sikabivalevaledi yaim. Idi livalayadi kunuwokaavatēdi be kuutogāga bego yaviya dedevina kuvayaviye ame nakae:

2 Timoti 2:3

Guna mou goi kusiukōigu nakae kom Yeisu ina tovayaviya dedevim itoboinem.

Iberiu 11:30

Isileli tubunaoyadi idi numisa goi maliyalina ainima aiyuwo goi Yeriko sivanibinibisi namlieta ina kali gurewa gagaidi sisou.