2 Korinta 1:3 - Buki Kimaasabaina

³ Yaubada aba yapali! Tauyana ida Tomoya Yeisu ina Yaubada be nakae Tamana! Tamanayana nuwokaapisina go, kipáiwala liliudi unadi moe Yaubadayana.

2 Korinta 1:3 ပူးပေါင်းရင်းမြစ်များ

Aba Vatowo 14:20

Yaubadayana aba yapali! Im kaleyayao goi iyavem be nimam goi iyatoidi.’ E tuwo Eberam ina kaleyayao konadi liliudi bogina ikabidi iwotaidi aiguyau ana badabada yawou go, aiguyau tayamo ikabi Melikisedeki ivini.

Iyoni 10:30

Yau ma Tamagu kaspwagógana tayamo.’

Iyoni 20:17

E Yeisu kana, ‘Taabu kuyooisīgu. Nava geya atukoita ana Tamagu goi. E kūna sedao kulatuwokōidi giyakainava bei atuko ana yau Tamagu nakae komi Tamami yaina. Tauyana yau guna Yaubada nakae komi imi Yaubada.’

2 Korinta 11:31

Yaubada aba yapali vata! Tauyana ida Tomoya Yeisu ina Yaubada be nakae Tamana. Ame Yaubadayana iyagoigu bego geya apoleta.

2 Korinta 7:6

Mouyadi kalotowoidi go, Yaubada kina tonuwomou adi Tokipáiwala ikipaiwolema tutayana Taito isowóduwo yaima goi.

Epeso 1:17

Guna kawanoiyana ida Tomoya Yeisu ina Yaubada yaina; Yaubadayana moe Tamana go, Tamanayana ina togaga ana káeyana ivakaigaga. E ame Yaubadayana yaina akaawanoi bego Balomaina bei nanamsa ivinimi nakae Yaubada ina nuwogau ikaiwoduwe yaimi bego Yaubadayana koyagoidoko

Epeso 1:3

Yaubada aba yapali! Tauyana ida Tomoya Yeisu ina yabobona liliudi yábana osasaina goi iviniibesoida.

Pilipai 2:11

be nakae Yeisu sikatomoyae bego kina Tomoya. Moe Yaubada ana taimámina manuna.

Kolose 1:3

Tuta liliuna Yaubada, Tauyana ida Tomoya Yeisu Tamana, yaina kakaauyagu tutayana komi manumi kakaawanoi.

1 Pita 1:3

Yaubada aba yapali! Tauyana ida Tomoya Yeisu ina Yaubada be nakae Tamana. Tauyana mana nuwokapisi gagaina kita bibina vau ivinida Yeisu Guyau ina taoyamna tokámasa yaidi goi pasina, e bei itoboineda talotuta vata.

2 Iyoni 1:4

Auyáwana gagaina unana natumowo maniyedi agitebabanedi, Yaubada ana Nanamsa Mooitamoina sisabookuliye nakae ida lovina boi Tamada iivinida.

2 Iyoni 1:9

Avatauwa neta ina vatulúkwana sikaatusavi nakae vatulukwanayana goi geya sikaiyaketa, e tauyadi Yaubada taiyao geya sispwagogoneta. Go avatauwa neta Guyauyana ina vatulúkwana goi sikaaiyaka, e tauyadi Tamada be Natuna taiyao sispwagógana.