1 Timoti 5:4 - Buki Kimaasabaina

⁴ E ava kobuyava neta ma natudiyao o ma tubudiyao, e ame tauyadi mainao Yaubada ana taimámina ana guinuwa siguuinūwe toinidi idi bodao yaidi, tuwo sinadiyao o tubudiyao simatakaavatēdi. Moe sinadiyao, tamadiyao be tubudiyao idi matakavata ana katumapu. Moe sinapuyana Yaubada iuyaone.

1 Timoti 5:4 ပူးပေါင်းရင်းမြစ်များ

Aba Vatowo 47:12

Ivinidi ikavava, tamana, senao be idi bodao ivaitedi. Adi boda ana badabada nakae, e avadi nakae ivinidi.

Aba Vatowo 47:28

E Yakobo Itipita goi ikaaiyaka tala ana badabada seventin (17) go, ana tala ana badabada madabokina bogina tayamo andedi potiseven (147).

Luke 2:51

Tuwo isou sinana be tamana taiyao sina Nasareta goi. Ago ikabikaaonedi. Kina go sinana moe dogoiyadi liliudi nuwona goi inuwooleleudi.

1 Timoti 2:3

Ame dedevina Yaubada ada Toyava matana goi be nakae iuyaone.

1 Timoti 5:16

Ava vavina nuumisaina neta ina goi senao maniyedi sikóbuya, e vavinayana imatakavatēdi go, taabu Yeisu ana totugugunayao idi yogala siyatoyāto, e bei itoboinedi kóbuya toidi simatakavatedi.

Taito 1:11

Ame tokapipilovayadi itoboinem kusanabodedi taabu sivaatulūkwana, unana idi vatulukwana polapolayana goi maniyena bodayauwo sinaedi tomota madabokidi idi numisa sikaigoyaidi. Ame nakae: Kaga sivaatulúkwana geya itoboineyeta. Idi vatulukwanayana goi latuwodi tomota idi mani sivaobudi go, amo sinapuyana moe aba omayamaya.

Ruti 2:18

Ikausapisapi ikavava, e ina bali ma bayaoina ikabi, ikaluvilamna ina ina kasa goi baliyana yaona ivatuluko kaga bogina isevedi. Ago kutukutuyadi ikaabogedi yaona ivini ikáika.

Ruti 2:2

E Ruti guma Moabe Naomi ilatuwoko idigo kana, ‘Yaogu, neta kutagonegu bei yau ana tánuwo tayamo goi kutukutuna ana totaupa sitamaumaauidi aseo. Ego ava totaupa ikanuuwoiyegu mlina goi bei aseo.’ Naomiyana kana, ‘Yaogu, kūna nakae kuguinūwe.’