1 Timoti 5:11 - Buki Kimaasabaina

¹¹ E kidi go kobukóbuya neta nava wowoiyai, yoidi taabu kuuginīdi be nakae adi vaita kwatāe. Tauyadi bei sikatótula yaina bego nai toinidi sivatabuye, e bei itoboinedi Tauyana manuna sitokuma. Go tutayana sakavaidi idi vikaiya silotowo, e latuwodi sinaimna, tuwo idi katotulayana bogina sikalave.

1 Timoti 5:11 ပူးပေါင်းရင်းမြစ်များ

1 Timoti 4:3

Tauyadi nai sisanabode be nakae awoinu maniyena sivatabuyedi. Go awoinuyadi kina Yaubada iwodugudi bego kita nuumisaida ana taayagoi liliuda mada kauyagu tauyaonedi.

1 Timoti 5:12

Moeko goi idi numisa bogina sikalave, tauna Yaubada ina lovina bei sibabane.

1 Timoti 5:14

Tauna yau guna nuwonúwana latuwogu kobukóbuya wowoiyai sinaimna, sivenátuna be nakae idi vada be idi bodao simatakavatedi. Moeko goi geya tayaamo kaga manuna Kaleyayana itoboine itagiwoidi.

1 Timoti 5:9

Kóbuya ana lovina vaita manuna ame nakae: Neta ana tala siksti (60) kana ituko, boi monena anetava iyaledoko be nakae valena tomota siyagoi guinuwa dedevidi iguinuwedi. Go guinuwayadi ame nakae: Boi natunao ivabibinidokoidi, imataogaoga, tauyadi Yaubada ina kimasabayao aedi inikidi, tokaiyakomou ivaaitedi, e tauyana kaasalaina guinuwa dedevidi liliudi yaidi goi. Neta kóbuya ina sinapu tauna nakae, tauyana yoina kugīni bei ana vaita iibabane.

Yemesa 5:5

Poyapoya goi komi mami esaesa kokaaiyaka dedevina toina, nakae kouyawana owáowana go, moe toinimi imi vailai manuna kokatubaayasimi takínona ana tuta goi.

2 Pita 2:18

Moitamo. Tovatulukwanayadi madi livala gaagasidi nakae geya basabasaidimo, e sakavaidi adi yalagau be nakae sakavaidi adi vikaiya owáowana goi tonumisa vau situbanibanidi go, tonumisayadi makaitaga toogoyoidi adi sinapu goi sisiya!

Nuwogau 18:7

Vavinayana ina nuwonúwana goi idigo kana, “Yau giyovila tayamo. Yau kóbuya nakae geya, tauna ategeda bei geya ababaneyeta.” Tauna nakonakae tauyana toinina itaimamine be nakae aiyako owáowana iyale, e ana katumapu gedageda be ategeda kovīni.

Nuwogau 18:9

Tuwo poyapoya ana tolovinao boi vavinayana taiyao simasisi goyogoyo be nakae aiyako owáowana siyale, e tutayana asayana igabu, aubowoina bei sigite itukotuko, bei sitaiyakuwokúwala gagaina asayana manuna.