1 Timoti 2:8 - Buki Kimaasabaina

⁸ E tuwaina latuwogu komi koroto imi tugúguna liliudi goi neta nimami kokatulagasidi bego kokawanoi, e nimami maavadaidi. Nakae geya imi egamogamogumo be geya imi kaumakimakimo geya.

1 Timoti 2:8 ပူးပေါင်းရင်းမြစ်များ

Madiu 21:21

E kina Yeisuyana idigo kana, ‘U, nakae isowóduwo go, ame alatuuwokoimi konōve: Neta mami numisa go, geya konanayuwoita, e kaga bogina aguinuwe keukeuyana yaina goi, itoboinemi nakae koguinuwe. Go tuwaina bei itoboinemi koya ame kolatuwoko kami, “Yaubada ikabim ilavem kusōu négwasa goi.” E nakae bei isowóduwo.

Madiu 5:44

Go ame yau alatuuwokoimi konōve: Lovinayana ana yagoina toina ame nakae: Imi kaleyayao siyogedeegedemi komatakoiyēdi be nakae manudi kokawanōi

Madiu 6:12

Ima goyo neta kunuwotaōidi nakae kai semao idi goyo yaima kanuwotaoidi.

Luke 23:34

E kina go Yeisuyana idigo kana, ‘Tamagu, idi guinuwa goyogoyoina ame kunuwotāo. Geya siyagoiyeta kaga siguuinuwe.’ E tovayaviyayadi Yeisu ana kwama, ana sendoro, ana gadíwana sikabidi, pápala tayamo siguinuwe bei sigite avatauwa sikabidi.

Luke 24:50

E ibóbwara ikavava, inavedi Betani goi nimana ikatulágata go, .

Iyoni 4:21

Go iya Yeisuyana kana, ‘Namoya, guna livala kunumīse! Komi Samériya tomotaimi geya koyagoidokoeta avatau yaina kosaakululu. Go tomota adi yava kai Diyuu yaima goi isowóduwo, tauna kai kaayagoi avatau yaina goi kasaakululu. Go abóbwara moitamo bego tuta imamaima Samériya koyaina goi o Yerusalema goi bei geya kosakululuta Tamada yaina,

Guinuwa 10:2

Tauyana koroto kaasalaina Yaubada yaina nakae mana bodayauwo . Tookaidi ivaaitedi gagaina be nakae tuta liliuna ikawanoi Yaubada yaina.

Guinuwa 10:31

Itaoya idigo kana, “Koniliasi, im kawanoi Yaubada bogina inove be nakae im vaita tookaidi yaidi bogina inuwaisidi.

Guinuwa 10:4

E tauyana mana matoita gagaina ipotapota kana, ‘Tomoya, manakae?’ E aneroseyana idigo kana, ‘Im kawanoi Yaubada bogina inove be nakae im vaita tookaidi yaidi bogina igitedi, e iuyaonem. Moe guinuwayadi moe im vininabeso Yaubada yaina nakae, tauna inuwaisim.

Guinuwa 21:5

E tutayana maliyalina ainima aiyuwo sikavava, kataoya kanonoina go, tonumisayao liliudi ma monediyao be ma natudiyao sivakitauma kaiwo kana aolao goi. Amoko goi aema kavatugúyala go, kakawanoi Yaubada yaina.

Guinuwa 7:60

E aena ivatugúyala go, niyana gagaina goi ipodeda idigo kana, ‘Guna Tomoya, idi goyo ame geya kwatumapuyeta!’ Ibóbwara ikavava, e yawoina ikavava.

1 Korinta 7:7

E latuwogu bego tomota liliudi geya sinaita yau nakae go, ayagoi madabokimi geya itoboinemita yau nakae, go sem tomota tamo tamo adi kaiguyau Yaubada iivinidi ituli ituli, maniyedi sinai, maniyedi geya sinaita.

2 Korinta 2:14

Go Yaubada yaina takauyagu unana tuta liliuna Tauyana yaviya ina tokalikumatana nakae ida nakae go, kai ima talavaita goi Yaubada ikaiwoduwe dadava liliudi bego tomota itoboinedi sisamkone, e bei Tauyana siiyagoi.

Pilipai 1:12

E segowo, latuwogu komi koyagoidoko bego guna kaiyaka deri goi Vala Dedevina ana núnuwo geya isanabodeyeta, go sem guna kaiyakayana pasina Vala Dedevina ana núnuwo akidedede.

1 Tesalonáika 1:8

Moitamo, komi aba gita tayamo. Komi goi ida Tomoya valena isagayako geya kada Mesadoniya be Akeya kaka goi geya, go sem imi numisayana Yaubada yaina valena bogina isagayako asa liliudi goi! Tauna geya itoboineyeta imi numisa manuna katalavaita.

1 Timoti 5:14

Tauna yau guna nuwonúwana latuwogu kobukóbuya wowoiyai sinaimna, sivenátuna be nakae idi vada be idi bodao simatakavatedi. Moeko goi geya tayaamo kaga manuna Kaleyayana itoboine itagiwoidi.

Taito 3:8

Mae livalayana madabokina livala . Livala amo nakae manudi latuwogu mam katepatu kukaugeogéona bego kidi bogina Yaubada ana tonumisayao sikasaledi bei tuta liliuna guinuwa dedevidi siguuinuwedi sediyao yaidi. Amo vatulukwanayadi dedevidi, kita tomota ada kaba vaita.

Iberiu 10:22

Tauna ma kateda mooitamoidi be mada numisa toogagaina Yaubada tanōko unana ateda bogina iseulidi be nakae nuwoda ina sabutuko ikimavadedi go, wowoda bwae maavadaina goi inikidi.

Yemesa 4:8

Yaubada koononōko bei Tauyana iiwokoimi. Komi toogoyoimi nimami konikīdi go, komi tonanayuwo nuwomi kokimasabēdi Yaubada umana.

1 Pita 3:7

Komi koroto nakae alatuwokoimi. Mami nanamsa monemiyao taiyao kootuyūwo go, konuuwāisi tauyadi neenetaidi. Tauyadi kowowooinēdi. Neta konuwaisi Yaubada ina kanuwóiya, moe yawoidi vau, bei sibabane kita koroto nakae. Nakae koguuinūwe, bei geya kada tayaamo kaga itoboine imi kawanoi isanabodedi geya.