1 Timoti 1:3 - Buki Kimaasabaina

³ Tomota maniyedi moeko Epeso goi sikaaiyaka, ituli ta vatulukwana polapola sivaatulúkwana. E leta ame goi akatuliwolem nakae tutayana boi bogina bei atulavem anonoina Mesadoniya parovinsi akatuliwolem bego moeko goi kwaaiyaka bei moe tomotayadi kulovinaēdi ituli ta vatulúkwana taabu sivaatulūkwana.

1 Timoti 1:3 ပူးပေါင်းရင်းမြစ်များ

Guinuwa 18:19

Sinonoina, sina Epeso goi sisou, Pirisirayana be Akuilayana ikalavedi go, kina iyava ina Diyuu idi kaba tugúguna goi Yeisu Valena manuna ikaugeogéona Diyuuyadi yaidi.

Guinuwa 18:21

go sem ivaduduwedi idigo kana, ‘Neta Yaubada ina nuwonúwana nakae, e aiyuwoina bei akaluvilamna ama.’ Ibóbwara ikavava, ikaluvilamna ina oga isowoya, Epeso goi ikailova ilokoina ina Sesariya.

Roma 15:26

Kidi Totuyoyowo nuumisaidi da Mesadoniya be da Akeya ameko goi madi uyáwana toinidi latuwodi bego idi yabobona sivininabeso Yaubada ina kimasabayao tookaidi yaidi Yerusalema goi.

Roma 16:17

E segowo, akawanoi makimaki yaimi ami dodōkana kidi tolivisi be tovakapusi yaidi. Tauyadi idi sinapu vatulúkwana mooitamoina bogina konovenove sivakaleye. Tauyadi kovakilisīdi.

2 Korinta 11:4

Maniyedi tomota bogina siwo ituli ta livala mooitamoina bogina kouyaone nakae geya. Komi manakae! Moe dogoiyadi pola go, komi komesayágana ae?

Epeso 4:14

Moe bego geya tuwaina kita ida numisa gogómana giyaidi nakae, e bei tomota idi vatulukwana polapola tamo tamo aivaya nakae geya ikaugavigaviledeta o yágira nakae geya ilayoyonideta. Amo tomotayadi madi nuwosinapu goyogoyoina idi bágala goi siyúpuna bego sikatubauda go, geya tuwaina.

Pilipai 2:24

E anumisa ida Tomoya yaina bego yau nakae giyakainava bei ao.

1 Timoti 4:11

Moe vatulukwanayadi tomota kuloviinaēdi be kuvatuulukōidi siguuinuwedi.

1 Timoti 4:6

Moe vatulukwanayadi sedao kuvatuulukōidi. Neta nakae, e kom ana tovaita dedevina unana ida numisa ana livala be nakae vatulukwana dókana ana livala bogina kusabokuliyedokoidi. Tauna livalayadi goi balomaim kuuvavani.

1 Timoti 5:7

Ame sinapuyadi tomota kuloviinaēdi siguuinuwedi bego geya adi pikwanamo.

1 Timoti 6:10

Gwa. Esaesa talookonako moe goyo badabadaidi unadi. Tomota maniyedi esaesa manuna sikokoila, tauna vatulúkwana mooitamoina goi sisuláiga go, toinidi idi kokoilayana pasina ategeda gagaina bei sibabane.

1 Timoti 6:17

Kidi go poyapoya ana toesaesa ame tuta kuloviinaēdi taabu sinuuwatūe nakae idi esaesa taabu silotuutaēdi unana esaesayadi nava bei sikavava. Go sem Yaubada silootutāe, unana Tauyana tokaiguyau bei kaga liliuna ivinibesoida moe ida uyáwana manuna.

1 Timoti 6:3

Avatauwa neta ituli ta vatulúkwana sivaatulúkwana be nakae ida Tomoya Yeisu valena moitamo be nakae yábana sinapuna geya sisabokuliyedita,

2 Timoti 1:18

Ina vaita gagaina yaigu Epeso goi bogina kuyagoidoko. Guna kawanoi ida Tomoya yaina bego itagona takínona ana maliyalina goi Onesiporoyana nuwokapisi ibabane yaina.

2 Iyoni 1:7

Moitamo. Topola badabadaidi bogina sina asa liliudi poyapoya ana madabokina goi silawooiwoi bego Yeisu imalasakava. Avatau neta amo nakae siibobore, iya moe topolayana, Guyau ana kaleyayana.

Nuwogau 2:14

Go geya kada imi sinapu madabokina dedevina geya, go sem maniyemi imi sinapu akataedi. Maniyemi Balam ina vatulúkwana koyoisiikavate. Tauyana boi Balaki ivatuluko manakaena bei adi síkwana iyato, e bei ikatubaudi bego awoinu kaasalaidi yaubada polapola yaidi sikáika be nakae simasisi goyogoyo.

Nuwogau 2:20

Go geya kada imi sinapu madabokina dedevina geya, go sem imi sinapu tayamo akatae. Sinapuyana moe vavina tayamo Yesibeli nakae kotagone yaimi ikaaiyaka. Tauyana toinina ivayoko bego Yaubada ina ivatulukoidi go, ina vatulukwanayana goi ivasulaigidi; latuwona bego kidi simasisi goyogoyo be nakae awoinu kaasalaidi yaubada polapola yaidi sikáika.